Best Printers 2026: ఒకప్పుడు ప్రింటర్లు కేవలం ఆఫీసులకే పరిమితమయ్యేవి. కానీ ఇప్పుడు పరిస్థితులు పూర్తిగా మారిపోయాయి. విద్యార్థుల అసైన్ మెంట్లు, ప్రాజెక్ట్ వర్క్, స్టడీ మెటీరియల్స్ ప్రింట్ కోసం ప్రింటర్ల అవసరం పెరిగిపోయింది. అంతేకాకుండా వర్క్ ఫ్రమ్ హోమ్ చేసే వారికి ఆఫీసు డాక్యుమెంట్లు ప్రింట్ తీసుకోవడానికి కూడా ఇవి తప్పనిసరిగా మారిపోయాయి. ఈ నేపథ్యంలో ఇంటి అవసరాల కోసం మార్కెట్లో లభించే టాప్ 5 హై-క్వాలిటీ ప్రింటర్ల వివరాలు, వాటి ప్రధాన ఫీచర్లు ఈ కథనంలో అందించడం జరుగుతోంది. వాటిపై ఓ లుక్కేయండి.
మార్కెట్లోని అత్యుత్తమ ప్రింటర్స్ లో ఇదీ ఒకటి. ఇది చాలా వేగంగా ప్రింట్ చేస్తుంది. డ్యూయల్ పాస్ స్కానింగ్ ఫీచర్ను సైతం కలిగి ఉంది. దీనిలో ఫోటోలు, డాక్యుమెంట్లు రెండూ చాలా స్పష్టంగా వస్తాయి. HP+ సబ్స్క్రిప్షన్తో ఇంక్ మేనేజ్మెంట్ మరింత సులభతరం కానుంది. దీని ధర రూ.66,199గా ఉంది.
ఫోటోగ్రఫీ, గ్రాఫిక్ డిజైనింగ్ పట్ల ఆసక్తి ఉన్నవారికి ఈ ప్రింటర్ ఒక వరమని చెప్పవచ్చు. ఇది కార్ట్రిడ్జ్ రహిత (Cartridge-free) ప్రింటర్. బాటిల్స్ ద్వారా ఇంక్ నింపుకోవచ్చు. దీనిలోని 6 కలర్ ఇంక్ సిస్టమ్ వల్ల రంగులు చాలా సహజంగా, అద్భుతమైన క్వాలిటీతో వస్తాయి. ఇది రూ.84,000 నుంచి రూ.1.25 లక్షల మధ్య అందుబాటులో ఉంది.
ఇంట్లో అందరికీ ఉపయోగపడేలా ఆల్ వన్ ప్రింటర్ ను కోరుకుంటే దీనిని ట్రై చేయవచ్చు. ఇది కాంపాక్ట్ డిజైన్ తో రూపొందింది. కాబట్టి ఎక్కడికైనా తేలిగ్గా తీసుకెళ్లవచ్చు. దీనికి వైఫై కనెక్టివిటీ సైతం అందించారు. ఫలితంగా స్మార్ట్ఫోన్ ద్వారానే నేరుగా ప్రింట్ తీసుకోవచ్చు. దీని ధర రూ.19,000 నుంచి రూ.48,000 మధ్య పలుకుతోంది.
మీకు కేవలం బ్లాక్ అండ్ వైట్ ప్రింట్లు మాత్రమే కావాలని భావిస్తే ఇది బెస్ట్ ఛాయిస్ గా నిలుస్తుంది. ఇది లేజర్ ప్రింటర్.. కాబట్టి ఇంక్ ఆరిపోయే సమస్య ఉండదు. ఆటోమేటిక్ డ్యూప్లెక్స్ (రెండు వైపులా) ప్రింటింగ్ ఫీచర్ వల్ల పేపర్లు ఆదా అవుతాయి. ఆఫీస్ వర్క్ కోసం ఇది పర్ఫెక్ట్ గా నిలుస్తుంది. ఇది రూ. 57,990 నుంచి రూ.64,980 మధ్య సేల్ అవుతోంది.
Also Read: Air Conditioner: నీటి తుంపర్ల చిట్కా.. సగానికే పవర్ బిల్లు.. ఏసీ యూజర్లకు పండుగే!
బడ్జెట్ ధరలో మంచి క్వాలిటీ ప్రింటర్ కోరుకునేవారికి ఇది సరిగ్గా సరిపోతుంది. పిల్లల స్కూల్ ప్రాజెక్టులకు, అప్పుడప్పుడు తీసుకునే ఫోటో ప్రింట్లకు ఇది ప్రయోజనకరంగా ఉంటుంది. ఇది తక్కువ బడ్జెట్ లో లభించే నాణ్యమైన ప్రింటర్. ఇది మార్కెట్లో రూ.12,900కి లభిస్తోంది.
Also Read: బడ్జెట్ ధరలో టచ్ స్క్రీన్ ల్యాప్టాప్ కావాలా? అమెజాన్ సేల్లో అదిరిపోయే ఆఫర్లు!
Share
మౌనం వీడండి.. విద్యార్థులను కాపాడండి.. కేంద్రానికి కిరణ్ రెడ్డి పిలుపు
కాంగ్రెస్ పార్టీ తప్పుడు ప్రచారంపై బీజేపీ చీఫ్ ఆగ్రహం.. ఆనాడు ఇందిరాగాంధీ మాట మరిచారా? అంటూ ప్రశ్నలు
