TV Wall Mounting: కొత్త టీవీని గోడకు అమర్చితే ఇంటి లుక్ వెంటనే మారిపోతుంది. టీవీ స్టాండ్ అవసరం లేకపోవడం, గది కాస్త విశాలంగా కనిపించడం, క్లీన్గా ఉండటం దీని ప్లస్ పాయింట్లు. కానీ ఫొటోల్లో కనిపించేంత ఈజీగా వాల్ మౌంటింగ్ ఉండదు. ఒకసారి గోడకు బిగించిన తర్వాత టీవీని మార్చడం, కేబుల్స్ దాచడం, ఎత్తు సెట్ చేయడం వంటి విషయాల్లో ఇబ్బందులు ఎదురవుతాయి. అందుకే టీవీని గోడకు పెట్టే ముందు ఈ 5 సమస్యలను కూడా గుర్తుంచుకోవాలి.
టీవీ బరువుగా ఉండటంతో గోడకు ఎక్కించి బ్రాకెట్లో సరిగ్గా ఫిక్స్ చేయడం కష్టం. ముఖ్యంగా 55 అంగుళాలు లేదా అంతకంటే పెద్ద టీవీ అయితే ఇద్దరు లేదా అంతకంటే ఎక్కువ మంది అవసరం కావచ్చు. గోడలో స్టడ్స్ ఎక్కడున్నాయో గుర్తించి, సరైన కొలతలతో బ్రాకెట్ పెట్టాలి. చిన్న పొరపాటు జరిగినా టీవీ వంకరగా కనిపిస్తుంది. నమ్మకం లేకపోతే ప్రొఫెషనల్ సహాయం తీసుకోవాల్సి రావచ్చు.
బ్రాకెట్ను బిగించడానికి గోడలో రంధ్రాలు చేయాల్సిందే. టీవీని తర్వాత తీసేసినా ఆ రంధ్రాలు అలాగే ఉంటాయి. వాటిని ప్యాచ్ చేసి, సాండ్ చేసి, మళ్లీ పెయింట్ చేయాలి. అద్దె ఇంట్లో ఉంటే ఈ పని మరింత ఇబ్బందిగా మారొచ్చు. ఇంటిని మార్చేటప్పుడు అదనపు ఖర్చు కూడా రావచ్చు.
Also Read: 9000mAh బ్యాటరీతో పోకో కొత్త ఫోన్.. ఇండియా వేరియంట్లో ఇదే హైలైట్?!
టీవీ స్టాండ్పై ఉంటే కావాల్సిన చోటుకు సులభంగా జరపొచ్చు. కానీ గోడకు మౌంట్ చేసిన టీవీని కొన్ని అంగుళాలు పైకి లేదా కిందికి మార్చాలన్నా బ్రాకెట్ తీసి కొత్త రంధ్రాలు చేయాలి. కొత్త ఫర్నిచర్ లేదా పెద్ద టీవీ కొనుగోలు చేసినప్పుడు ఈ సమస్య మరింత స్పష్టంగా కనిపిస్తుంది.
గోడపై వేలాడుతున్న టీవీ అందంగా కనిపించాలంటే వైర్లు కనిపించకూడదు. పవర్ కేబుల్, HDMI, గేమింగ్ కన్సోల్ వైర్లు బయట ఉంటే మొత్తం లుక్ పాడవుతుంది. కేబుల్ ఛానెల్ వాడితే కొంతవరకు పరిష్కారం దొరుకుతుంది. పూర్తిగా దాచాలంటే గోడలోపల కేబుల్స్ ఏర్పాటు చేయాలి.
టీవీని చాలా ఎత్తులో పెట్టడం వల్ల చూస్తున్నప్పుడు తలను పైకి ఎత్తాల్సి వస్తుంది. ఎక్కువసేపు అలా చూడటం మెడపై ఒత్తిడి పెంచుతుంది. టీవీ మధ్య భాగం సాధారణంగా సోఫాలో కూర్చున్నప్పుడు కళ్ల స్థాయికి దగ్గరగా ఉండటం మంచిది. ఫైర్ప్లేస్ లేదా ఇతర ఫర్నిచర్ కారణంగా టీవీని పైకి పెట్టాల్సి వస్తే ఈ సమస్య మరింత పెరగొచ్చు.
Also Read: కేబుల్ కదిలిస్తేనే ఛార్జింగ్ ఎక్కుతుందా? మీ ఫోన్లో అసలు సమస్య ఇదే కావచ్చు!
Share
చిన్న చిన్న విషయాలకే కోపం వస్తోందా? ప్రశాంతంగా ఉండడానికి రోజూ ఈ 5 టిప్స్ పాటించండి
రేవంత్ నాయకత్వాన్ని బలపరిచేలా అధిష్టానం అడుగులు! ఢిల్లీ పెద్దలతో సత్సంబంధాల సంకేతాలు..!
