SmartPhone Power Button Uses| చాలా మంది స్మార్ట్ఫోన్ వినియోగదారులు అందులోని పవర్ బటన్ను కేవలం ఫోన్ ‘స్విచ్ ఆన్’ లేదా ‘స్విచ్ ఆఫ్’ చేయడానికి మాత్రమే ఉపయోగిస్తారు. కానీ ఈ చిన్న బటన్లో చాలా ఉపయోగకరమైన ఫీచర్లు దాగి ఉన్నాయి. ఈ ఫీచర్లు రోజువారీ ఫోన్ ఉపయోగాన్ని సులభతరం చేస్తాయి, సమయం ఆదా చేస్తాయి. ఈ ఆప్షన్ల గురించి ఫోన్ సెట్టింగ్స్లో కనిపించదు.. అందుకే చాలా మందికి వీటికి గురించి తెలియదు. ఇక్కడ అత్యంత ఉపయోగకరమైన పవర్ బటన్ ఫీచర్లు చూద్దాం.
పవర్ బటన్తో స్క్రీన్షాట్ తీయడం చాలా సులభం. పవర్ బటన్ + వాల్యూమ్ డౌన్ బటన్లను ఒకేసారి ఒక సెకను పట్టుకోండి. స్క్రీన్ షాట్ తీసుకోబడుతుంది. దీనికి ఎలాంటి అదనపు యాప్ అవసరం లేదు. దాదాపు అన్ని ఆండ్రాయిడ్, ఐఫోన్ మోడల్స్లో ఇది పనిచేస్తుంది. ముఖ్యమైన చాట్లు, డాక్యుమెంట్లు, ఇమేజ్లను సేవ్ చేసి షేర్ చేయవచ్చు.
పవర్ బటన్తో కాల్ కట్ చేయవచ్చు. ఫోన్ డయలర్ లేదా యాక్సెసిబిలిటీ సెట్టింగ్స్లోకి వెళ్లండి. “Press power button to end calls” ఆప్షన్ను ఆన్ చేయండి. ఇకపై ఒకసారి పవర్ బటన్ నొక్కితే కాల్ ఎండ్ అవుతుంది. స్క్రీన్ను టచ్ చేయాల్సిన అవసరం లేదు. చేతులు బిజీగా ఉన్నప్పుడు ఇది చాలా ఉపయోగకరం.
ఎమర్జెన్సీ సమయాల్లో పవర్ బటన్ సహాయపడుతుంది. పవర్ బటన్ను బలంగా లేదా పదేపదే నొక్కండి. ఫోన్ SOS ఎమర్జెన్సీ ఆప్షన్ చూపిస్తుంది. ఇది ఆటోమేటిక్గా ఎమర్జెన్సీ కాంటాక్ట్స్కు కాల్ చేస్తుంది. మీ లొకేషన్ కూడా షేర్ చేస్తుంది. ఫోన్ లాక్లో ఉన్నప్పుడు కూడా ఇది పనిచేస్తుంది. అన్ని స్మార్ట్ఫోన్లలో డిఫాల్ట్గా ఈ ఫీచర్ ఉంటుంది.
పవర్ బటన్ను 2 సెకన్ల పాటు పట్టుకుంటే వాయిస్ అసిస్టెంట్ ఓపెన్ అవుతుంది. గూగుల్ అసిస్టెంట్ లేదా సిరి వెంటనే వస్తుంది. ప్రశ్నలు అడగవచ్చు, స్మార్ట్ డివైస్లను కంట్రోల్ చేయవచ్చు. స్క్రీన్ టచ్ చేయకుండానే పని జరుగుతుంది. ముందుగా సెట్టింగ్స్లో ఈ ఆప్షన్ ఆన్ చేయాలి.
కొన్ని ఫోన్లలో పవర్ బటన్ను డబుల్ ప్రెస్ చేస్తే టార్చ్ ఆన్ అవుతుంది. సిస్టమ్ సెట్టింగ్స్లో ఈ షార్ట్కట్ ఆన్ చేయవచ్చు. చీకటి ప్రదేశాల్లో త్వరగా లైట్ ఆన్ చేయడానికి ఉపయోగపడుతుంది. ఫోన్ లాక్లో ఉన్నప్పుడు కూడా పనిచేస్తుంది.
పవర్ బటన్ను ఒకసారి నొక్కితే ఫోన్ వెంటనే లాక్ అవుతుంది. ఇది డేటాను అనధికారిక యాక్సెస్ నుంచి కాపాడుతుంది. డిస్ప్లే ఆఫ్ అయినందున బ్యాటరీ కూడా ఆదా అవుతుంది. తరచూ లాక్ చేయడం ఫోన్ సెక్యూరిటీని పెంచుతుంది.
పవర్ బటన్ను లాంగ్ ప్రెస్ చేస్తే పవర్ మెనూ ఓపెన్ అవుతుంది. రీస్టార్ట్, షట్డౌన్, ఎయిర్ప్లేన్ మోడ్ ఆప్షన్లు వస్తాయి. కొన్ని ఫోన్లలో డివైస్ కంట్రోల్స్ కూడా కనిపిస్తాయి. సిస్టమ్ ఫంక్షన్స్ త్వరగా మేనేజ్ చేయడానికి ఇది ఉపయోగపడుతుంది.
Also Read: రికార్డ్స్ బద్దలు కొడుతున్న 10001mAh బ్యాటరీగల కొత్త రియల్మి ఫోన్.. కేవలం 1 గంటలో షాకింగ్ సేల్స్
ఈ పవర్ బటన్ ట్రిక్స్ ఫోన్ ఉపయోగాన్ని వేగవంతం చేస్తాయి. అదనపు యాప్ల అవసరం తగ్గుతుంది. సేఫ్టీ, కన్వీనియెన్స్ పెరుగుతాయి. చాలా మంది ఈ హిడెన్ ఫీచర్లను ఎప్పుడూ ఉపయోగించరు. వీటిని నేర్చుకోవడం వల్ల రోజువారీ పనులు సులభమవుతాయి.
స్మోర్ట్ఫోన్ పవర్ బటన్ కనిపించే దానికంటే ఎక్కువ ఫీచర్స్ కలిగి ఉంది. సేఫ్టీ, పెర్ఫామెన్స్ కోసం షార్ట్కట్స్ ఇస్తుంది. మీ ఫోన్ సెట్టింగ్స్లో ఈ ఫీచర్లను ఎక్స్ప్లోర్ చేయండి. చిన్న మార్పులతో మీ స్మార్ట్ఫోన్ మరింత స్మార్ట్గా మారుతుంది.
Share
Big TV Malayalam: బిగ్ టీవీ మలయాళం ఛానెల్.. కొత్త లోగో ఆవిష్కరించిన ఛైర్మన్ విజయ్
Rice Scam: ప్రభుత్వ బియ్యం నొక్కేస్తున్న వార్డెన్ .. రెడ్ హ్యాండెడ్గా పట్టుకున్న పోలీసులు!
