Vivo V70 Elite: 50MP ట్రిపుల్ కెమెరా, 6500mAh బ్యాటరీతో ప్రీమియం మిడ్ రేంజ్ ఫోన్స్ లాంచ్ చేసిన వివో.. ధర, ఫీచర్స్ ఇవే

Vivo V70 Elite| వివో కంపెనీ భారత్‌లో కొత్త V70 సిరీస్‌ స్మార్ట్‌ఫోన్స్ లాంచ్ చేసింది. ఈ సిరీస్‌లో వివో V70, వివో V70 ఎలైట్ మోడల్స్ ఉన్నాయి. గత ఏడాది V60 సిరీస్‌తో పోలిస్తే ఇవి మెరుగైన ఫీచర్లతో వచ్చాయి. ప్రీమియం కెమెరాలు, పెద్ద బ్యాటరీలు, ఫాస్ట్ ఛార్జింగ్, బ్రైట్ AMOLED డిస్‌ప్లేలు ఇందులో ప్రధాన ఆకర్షణలు. రెండు ఫోన్‌లు ఆండ్రాయిడ్ 16 ఆధారిత OriginOS 6తో రన్ అవుతాయి.

వివో V70, V70 ఎలైట్ ధరలు

వివో V70 8GB + 256GB వేరియంట్ ధర రూ.45,999 నుంచి మొదలవుతుంది. 12GB + 256GB వేరియంట్ రూ.49,999కి దొరుకుతుంది. ఈ మోడల్ ప్యాషన్ రెడ్, లెమన్ యెల్లో రంగుల్లో లభిస్తుంది.
వివో V70 ఎలైట్ 8GB + 256GB ధర రూ.51,999. 12GB + 256GB రూ.56,999 మరియు టాప్ 12GB + 512GB వేరియంట్ రూ.61,999కి అందుబాటులో ఉంది. ఎలైట్ మోడల్ ప్యాషన్ రెడ్, సాండ్ బీజ్, ఆథెంటిక్ బ్లాక్ రంగుల్లో వస్తుంది.
రెండు ఫోన్‌లు వివో అధికారిక వెబ్‌సైట్, ఫ్లిప్‌కార్ట్, అమెజాన్‌లో లభిస్తాయి. SBI, HDFC, Yes బ్యాంక్ కార్డులతో 10 శాతం క్యాష్‌బ్యాక్ కూడా ఉంది.

వివో V70 ఎలైట్ డిస్‌ప్లే, పర్‌ఫామెన్స్

వివో V70 ఎలైట్‌లో 6.59 ఇంచ్ AMOLED డిస్‌ప్లే ఉంది. రిజల్యూషన్ 2750 × 1260 పిక్సెల్స్, 120Hz రిఫ్రెష్ రేట్, 459 PPI ఉన్నాయి. లోకల్ పీక్ బ్రైట్‌నెస్ 5000 నిట్స్ వరకు ఉంటుంది. స్నాప్‌డ్రాగన్ 8s జెన్ 3 ప్రాసెసర్‌తో ఫ్లాగ్‌షిప్ పనితీరు ఇస్తుంది. గేమింగ్, మల్టీటాస్కింగ్ సులభంగా చేయవచ్చు. 6500mAh బ్యాటరీ, 90W ఫాస్ట్ ఛార్జింగ్ ఉన్నాయి. 8GB/12GB RAM, 256GB/512GB స్టోరేజ్ ఆప్షన్లు ఉన్నాయి.

వివో V70 ఎలైట్ కెమెరా సెటప్

ట్రిపుల్ రియర్ కెమెరా సెటప్ ఉంది. 50MP ZEISS ప్రైమరీ కెమెరా (OIS, f/1.88), 50MP ZEISS సూపర్ టెలిఫోటో (OIS, f/2.65), 8MP అల్ట్రా-వైడ్ (OIS, f/2.2) ఉన్నాయి. ఫ్రంట్‌లో 50MP ZEISS సెల్ఫీ కెమెరా (f/2.0) ఉంది. IP68, IP69 రేటింగ్స్‌తో డస్ట్, వాటర్ ప్రొటెక్షన్ ఉంది.

వివో V70 డిస్‌ప్లే, పర్‌ఫామెన్స్

వివో V70లో కూడా 6.59 ఇంచ్ AMOLED డిస్‌ప్లే, 2750 × 1260 రిజల్యూషన్, 120Hz రిఫ్రెష్ రేట్, 5000 నిట్స్ బ్రైట్‌నెస్, 459 PPI ఉన్నాయి. స్నాప్‌డ్రాగన్ 7 జెన్ 4 ప్రాసెసర్‌తో మిడ్-రేంజ్ పర్‌ఫామెన్స్ బాగుంటుంది. 6500mAh బ్యాటరీ, 90W ఫాస్ట్ ఛార్జింగ్ ఉన్నాయి.

వివో V70 కెమెరా, ఫీచర్లు

50MP ZEISS ప్రైమరీ (OIS), 50MP ZEISS టెలిఫోటో, 8MP అల్ట్రా-వైడ్, 50MP ZEISS ఫ్రంట్ కెమెరా ఉన్నాయి. IP68, IP69 రేటింగ్స్, 5G, బ్లూటూత్ 5.4, USB Type-C 2.0, NFC, 3D అల్ట్రాసోనిక్ ఫింగర్‌ప్రింట్ సెన్సర్ ఉన్నాయి.

వివో V70 సిరీస్ ప్రీమియం స్మార్ట్‌ఫోన్ కొనాలనుకునేవారికి మంచి ఆప్షన్స్. ఎలైట్ మోడల్ ఫ్లాగ్‌షిప్ పనితీరు ఇస్తుంది. సాధారణ V70 మంచి ఫీచర్లతో సరసమైన ధరలో ఉంది. రెండింటిలోనూ అద్భుత ZEISS కెమెరాలు, పెద్ద బ్యాటరీలు ఉన్నాయి.

Share

• 
• 
• 
• 
• 
•