Vivo V70 Lite: టెక్ ప్రియులు ఎప్పుడెప్పుడా అని ఎదురుచూస్తున్న Vivo V70 సిరీస్లో మరో కొత్త ఫోన్ యూఏఈ మొబైల్ మార్కెట్లోకి వచ్చేసింది. Vivo V70 Lite పేరుతో విడుదలైన ఈ ఫోన్.. గతంలో వచ్చిన V60 Liteకు సక్సెసర్గా నిలవనుంది. ఇటీవల భారత్లో V70, V70 Elite మోడళ్లను లాంచ్ చేసిన సంస్థ, ఇప్పుడు సైలెంట్గా ఈ బడ్జెట్ ఫ్రెండ్లీ ఫోన్ను పరిచయం చేసింది. తక్కువ ధరలో ఎక్కువ ఫీచర్లు కోరుకునే వారిని టార్గెట్ చేస్తూ వివో దీనిని డిజైన్ చేసింది.
ఈ Vivo V70 Lite చూడటానికి దాదాపు పాత మోడల్లానే ఉన్నప్పటికీ.. డిజైన్ పరంగా కొన్ని మార్పులు చేశారు. చాలా సన్నని బెజెల్స్, పంచ్ హోల్ డిస్ప్లేతో ఈ ఫోన్ ప్రీమియం లుక్ను ఇస్తుంది. అలాగే దీనిలో 6.77 అంగుళాల AMOLED డిస్ప్లేను అందించారు. ఇది ఫుల్ హెచ్డీ ప్లస్ రిజల్యూషన్తో పాటు 120Hz రీఫ్రెష్ రేట్ను సపోర్ట్ చేస్తుంది. దీనివల్ల స్క్రీన్ చాలా స్మూత్గా పనిచేస్తుంది. వీడియోలు చూసేటప్పుడు మంచి అనుభూతి కలుగుతుంది.
Also Read: గేమర్స్కి పండగే.. 185Hz డిస్ప్లే, 10,000mAh భారీ బ్యాటరీతో వన్ప్లస్ కొత్త మొబైల్ వస్తోంది!
ఈ బడ్జెట్ ఫోన్లో మీడియాటెక్ డైమెన్సిటీ 7400 టర్బో చిప్సెట్ను ఉపయోగించారు. ఇది గరిష్టంగా 2.5GHz క్లాక్ స్పీడ్తో రన్ అవుతుంది. కాబట్టి.. రోజువారీ యూజ్తో పాటు గేమింగ్ను కూడా ఈ ఫోన్ సులువుగా హ్యాండిల్ చేయగలదు. దీనికి తోడు 12GB వరకు RAM, 256GB ఇంటర్నల్ స్టోరేజ్ను జోడించారు. ఆండ్రాయిడ్ 16 ఆధారిత ఆరిజిన్ ఓఎస్ 6 సాఫ్ట్వేర్పై ఈ ఫోన్ రన్ అవుతుంది.
కెమెరా పరంగా చూసుకుంటూ ఈ ఫోన్ వెనుక వైపు నిలువుగా అమర్చిన రెండు కెమెరాలు ఉన్నాయి. ఇందులో 50MP ప్రధాన సోనీ కెమెరాతో పాటు, 8MP వైడ్ యాంగిల్ కెమెరాను ఇచ్చారు. ఇక సెల్ఫీల కోసం ముందు భాగంలో 32MP కెమెరాను కేటాయించారు. దీనివల్ల సోషల్ మీడియా రీల్స్, ఫొటోలు, వీడియో కాల్స్ చాలా క్లారిటీగా వస్తాయి.
Vivo V70 Lite ప్రధాన ఆకర్షణ దీని బ్యాటరీనే. 6,500mAh సామర్థ్యం గల బ్యాటరీని ఇచ్చారు. దీనికి తోడు 90W ఫాస్ట్ ఛార్జింగ్ సపోర్ట్ కూడా ఉంది. యూఏఈ మార్కెట్లో లాంచ్ అయిన ఈ ఫోన్ బేస్ వేరియంట్ (8GB RAM + 256GB స్టోరేజ్) ధర రూ.28,500గా ఉంది). అలాగే, దీని టాప్ వేరియంట్ (12GB RAM + 256GB స్టోరేజ్) ధర రూ.33,700గా నిర్ణయించారు. ఈ ఫోన్ ప్రస్తుతం బ్లాక్, గోల్డ్ కలర్ ఆప్షన్లలో కొనుగోలు చేయడానికి అందుబాటులో ఉంది.
Also Read: రోబోట్ క్లీనర్ నుండి స్మార్ట్ ప్లగ్ వరకు.. ప్రతి ఇంట్లోనూ ఉండాల్సిన బెస్ట్ అలెక్సా డివైజెస్!
Share
వచ్చేది మా ప్రభుత్వమే.. రాసి పెట్టుకోండి.. రేవంత్కు హరీష్ రావు ఓపెన్ ఛాలెంజ్!
సెట్టింగ్ స్ప్రే లేదా? అయినా పర్లేదు.. మేకప్ రోజంతా చెరిగిపోకుండా ఉండే సూపర్ ట్రిక్స్!
