Vivo X200T: ప్రముఖ మొబైల్ ఉత్పత్తిదారు వివో.. ZEISS సంస్థతో చేతులు కలిపి, పొటోగ్రఫీని నెక్ట్స్ లెవల్‌కు తీసుకెళ్లేలా vivo X200T మోడల్‌ను భారత మార్కెట్లో లాంచ్ చేసింది. ఈ స్మార్ట్‌ఫోన్‌ను కేవలం ఫొటోల కోసమే కాకుండా.. పవర్‌ఫుల్ పెర్ఫామెన్స్‌ను ఆశించే యూజర్లను దృష్టిలో ఉంచుకుని రూపొందించినట్లు తెలుస్తోంది. ఇప్పుడీ ఫోన్ ధర, ఫీచర్లు, పనితీరు గురించి ముఖ్యమైన విషయాలు తెలుసుకుందాం.
ఈ Vivo X200T ఆకట్టుకునే గ్లాస్, అల్యూమినియం ఫ్రేమ్ బాడీతో వస్తుంది. దీనిలో అమర్చిన 6.67 అంగుళాల ఫుల్ హెచ్‌డీ+ అమోలెడ్ డిస్‌ప్లే యూజర్లకు అద్భుతమైన విజువల్ అనుభూతిని అందిస్తుంది. ముఖ్యంగా 5000 నిట్స్ పీక్ బ్రైట్‌నెస్ వల్ల ఎండలో కూడా స్క్రీన్ చాలా స్పష్టంగా కనిపిస్తుంది. దీనికి తోడు 120Hz రిఫ్రెష్ రేట్ ఉండటంతో ఫోన్ వాడకం చాలా స్మూత్‌గా ఉంటుంది.
Also Read: 9000mAh బ్యాటరీతో భారత మార్కెట్లోకి వన్‌ప్లస్ నార్డ్ 6.. అత్యాధునిక ఫీచర్లు చూస్తే మైండ్ బ్లాకే!
ఇకపోతే.. ఈ ఫోన్‌లో వెనుక వైపు మూడు 50MP కెమెరాలను అమర్చారు. దీనిలో ప్రైమరీ కెమెరాతో పాటు అల్ట్రావైడ్, పెరిస్కోప్ లెన్స్‌లు ఉన్నాయి. అలాగే దీనిలో 100x హైపర్ జూమ్ సదుపాయం ఉండటంతో చాలా దూరంగా ఉన్న వస్తువులను కూడా స్పష్టంగా క్యాప్చర్ చేయొచ్చు. సెల్ఫీల కోసం ఫ్రెంట్‌లో 32MP1 కెమెరాను ఇచ్చారు. ప్రొఫెషనల్ వీడియోలు తీయాలనుకునే వారు దీనిలో 4K క్వాలిటీతో రికార్డ్ చేసుకోవచ్చు.
ఇది మీడియాటెక్ డైమెన్సిటీ 9400+ ప్రాసెసర్‌తో పనిచేస్తుంది. అలాగే గేమింగ్, మల్టీ టాస్కింగ్‌కు ఈ ఫోన్ మెరుగైన పనితీరును అందిస్తుంది. బ్యాటరీ పరంగా చూసుకుంటే.. దీనిలో 6,200mAh భారీ బ్యాటరీని అమర్చారు. దీనికి 90W ఫాస్ట్ ఛార్జింగ్ సపోర్ట్ తో పాటు 40W వైర్‌లెస్ ఛార్జింగ్ సదుపాయం కూడా ఉంది. దీంతో ఒక్కసారి ఛార్జ్ చేస్తే సుమారు 35 గంటల పాటు బ్యాకప్ ఇస్తుంది.
భారత మార్కెట్లో Vivo X200T రెండు వేరియంట్లలో అందుబాటులో ఉంది. 256GB స్టోరేజ్ వేరియంట్ ధర రూ.59,999 ఉండగా, 512GB వేరియంట్ ధర రూ.69,999 గా ఉంది. ఎంపిక చేసిన బ్యాంకు కార్డులపై రూ.5వేల వరకు ఇన్‌స్టంట్ డిస్కౌంట్ లేదా ఎక్స్ఛేంజ్ బోనస్ పొందే అవకాశం కూడా ఉంది. ఆండ్రాయిడ్ 16 వెర్షన్‌తో వస్తున్న ఈ ఫోన్‌కు 5ఏళ్ల వరకు ఓఎస్ అప్‌డేట్స్ లభిస్తాయి.
Also Read: మార్కెట్లోకి Poco X8 Pro ఐరన్ మ్యాన్ ఎడిషన్.. ఫీచర్లు మామూలుగా లేవుగా!
Share
Karimnagar: నా చావుకు మా అమ్మ, నాన్నే కారణం.. కొడుకు సెల్ఫీ సూసైడ్
Telangana Municipal Elections 2026: మోగిన తెలంగాణ మున్సిపల్ ఎన్నికల నగారా.. రేపటి నుంచే నామినేషన్లు!
