Vivo X300 FE Launched: ప్రముఖ వివో కంపెనీ నుంచి సరికొత్త ఫ్లాగ్షిప్ ఫోన్ Vivo X300 FE భారతదేశంలో ఎట్టకేలకు విడుదలైంది. X సిరీస్లో ఇది నాలుగో ఫోన్. అయితే.. గతేడాది మోడల్స్తో పోలిస్తే ఈసారి రేటు కొంచెం ఎక్కువే ఉంది. మెమరీ చిప్ల కొరత వల్ల ధర పెంచక తప్పలేదని కంపెనీ అంటోంది. ధర ఎక్కువైనా సరే.. దీనిలో ఉన్న ఫీచర్లు చూస్తే మాత్రం అబ్బా అనాల్సిందే. మరి ఈ కొత్త ఫోన్ విశేషాలేంటో ఒకసారి చూద్దామా!
ఈ Vivo X300 FE రేటు విషయానికి వస్తే.. 12GB RAM, 256GB స్టోరేజ్ ఉన్న బేస్ మోడల్ రూ.79,999కి దొరుకుతుంది. ఇంకా ఎక్కువ స్పేస్ కావాలంటే 512GB వేరియంట్ రూ.89,999కి లభిస్తుంది. మే 14 నుంచి అమెజాన్, ఫ్లిప్కార్ట్లో అమ్మకాలు మొదలవుతాయి. SBI, Axis వంటి బ్యాంక్ కార్డులు ఉంటే 10 శాతం వరకు క్యాష్బ్యాక్ కూడా వస్తుంది. ఇక కలర్స్ విషయానికొస్తే.. లైలాక్ పర్పుల్, బ్లాక్, ఆలివ్ రంగుల్లో భలే స్టైలిష్గా ఉన్నాయి.
ఈ ఫోన్ స్క్రీన్ చూడటానికి చాలా రిచ్గా ఉంటుంది. 6.31 అంగుళాల అమోలెడ్ డిస్ప్లేతో వీడియోలు చూస్తుంటే మంచి ఫీల్ వస్తుంది. 5,000 నిట్స్ బ్రైట్నెస్ ఉండటం వల్ల మండుటెండలో బయట నిలబడి ఫోన్ చూసినా అక్షరాలు స్పష్టంగా కనిపిస్తాయి. దీనికి నీరు, దుమ్ము నుంచి రక్షణ కూడా ఉంది. సాఫ్ట్వేర్ గురించి దిగులు పడక్కర్లేదు.. ఐదేళ్ల వరకు ఓఎస్ అప్డేట్లు ఇస్తామని కంపెనీ హామీ ఇచ్చింది.
Also Read: నిజమండీ బాబూ.. రూ.9 వేలకే iPhone లాంటి ఫోన్.. నమ్మట్లేదా? అయితే మీరే చూసేయండి!
గేమ్స్ ఎక్కువగా ఆడేవారికి, ఫోన్ అస్సలు హ్యాంగ్ అవ్వకూడదు అనుకునేవారికి ఇది బెస్ట్ ఛాయిస్. దీనిలో లేటెస్ట్ స్నాప్డ్రాగన్ 8 జెన్ 5 చిప్సెట్ వాడారు. ఫోన్ వేడెక్కకుండా స్పెషల్ కూలింగ్ టెక్నాలజీ కూడా ఉంది. మీరు ఎన్ని యాప్స్ ఓపెన్ చేసినా, ఎంత సేపు గేమ్స్ ఆడినా ఫోన్ మాత్రం చాలా స్మూత్గా, కూల్గా పనిచేస్తుంది.
వివో ఫోన్ అంటేనే కెమెరా కదా. Vivo X300 FEలో Zeiss ట్యూనింగ్ ఉన్న 50MP మెయిన్ కెమెరా ఉంది. అలాగే రాత్రిపూట తీసే ఫొటోలు కూడా డే లైట్లో తీసినట్లే వస్తాయి. ఇక 50MP టెలిఫోటో లెన్స్తో 100 రెట్లు జూమ్ చేసి చూడొచ్చు. సెల్ఫీ ప్రియుల కోసం ముందు కూడా 50MP కెమెరానే ఇచ్చారు. ఫొటోలు, వీడియోలు మాత్రం ప్రొఫెషనల్ కెమెరాతో తీసినట్లు చాలా క్లారిటీగా వస్తాయి.
Vivo X300 FEలో ఏకంగా 6,500mAh పెద్ద బ్యాటరీని పెట్టారు. ఈ ఫోన్ను ఒక్కసారి ఛార్జ్ చేస్తే రోజంతా హాయిగా వాడుకోవచ్చు. పైగా 90W వైర్డ్ ఛార్జింగ్తో చిటికెలో ఫోన్ ఫుల్ ఛార్జ్ అయిపోతుంది. వైర్లెస్ ఛార్జింగ్ సపోర్ట్ కూడా ఉండటం విశేషం. అన్ని రకాల 5G బ్యాండ్స్ సపోర్ట్ చేస్తుంది కాబట్టి.. ఇంటర్నెట్ స్పీడ్ గురించి అస్సలు ఆలోచించక్కర్లేదు.
Also Read: Honor Play 80 Plus విడుదలైంది రోయ్.. 7,500mAh బ్యాటరీ, ఆండ్రాయిడ్ 16.. ఫుల్ డీటెయిల్స్ మీ కోసం!
Share
రాత్రంతా ఆలోచిస్తూ ఉంటారా.. నిద్ర రావడం లేదా? దానికి కారణాలు ఇవే
అర్ధరాత్రి హైజాక్.. ధర్మవరంలో ఏటీఎంనే ఎత్తుకెళ్లిన కేటుగాళ్లు.. అనంతపురం సమీపంలో సీన్ కట్ చేస్తే!
