Vivo Y19s Price Drop: ఇప్పుడంతా స్మార్ట్ఫోన్ ప్రియులు 5G స్పీడ్ కావాలని కోరుకుంటున్నారు. అయితే మంచి 5G ఫోన్ కొనాలంటే ఎక్కువ మొత్తంలో డబ్బులు పెట్టాల్సి వస్తుందని వెనకడుగు వేస్తుంటారు చాలామంది. అలాంటి వారి కోసం వివో కంపెనీ గుడ్ న్యూస్ మోసుకొచ్చింది. తమ పాపులర్ మోడల్ Y19s 5Gపై భారీగా ధర తగ్గించింది. ముఖ్యంగా తక్కువ బడ్జెట్లో మంచి ఫోన్ కోసం చూసే స్టూడెంట్స్కు, ఉద్యోగస్తులకు ఇదొక క్రేజీ ఆప్షన్ అని చెప్పొచ్చు. మరి ఈ ఫోన్ మీద తగ్గిన ధర ఎంత? దీని ఫీచర్లు ఎలా ఉన్నాయో.. చూసేద్దామా!
వివో Y19s 5G మొదట్లో మార్కెట్లోకి వచ్చినప్పుడు దీని ధర రూ.14,999 వరకు ఉండేది. కానీ ఇప్పుడు దీని మీద ఏకంగా 17 శాతం వరకు రాయితీ ఇస్తున్నారు. ఇప్పుడీ ఫోన్ కేవలం రూ.12,499కే వచ్చేస్తోంది. ఇది కాకుండా కొన్ని బ్యాంక్ కార్డుల మీద అదనపు ఆఫర్లు, పాత ఫోన్ ఇస్తే ఎక్స్ఛేంజ్ బోనస్ కూడా దొరుకుతాయి. అలాగే తక్కువ వడ్డీతో ఈఎంఐ ఆప్షన్లు కూడా ఉండటంతో, సామాన్యులకు ఇంత కంటే మంచి అవకాశం రాదనే చెప్పాలి.
Also Read: గెలాక్సీ A27 ఫీచర్లు లీక్.. 45W ఫాస్ట్ ఛార్జింగ్తో శాంసంగ్ కొత్త ప్లాన్.. ధర ఎంతంటే?
ఈ ఫోన్ చూడటానికి చాలా స్టైలిష్గా ఉండటమే కాదు.. దీనిలో 6.74 అంగుళాల పెద్ద డిస్ప్లే ఇచ్చారు. దీనివల్ల వీడియోలు చూసినా, రీల్స్ స్క్రోలింగ్ చేసినా మెరుగైన పనితీరును అందిస్తుంది. అలాగే దీనిలో ఉన్న 90Hz రీఫ్రెష్ రేట్ వల్ల ఫోన్ వాడేటప్పుడు చాలా స్మూత్గా అనిపిస్తుంది. ఇది ఫుల్ హెచ్డీ కాకపోయినా, ఫొటోలు, వీడియోల క్లారిటీ మాత్రం చాలా బాగుంటుంది. కళ్ల మీద ఒత్తిడి పడకుండా క్వాలిటీగా స్క్రీన్ను డిజైన్ చేశారు.
సాధారణంగా బడ్జెట్ ఫోన్లు అనగానే హ్యాంగ్ అవుతాయేమో అనే భయం ఉంటుంది. కానీ దీనిలో మీడియాటెక్ డైమెన్సిటీ 6300 ప్రాసెసర్ వాడారు. దీనివల్ల వాట్సాప్, ఫేస్బుక్ లాంటి యాప్స్ ఎక్కడా ఆగకుండా నడుస్తాయి. అలాగే 4GB RAM, 64GB మెమొరీ ఉంది. ఒకవేళ మీకు స్టోరేజ్ సరిపోదు అనుకుంటే.. మెమొరీ కార్డ్ వేసి ఏకంగా 2TB దాకా పెంచుకోవచ్చు. భారీ గేమింగ్ ఆడేవారికి ఈ ఫోన్ సెట్ కాకపోయినా.. రోజువారీ పనులు కోసం ఈ ఫోన్ బెస్టే.
ఈ ఫోన్లో అందరికీ బాగా నచ్చే విషయం దీని 6000mAh బ్యాటరీ. ఒక్కసారి ఛార్జింగ్ పెడితే చాలు.. ఒకటిన్నర నుండి రెండు రోజుల దాకా ఛార్జర్ వెతుక్కోవాల్సిన అవసరం ఉండదు. ఇక ఫోటోల విషయానికి వస్తే.. వెనుక 13 మెగాపిక్సెల్ మెయిన్ కెమెరా, ముందు 5 మెగాపిక్సెల్ సెల్ఫీ కెమెరా ఉన్నాయి. పగటి వెలుతురులో ఫొటోలు భలేగా వస్తాయి. వీడియో కాల్స్ మాట్లాడుకోవడానికి కూడా ఇది చాలా క్వాలిటీగా ఉంటుంది.
Also Read: 10x జూమ్, 200MP కెమెరాతో రానున్న Oppo Find X9 Ultra.. ఐఫోన్ కూడా దీని ముందు దిగదుడుపే!
Share
Neha Shetty: గెటప్ మార్చిన రాధిక.. ఈ కొత్త అవతారం ఏంటి తల్లీ!
గుడ్ న్యూస్ చెప్పనున్న దివ్వెల మాధురి... జూనియర్ దువ్వాడ రాబోతున్నాడా?
