Xiaomi 3-Drum Washing Machine| చైనా ఎలెక్ట్రానిక్స్ బ్రాండ్ షావోమీ ఇటీవలే కొత్త స్మార్ట్ వాషింగ్ మెషిన్ లాంచ్ చేసింది. దీని పేరు మీజియా త్రీ జోన్ వాషింగ్ మెషీన్ ప్రో (Mijia Three-Zone Washing Machine Pro). ఈ కొత్త మెషీన్ చాలా స్పెషల్. పెద్ద కుటుంబాలకు, ఎక్కువ బట్టలు ఉతికే వారికి అనువైనది ఈ పెద్ద వాషింగ్ మెషీన్. ప్రపంచంలోనే మొట్టమొదటిసారిగా మూడు డ్రమ్‌లు కలిగిన వాషింగ్ మెషీన్ ఇదే. ఒకేసారి మొత్తం 14 కేజీల బట్టలు ఇందులో వాష్ చేయొచ్చు.
ప్రస్తుతం చైనాలో విడుదలైన ఈ మెషీన్ ధర 6,499 యువాన్.. అంటే భారత కరెన్సీలో దాదాపు రూ.83,213. ఇప్పుడు చైనాలోనే ప్రీ-ఆర్డర్ మొదలైంది, షావోమీ (Xiaomi Youpin) ప్లాట్‌ఫామ్‌లో బుక్ చేసుకోవచ్చు. ఇండియాలో కూడా మరి కొన్ని నెలల్లో విడుదల కాబోతోంది.
పెద్ద డ్రమ్ – 12 కేజీల సామర్థ్యం
చిన్న రెండు డ్రమ్‌లు – ఒక్కొక్కటి 1 కేజీ చొప్పున కెపాసిటీ కలిగి ఉన్నాయి.
వైట్ బట్టలు, కలర్ బట్టలు, ఇన్నర్ వేర్, బేబీ బట్టలు.. అన్నీ వేర్వేరుగా ఉతకడానికి సౌలభ్యం కోసం ఈ మూడు డ్రమ్‌లు ఉన్నాయి. ఒక డ్రమ్ నుంచి ఇంకో డ్రమ్‌కి నీళ్లు కలవడం జరగదు. మురికి బట్టల బ్యాక్టీరియా ప్రమాదం కూడా అసలు ఉండదు.
12 నిమిషాల లైట్నింగ్ వాష్, 36 నిమిషాల ఎసెన్స్ వాష్ చేయగలదు. వాష్ చేసే సమయంలో నీళ్లు, కరెంట్ 45 శాతం వరకు ఆదా అవుతాయి.
ప్రతి డ్రమ్‌లో స్పెషల్ స్టెరిలైజేషన్ సిస్టమ్ ఉంది. 99.99% బ్యాక్టీరియా, వైరస్‌లు (HPV16, H1N1, ఈ.కోలి, స్టాఫిలోకాకస్) స్టెరిలైజేషన్ ప్రక్రియ ద్వారా చంపేస్తుంది. అలర్జీ, దుమ్ము లాంటివి కూడా తొలగిస్తుంది. చిన్న పిల్లలు, వృద్ధులు ఉన్న ఇళ్లకి సూపర్ సేఫ్ మెషీన్
ఇందులో సూపర్ ఎలెక్ట్రాలసిస్ (Super Electrolysis) టెక్నాలజీ ఉంది. ఇది యాక్టివ్ ఆక్సిజన్ తయారు చేసి 20 రకాల మురికిని పూర్తిగా తొలగిస్తుంది. తెలుపు రంగు బట్టలకు పసుపు బారిపోవడం ఆగిపోతుంది. ఇదంతా ఎటువంటి కెమికల్స్ రసాయనాలు లేకుండానే వాష్ చేస్తుంది.
Also Read: స్వయంగా పనులన్నీ చేసే ఫోన్ లాంచ్.. టచ్ చేయాల్సిన అవసరం లేదు
పెద్ద ఫ్యామిలీలు, స్మార్ట్ హోమ్ ఇష్టపడేవాళ్లకి ఇది పర్ఫెక్ట్ వాషింగ్ మెషిన్. ఒకేసారి అన్ని రకాల బట్టలు వేర్వేరుగా, సూపర్ క్లీన్‌గా ఉతికేస్తుంది.
Share
Aadi Sai Kumar: ఆదిసాయి కుమార్ తో సినిమాలు చేస్తే నష్టపోవాల్సిందేనా.. డబ్బు కోసమే సినిమాలు?
Medaram Jathara: శరవేగంగా మేడారం ఆలయ అభివృద్ధి పనులు.. డ్రోన్ విజువల్స్
