Xiaomi Mijia Electric Shaver Pro: షియోమి పేరు వినగానే వినియోగదారులకు ముందుగా గుర్తుకువచ్చేది.. మంచి క్వాలిటీ, కొత్త ఫీచర్స్, ఆఫోర్డబుల్ ధరలు. ఇదే ఫార్ములాను ఇప్పుడు గ్రూమింగ్ సెగ్మెంట్‌లో కూడా కొనసాగిస్తోంది. తాజాగా కంపెనీ ‘Mijia Electric Shaver Pro’ మోడల్‌ను లాంచ్ చేసింది. దీని ధర, ఫీచర్లు, పూర్తి వివరాలేంటో ఈ కథనం ద్వారా తెలుసుకుందాం.
ఈ ఎలక్ట్రిక్ షేవర్ ప్రధాన హైలైట్‌ ఏమిటంటే.. ఒక్కసారి ఫుల్ ఛార్జ్ చేస్తే 90 రోజులపాటు ఎలాంటి టెన్షన్ లేకుండా వాడుకోవచ్చు. అంతేకాదు.. ఈ షేవర్‌లో ఉన్న డబుల్-రింగ్ టెక్స్చర్డ్ బ్లేడ్ సిస్టమ్ షేవింగ్ పనితీరును దాదాపు 48 శాతం వరకు పెంచుతుందని కంపెనీ చెబుతోంది. దీంతో చర్మంపై ఒత్తిడి లేకుండా మరింత మృదువైన, క్లీన్ షేవ్‌ను పొందవచ్చు. ఈ షేవర్‌లో ఉన్న మరో అదనపు ఫీచర్ ఏమిటంటే.. 360 డిగ్రీలు తిరిగే షేవింగ్ హెడ్ ఇది. ముఖాకారానికి అనుగుణంగా మలచుకొని మరింత ప్రిసైజ్‌గా షేవ్ చేసేలా సహాయపడుతుంది. అయితే.. ఈ కొత్త మోడల్ ధరను మాత్రం షియోమి సంస్థ ఇంకా అధికారికంగా ప్రకటించలేదు.
షియోమీ తెలిపిన వివరాల ప్రకారం.. ఈ ఎలక్ట్రిక్ సేవర్‌లో 1.76 మిలియన్ సిలికాన్ ఆధారిత మైక్రోబీడ్‌లు ఉన్నాయి. దీనిని ఉపయోగించినప్పుడు ముఖం మీద గరుకును తగ్గించి, నొప్పి లేదా చికాకును నివారిస్తాయి. ఇది లో-నికెల్ స్టీల్‌తో తయారు చేయబడిన షేవర్. దీంతో సున్నితమైన చర్మం కలిగిన వినియోగదారులకు అనుకూలంగా ఉంటుంది. భారీ బ్యాటరీ లైఫ్‌ను కలిగి ఉన్న ఈ ఎలక్ట్రిక్ షేవర్ ఛార్జింగ్ కోసం USB టైప్-C కి మద్దతు ఇస్తుంది. ఇది IPX8 రేటింగ్‌తో లభిస్తుంది.
Share
MGNREGA Days Hike: ఉపాధి హామీ కూలీలకు గుడ్ న్యూస్.. పనిదినాలు పెంచిన కేంద్రం
NTRNeel : ఆరు నెలల గ్యాప్ తర్వాత రంగంలోకి, ఎన్టీఆర్ ఫ్యాన్స్ కిక్ ఇచ్చే న్యూస్
