Most Searched Mobiles: నైజీరియాలో ప్రతి ఏడాది లక్షల మంది గూగుల్ను ఆశ్రయించి కొత్త స్మార్ట్ఫోన్ల గురించి తెలుసుకుంటుంటారు. 2025లో కనిపించిన సెర్చ్ ట్రెండ్స్ చూస్తే ఒక విషయం స్పష్టంగా అర్థమవుతుంది. అక్కడి వినియోగదారులు స్టైల్ మాత్రమే కాదు, తగినంత పర్ఫార్మెన్స్, లాంగ్ లాస్టింగ్ బ్యాటరీ, నమ్మదగిన కెమెరా, జేబుకు అందుబాటులో ఉండే ధరపై ఎక్కువగా దృష్టి పెట్టారు. ఈ అవసరాలే కొన్ని ఫోన్లను గూగుల్ సెర్చ్లలో టాప్లో నిలబెట్టాయి.
ఫస్ట్ ఫేస్లో ఐఫోన్ 17
ఈ జాబితాలో అగ్రస్థానంలో నిలిచింది ఐఫోన్ 17. నైజీరియాలో 2025 మొత్తం ఈ ఫోన్ గురించి విపరీతమైన ఆసక్తి కనిపించింది. కొత్త ప్రాసెసర్, అప్డేటెడ్ లుక్, మెరుగైన నైట్ ఫోటోగ్రఫీ, ఫాస్ట్ చార్జింగ్ వంటి అంశాలు ప్రజలను ఆకర్షించాయి. కొనాలనే ఉద్దేశం లేకపోయినా, ఈసారి ఆపిల్ ఏం కొత్తగా తీసుకొచ్చింది అనే ఆసక్తితో కూడా చాలామంది సెర్చ్ చేశారు. ఐఫోన్ 17 అక్కడ విలాసం, టెక్నాలజీకి ప్రతీకగా మారింది.
బడ్జెట్ కేటగిరిలో టెక్నో పాప్ 10 ట్రెండ్
ఇక బడ్జెట్ కేటగిరిలో టెక్నో పాప్ 10 భారీగా ట్రెండ్ అయింది. తక్కువ ధరలో రోజువారీ వాడుకకు సరిపడే ఫోన్లు కావాలనుకునే వాళ్లకు ఇది మంచి ఎంపికగా కనిపించింది. కాల్స్, మెసేజింగ్, సోషల్ మీడియా వంటి సాధారణ అవసరాలకు ఇది సరిపోతుందనే నమ్మకం దీనికి సెర్చ్లను పెంచింది. ఇదే సమయంలో పాప్ 10 అనే మరో వేరియంట్ కూడా గూగుల్లో బాగా వెతకబడింది. ఈ రెండు మోడళ్ల మధ్య తేడాలు, ధర పోలికలు నైజీరియన్లను ఆసక్తిగా ఉంచాయి.
Also Read: Expensive Phones In World: ఒక్క ఫోన్ ధరతో వందల ఇళ్లు కొనచ్చు.. ప్రపంచంలో అత్యంత ఖరీదైన ఫోన్లు ఇవే..
పాపులర్ అయిన రెడ్మీ 14సి- రెడ్మీ 15సి
రెడ్మీ 14సి విద్యార్థులు, మొదటిసారి స్మార్ట్ఫోన్ కొనేవాళ్ల మధ్య బాగా పాపులర్ అయింది. బ్యాటరీ బ్యాక్ప్, కెమెరా క్వాలిటీ, లైట్ గేమింగ్కు సరిపడే స్పీడ్ కారణంగా ఇది విలువ ఉన్న ఫోన్గా గుర్తింపు పొందింది. దీనికి కొనసాగింపుగా రెడ్మీ 15సి కూడా పెద్ద ఎత్తున సెర్చ్ అయ్యింది. కొత్త ప్రాసెసర్, కెమెరా మెరుగుదలలు, ధరలో తేడా గురించి తెలుసుకోవాలనే ఆసక్తి దీనిని ట్రెండ్లో ఉంచింది.
మిడ్ రేంజ్లో టెక్నో స్పార్క్ 40
టెక్నో స్పార్క్ 40 మిడ్ రేంజ్ వినియోగదారులకు దగ్గరైంది. పెద్ద డిస్ప్లే, నమ్మదగిన బ్యాటరీ, కెమెరా ఫీచర్ల వల్ల ఇది సెర్చ్లలో నిలిచింది. అలాగే రెడ్మీ ఏ5 స్థిరమైన పర్ఫార్మెన్స్తో సంవత్సరం పొడవునా గూగుల్లో కనిపించింది. కాల్ క్వాలిటీ, యాప్ వాడకం, స్టోరేజ్ వంటి అంశాలపై ప్రజలు ఎక్కువగా తెలుసుకోవాలనుకున్నారు.
యూజర్ల దృష్టి ఆకర్షించిన ఇన్ఫినిక్స్ నోట్ 50 ప్రో
ఇన్ఫినిక్స్ నోట్ 50 ప్రో పవర్ యూజర్ల దృష్టిని ఆకర్షించింది. ఫాస్ట్ పర్ఫార్మెన్స్, షార్ప్ కెమెరా, ఫాస్ట్ చార్జింగ్ కారణంగా ఇది గూగుల్లో హాట్ టాపిక్ అయ్యింది. చివరగా రెడ్మీ 15 నెమ్మదిగా అయినా స్థిరంగా సెర్చ్లను సంపాదించింది. 2025లో నైజీరియా గూగుల్ సెర్చ్ ట్రెండ్స్ అక్కడి ప్రజలకు ఫోన్ అంటే కేవలం స్టేటస్ కాదు, రోజువారీ జీవితంలో నమ్మకంగా పనిచేసే అవసరమైన సాధనం అని స్పష్టంగా చూపించాయి. అందుకే ఐఫోన్ 17 లాంటి ప్రీమియం ఫోన్లతో పాటు టెక్నో, రెడ్మీ, ఇన్ఫినిక్స్ వంటి బ్రాండ్లు కూడా సమానంగా చర్చల్లో నిలిచాయి.
Share
Gold Rate Dropped: ఎట్టకేలకు తగ్గుతున్న బంగారం ధరలు.. తులం ఎంతంటే?
Road Accident: టెట్ పరీక్ష రాసేందుకు వెళ్తుండగా.. రోడ్డు ప్రమాదంలో విద్యార్థిని మృతి
