BAN VS PAK: ఇండియన్ ప్రీమియర్ లీగ్ 2026 టోర్నమెంట్ ( Indian Premier League 2026 Tournament) ఒకవైపు రసవత్తరంగా కొనసాగుతున్న నేపథ్యంలో.. మరోవైపు పాకిస్తాన్ వర్సెస్ బంగ్లాదేశ్ ( Bangladesh vs Pakistan) మధ్య టెస్ట్ సిరీస్ కొనసాగింది. అయితే ఈ క్రమంలో మొదటి టెస్ట్ గెలిచిన బంగ్లాదేశ్.. రెండో టెస్టులో కూడా పాకిస్తాన్ ను చిత్తు చేసింది. దీంతో బంగ్లాదేశ్ సరికొత్త చరిత్ర సృష్టించింది. పాకిస్తాన్ పై 78 పరుగుల తేడాతో విజయం సాధించి, సొంత గడ్డపై జరిగిన టెస్ట్ సిరీస్ ను తొలిసారిగా వైట్ వాష్ చేసింది బంగ్లాదేశ్. దీంతో పాకిస్తాన్ పరువు మరోసారి గంగలో కలిసింది.
పాకిస్తాన్ వర్సెస్ బంగ్లాదేశ్ మధ్య సిల్హెట్ వేదికగా రెండో టెస్ట్ జరిగిన సంగతి తెలిసిందే. మొన్న 16వ తేదీన ప్రారంభమైన ఈ టెస్ట్ మ్యాచ్… నేటితో ముగిసింది. ఈ టెస్ట్ లో అద్భుతంగా రాణించిన బంగ్లాదేశ్, పాకిస్తాన్ పై 78 పరుగుల తేడాతో విజయాన్ని నమోదు చేసుకుంది. చివరి వరకు పోరాడిన పాకిస్తాన్ దారుణ ఓటమిని చవిచూసింది. ఈ రెండో టెస్టులో మొదట బ్యాటింగ్ చేసిన బంగ్లాదేశ్, తన తొలి ఇన్నింగ్స్ లో 278 పరుగులు సాధించింది. రెండో ఇన్నింగ్స్ లో 390 పరుగులు చేసింది. అటు పాకిస్తాన్ తన తొలి ఇన్నింగ్స్ లో 232 పరుగులు చేయగా, రెండో ఇన్నింగ్స్ లో 358 పరుగుల వద్ద ఆల్ అవుట్ అయింది.
దీంతో 78 పరుగుల తేడాతో బంగ్లాదేశ్ విజయం సాధించింది. ఈ క్రమంలో రెండు టెస్టుల సిరీస్ ను 2-0 తేడాతో కైవసం చేసుకుంది. అంతేకాదు తమ సొంత గడ్డపై తొలిసారిగా పాకిస్తాన్ ను వైట్ వాష్ చేసింది బంగ్లాదేశ్. ఇది ఇలా ఉండగా గడిచిన 10 నెలల్లో బంగ్లాదేశ్ చేతిలో వరుసగా మూడు సిరీస్ లు కోల్పోయింది బంగ్లాదేశ్. మొదట బంగ్లాదేశ్ చేతిలో టి20 సిరీస్ కోల్పోయిన పాకిస్తాన్… మొన్న వన్డే సిరీస్ కూడా కోల్పోవాల్సి వచ్చింది. ఇక లేటెస్ట్ గా టెస్ట్ సిరీస్ లో కూడా వైట్ వాష్ అయింది పాకిస్తాన్. దీంతో పాకిస్తాన్ కెప్టెన్ షాన్ మసూద్ ను తొలగించాల్సిందేనని డిమాండ్లు వినిపిస్తున్నాయి. బాబర్ ఆజం కు కెప్టెన్సీ ఇవ్వాలని ఫ్యాన్స్ కోరుతున్నారు.
పాకిస్తాన్ పై రెండు టెస్టుల సిరీస్ ను సొంతం చేసుకున్న బంగ్లాదేశ్… పెను సంచలనం సృష్టించింది. వరల్డ్ టెస్ట్ ఛాంపియన్షిప్ పాయింట్ల పట్టికలో ఐదో స్థానానికి దూసుకు వెళ్ళింది బంగ్లాదేశ్. అటు టీమిండియా ఆరో స్థానానికి దిగజారింది. పాకిస్తాన్ 8వ స్థానానికి పడిపోయింది. ఇక ఈ పాయింట్ల పట్టికలో ఆస్ట్రేలియా మొదటి స్థానంలో ఉండగా, న్యూజిలాండ్ రెండో స్థానానికి పరిమితమైంది.
PAKISTAN CRICKET IN LAST 10 MONTHS:
– Lost the T20I series vs Bangladesh.
– Lost the ODI series vs Bangladesh.
– Lost the Test series vs BangladeshPAKISTAN CRICKET AT THEIR LOWEST POINT EVER…!!!! pic.twitter.com/2SGSUwcG10
— Sheri. (@CallMeSheri1_) May 20, 2026
Share
మరీ ఇంత దారుణమా? న్యాయం కోసం వెళ్లిన వివాహిత పై సీఐ..?
‘ఈసారి టైగర్ కాదు.. డ్రాగన్!’.. ఎన్టీఆర్పై అల్లు అర్జున్ క్రేజీ ట్వీట్..
