20 వేల ఫాలోవర్స్ ఉంటే చాలు.. మీ వీడియోలు టీవీలో !

DD Yadadri Creators Corner: సోషల్ మీడియా ద్వారా మంచి కంటెంట్ చేస్తున్న క్రియేటర్స్‌కు దూరదర్శన్ యాదాద్రి మంచి అవకాశం తీసుకొచ్చింది. యూ ట్యూబ్, ఇన్ స్టా,ఫేస్ బుక్, ఎక్స్ వంటి సోషల్ మీడియా ప్లాట్‌ఫామ్‌లలో కనీసం 20 వేల మంది ఫాలోవర్స్ లేదా సబ్‌స్క్రైబర్లు ఉన్నవారు ఈ కార్యక్రమంలో పాల్గొనవచ్చు. ఎంపికైన వారికి తమ ప్రతిభను టెలివిజన్ ప్రేక్షకుల ముందుకు తీసుకెళ్లే అవకాశం లభిస్తుంది. కంటెంట్ క్రియేటర్లకు ఇది మంచి వేదికగా మారే అవకాశముంది.

ఈ కార్యక్రమం ద్వారా మంచి కంటెంట్ రూపొందించే క్రియేటర్లకు టెలివిజన్ వేదికపై తమ ప్రతిభను ప్రదర్శించే అవకాశం కల్పించనుంది. సోషల్ మీడియాలో ఇప్పటికే మంచి గుర్తింపు పొందిన వారికి ఇది మరింత ఉపయోగపడే అవకాశం ఉంది.

ఎవరు అర్హులు?
యూ ట్యూబ్, ఇన్ స్టా,ఫేస్ బుక్, ఎక్స్ ప్లాట్‌ఫామ్‌లలో కనీసం 20 వేల మంది సబ్ స్క్రైబర్స్ లేదా ఫాలోవర్స్ ఉండాలి. భారతీయ పౌరుడు కావాలి. ఒరిజినల్ కంటెంట్ రూపొందించే క్రియేటర్లకు ప్రాధాన్యం ఇవ్వనున్నారు.

ఏఏ విభాగాల్లో అవకాశం?
దూరదర్శన్ విడుదల చేసిన వివరాల ప్రకారం ఈ కేటగిరీల్లో కంటెంట్ రూపొందించే వారికి అవకాశం ఉంది.

సంస్కృతి
ట్రావెల్
కుకింగ్
కళలు
సాహిత్యం
సంగీతం
డ్యాన్స్
ఆరోగ్యం
విద్య
పర్యావరణ పరిరక్షణ
ఇతర ఆకర్షణీయమైన అంశాలు

ఈ విభాగాల్లో నాణ్యమైన వీడియోలు చేసే వారికి మంచి అవకాశంగా చెప్పొచ్చు.

ఎలా అప్లై చేయాలి?

అభ్యర్థులు తమ పేరు, మొబైల్ నంబర్, సోషల్ మీడియా ప్రొఫైల్ లింక్‌లతో పాటు అవసరమైన వివరాలను publicrelationsddyadagiri@gmail.com మెయిల్‌కు పంపాలి. లేదా Instagramలో @ddyadagiritelangana అధికారిక పేజీకి డైరెక్ట్ మెసేజ్ చేయవచ్చు.

ఎంపిక ఎలా ఉంటుంది?
దూరదర్శన్ అధికారులు పంపిన వివరాలను పరిశీలించి, కంటెంట్ నాణ్యత, ప్రేక్షకుల ఆదరణ, క్రియేటివిటీ వంటి అంశాల ఆధారంగా ఎంపిక చేసే అవకాశం ఉంది. ఎంపికైన క్రియేటర్లకు తర్వాత వివరాలను అధికారికంగా తెలియజేస్తారు.

ఎందుకు ఈ అవకాశం ప్రత్యేకం?
సోషల్ మీడియాలో మంచి ఫాలోయింగ్ ఉన్నా, టెలివిజన్‌లో కనిపించే అవకాశం అందరికీ రాదు. దూరదర్శన్ వంటి జాతీయ స్థాయి ఛానెల్‌లో కంటెంట్ ప్రదర్శించే అవకాశం రావడం వల్ల క్రియేటర్లకు మరింత గుర్తింపు లభించే అవకాశం ఉంది. అలాగే కొత్త ప్రేక్షకులను చేరుకునే అవకాశమూ ఉంటుంది.

మీరు కూడా 20 వేల మందికి పైగా ఫాలోయర్స్ లేదా సబ్‌స్క్రైబర్లు కలిగి ఉండి, నాణ్యమైన ఒరిజినల్ కంటెంట్ రూపొందిస్తుంటే ఈ అవకాశాన్ని వదులుకోవద్దు. అధికారికంగా ప్రకటించిన విధానంలో అప్లై చేసి మీ ప్రతిభను మరింత పెద్ద వేదికపై ప్రదర్శించే ప్రయత్నం చేయండి.