Raghaverdar Reddy Condolences: బిగ్ టీవీ చైర్మన్ కుటుంబాన్ని పరామర్శించిన హరీష్ రావు.. చామల కిర‌ణ్ కుమార్ రెడ్డి

Raghaverdar Reddy Condolences: మహబూబాబాద్ జిల్లా రెడ్యాల గ్రామంలో బిగ్ టీవీ గ్రూప్ ఆఫ్ ఛానెల్స్ చైర్మన్ వెన్నం విజయ్ కాంత్ రెడ్డి నివాసానికి రాజకీయ ప్రముఖుల తాకిడి పెరిగింది. విజయ్ కాంత్ రెడ్డి తండ్రి వెన్నం రాఘవేందర్ రెడ్డి గారు ఇటీవల అనారోగ్యంతో మృతి చెందిన విషయం తెలిసిందే. ఈ నేపథ్యంలో శుక్రవారం మాజీ మంత్రి, ఎమ్మెల్యే హరీష్ రావు, పలువురు బీఆర్ఎస్ నేతలు విజయ్ కాంత్ రెడ్డి కుటుంబాన్ని పరామర్శించారు.

ముందుగా హరీష్ రావు కీర్తిశేషులు రాఘవేందర్ రెడ్డి చిత్రపటానికి పూలమాల వేసి ఘనంగా నివాళులర్పించారు. అనంతరం విజయ్ రెడ్డి, వారి కుటుంబ సభ్యులతో మాట్లాడి తన ప్రగాఢ సానుభూతిని తెలియజేశారు. రాఘవేందర్ రెడ్డి మరణం ఆ కుటుంబానికి తీరని లోటు అని.. ఆయన ఆత్మకు శాంతి చేకూరాలని ఆకాంక్షించారు. హరీష్ రావు వెంట పలువురు స్థానిక బీఆర్ఎస్ నాయకులు కూడా ఉన్నారు.

బిగ్ టీవీ గ్రూప్ ఆఫ్ ఛానెల్స్ చైర్మన్ వెన్నం విజయ్ రెడ్డిని పరామర్శించిన మాజీ మంత్రి హరీష్ రావు, పలువురు బీఆర్ఎస్ నేతలు

ఇటీవల అనారోగ్యంతో మృతి చెందిన విజయ్ రెడ్డి తండ్రి రాఘవేందర్ రెడ్డి చిత్రపటానికి నివాళులర్పించి కుటుంబ సభ్యుల్ని పరామర్శించిన హరీష్ రావు

former Minister harish… pic.twitter.com/aobrAd8Fvy

— BIG TV Breaking News (@bigtvtelugu) February 20, 2026

మరోవైపు కాంగ్రెస్ పార్టీకి చెందిన ప్రజాప్రతినిధులు కూడా విజయ్ కాంత్ రెడ్డిని పరామర్శించారు. భువనగిరి ఎంపీ చామల కిరణ్ కుమార్ రెడ్డి, ఎమ్మెల్యే మధుసూదన్ రెడ్డి సహా పలువురు కాంగ్రెస్ నేతలు రెడ్యాలలోని విజయ్ రెడ్డి నివాసానికి చేరుకున్నారు. రాఘవేందర్ రెడ్డి గారి చిత్రపటానికి నివాళులర్పించి.. విషాదంలో ఉన్న కుటుంబ సభ్యులకు ధైర్యం చెప్పారు. రాజకీయాలకు అతీతంగా పలువురు నేతలు తరలివచ్చి విజయ్ కాంత్ రెడ్డికి అండగా నిలబడటం విశేషం.

రాఘవేందర్ రెడ్డి గారు తన జీవితాంతం గ్రామంతో అనుబంధాన్ని కలిగి ఉండి.. వ్యవసాయంపై మక్కువతో ఇక్కడే గడిపిన తీరును నేతలు ఈ సందర్భంగా గుర్తు చేసుకున్నారు. వెన్నం సోదరులు తమ తండ్రి ఆశయాలకు అనుగుణంగా ముందుకు సాగాలని వారు ఆకాంక్షించారు.

బిగ్ టీవీ గ్రూప్ ఆఫ్ ఛానెల్స్ చైర్మన్ వెన్నం విజయ్ రెడ్డిని పరామర్శించిన ఎంపీ చామల కిరణ్ కుమార్ రెడ్డి, ఎమ్మెల్యే మధుసూదన్ రెడ్డి, కాంగ్రెస్ నేతలు

ఇటీవల అనారోగ్యంతో మృతి చెందిన రాఘవేందర్ రెడ్డి చిత్రపటానికి నివాళులర్పించి కుటుంబ సభ్యుల్ని పరామర్శించిన కాంగ్రెస్ నేతలు

MP… pic.twitter.com/vC6ggsG4GJ

— BIG TV Breaking News (@bigtvtelugu) February 20, 2026