తమిళనాడు అసెంబ్లీ ఎన్నికల ఫలితాల్లో నటుడు విజయ్ నేతృత్వంలోని తమిళగ వెట్రి కళగం(TVK) పార్టీ సంచలన విజయ సాధించిన నేపథ్యంలో దేశవ్యాప్తంగా రాజకీయ నేతలు స్పందిస్తున్నారు. టీవీకే సాధించిన అద్భుతమైన విజయం దక్షిణాది రాజకీయాల్లో కొత్త చర్చకు తెరలేపిందని వ్యాఖ్యానిస్తున్నారు. తాజాగా బీఆర్ఎస్ నేత హరీష్ రావు, టీఆర్ఎస్ అధినేత్రి కల్వకుంట్ల కవిత తమ సోషల్ మీడియా వేదికల ద్వారా విజయ్కు అభినందనలు తెలిపారు.
మాజీ మంత్రి హరీష్ రావు విజయ్ను అభినందిస్తూ.. తమిళనాడు రాజకీయాల్లో ఒక అద్భుతమైన ఆరంభాన్ని సాధించారని కొనియాడారు. “ఈ ప్రజా తీర్పు ప్రజల ఆకాంక్షలను ప్రతిబింబిస్తోంది. ప్రజా జీవితంలో విజయ్ ప్రారంభించిన ఈ ప్రయాణం విజయవంతం కావాలని కోరుకుంటున్నాను.” అని ఆయన ‘ఎక్స్’ వేదికగా శుభాకాంక్షలు తెలిపారు.
Congratulations to @actorvijay @TVKVijayHQ on a remarkable debut in Tamil Nadu politics.
This mandate reflects the hopes of the people. Best wishes as he embarks on his journey in public life.
— Harish Rao Thanneeru (@BRSHarish) May 4, 2026
కల్వకుంట్ల కవిత తన ట్వీట్ లో తమిళ ప్రజల తీర్పును దేశానికి ఒక సంకేతంగా అభివర్ణించారు. “ఉన్న వాళ్లతో విసిగిపోయాం.. అధికార దాహార్తులతో వేసారిపోయాం.. భ్రష్టుపట్టిపోయిన ఈ రాజకీయ చరిత్రను తిరగరాయడానికి కొత్త రాజకీయ శక్తులు అవసరమని దేశానికి తమిళ ప్రజలు ఒక స్పష్టమైన సంకేతం పంపారు.” అని ఆమె పేర్కొన్నారు. ప్రస్తుత రాజకీయ పరిస్థితులపై ప్రజల్లో ఉన్న అసంతృప్తిని, మార్పు కోసం వారు పడుతున్న ఆరాటాన్ని విజయ్ విజయం నిరూపించిందని ఆమె అభిప్రాయపడ్డారు.
ఉన్న వాళ్లతో విసిగిపోయాం, అధికార దాహార్తులతో వేసారి పోయాం, భ్రష్టుపట్టిపోయిన ఈ రాజకీయ చరిత్రను తిరగ రాయడానికి “కొత్త రాజకీయ శక్తులు” అవసరమని దేశానికి తమిళ ప్రజలు ఒక సంకేతం పంపారు.
— Kavitha Kalvakuntla (@RaoKavitha) May 4, 2026
తమిళనాడులో దశాబ్దాలుగా పాతుకుపోయిన ద్రవిడ పార్టీల ఆధిపత్యాన్ని సవాల్ చేస్తూ.. ఒక కొత్త పార్టీ మెజారిటీ దిశగా దూసుకుపోవడం సామాన్యమైన విషయం కాదని విశ్లేషకులు భావిస్తున్నారు. భవిష్యత్తులో పొరుగు రాష్ట్రాల రాజకీయాల్లో కూడా ఇలాంటి మార్పులు సంభవించవచ్చనే ఆశాభావం కవిత మాటల్లో కనిపిస్తోంది.
Read Also: కన్నీళ్లు, కేరింతలు.. టీవీకే చీఫ్ విజయ్ ఇంట్లో సంబరాలు… వీడియో వైరల్
Share
డిగ్రీ విద్యార్ధులకు గుడ్ న్యూస్.. రాష్ట్రంలో 15 కొత్త కోర్సులు.. ఇవి చదివితే ఉద్యోగం పక్కా..!
ఇండియాలో బెస్ట్ మామిడి పండ్లు ఎక్కడ దొరుకుతాయి? టాప్ 10 మార్కెట్లు ఇవే !
