Harish Rao : హామీల ఎగవేతకే శ్వేత పత్రాల విడుదల .. హరీశ్ రావు సంచలన వ్యాఖ్యలు..

Harish Rao : ప్రభుత్వం ఇచ్చిన ఆరు గ్యారెంటీల హామీలు ఎగవేతకే శ్వేతపత్రాలు విడుదల చేసినట్లు అనుమానం వస్తోందన్న మాజీ మంత్రి, బీఆర్ఎస్ ఎమ్మెల్యే హరీశ్ రావు సంచలన వ్యాఖ్యలు చేశారు. సార్వత్రిక ఎన్నికల షెడ్యూల్ లోపు కనీసం మూడు హామీలను అయినా అమలు చేయాలని డిమాండ్ చేశారు.

కాంగ్రెస్ పార్టీ ఎన్నికల మ్యానిఫెస్టోలో 100 రోజుల్లో ఆరు గ్యారెంటీలను అమలు చేస్తామని చెప్పారని హరీశ్ రావు వెల్లడించారు. వచ్చే ఏడాది మార్చి 17తో వంద రోజులు పూర్తి అవుతుందని వెల్లడించారు. లోక్ సభ ఎన్నికల నోటిఫికేషన్ ఫిబ్రవరిలో వచ్చే అవకాశం ఉందన్నారు.

కాబట్టి ఎన్నికల్లోపే మూడు గ్యారెంటీలు అయినా అమలు చేయాలన్నారు. అదే విధంగా గ్యారెంటీలకు సంబంధించిన జీవోలు విడుదల చేయాలన్నారు. యాసంగి పంటకు బోనస్ పై ఇప్పుడే నిర్ణయం తీసుకోవాలని హరీశ్ రావు డిమాండ్ చేశారు.

Share

• 
• 
• 
• 
• 
•