Ips Transfers : తెలంగాణలో ఇద్దరు ఐపీఎస్‌ల బదిలీ.. సీఎస్ ఉత్తర్వులు జారీ..

Ips Transfers : రాష్ట్రంలో బదిలీల పర్వం కొనసాగుతోంది. తాజాగా నూతన సంవత్సరం వేళ పోలీస్ శాఖ కీలక నిర్ణయం తీసుకుంది. ఇద్దరు ఐపీఎస్‌లను బదిలీ చేస్తూ నిర్ణయం తీసుకుంది. నల్గొండ జిల్లా ఎస్పీగా చందన దీప్తిని బదిలీ చేశారు. సీఐడీ ఉమెన్ ప్రొటక్షన్ ఎస్పీగా అపూర్వరావును బదిలీ చేశారు. ఈ మేరకు తెలంగాణ సీఎస్ శాంతికుమారి ఉత్తర్వులు జారీ చేశారు. అయితే వీరిద్దరు సోమవారం నుంచే బాధ్యతలు స్వీకరించనున్నారు.

కాగా తెలంగాణ ముఖ్యమంత్రిగా రేవంత్ రెడ్డి బాద్యతలు స్వీకరించాక కీలక రంగాలపై దృష్టి కేంద్రీకరించారు. ప్రభుత్వ వ్యవస్థలో పలు మార్పులు చేర్పులు చేస్తున్నారు. అంతేకాదు వివిధ శాఖల్లో పని చేస్తున్నుటువంటి అధికారులను బదిలీ చేస్తున్నారు. మొదటగా డీజీపీగా రవి గుప్తాను నియమించారు. అనంతరం 20 మంది ఐపీఎస్ అధికారులు, 14 మంది ఐఏఎస్‌లను బదిలీ చేశారు. రవాణా శాఖలో ముగ్గురు జేటీసీలను ప్రభుత్వం బదిలీ చేసింది. తాజాగా మరో ఇద్దరు ఐపీఎస్‌లను రేవంత్ రెడ్డి సర్కార్ బదిలీ చేసింది.

Share

• 
• 
• 
• 
• 
•