Monsoon Update: బిగ్ అలర్ట్.. నేడు సాయంత్రం హైదరాబాద్‌లో భారీ వర్షం

Hyderabad rain news live(Latest news in Telangana): హైదరాబాద్ వాతావరణ శాఖ కీలక సూచన చేసింది. తెలంగాణలోని 10 జిల్లాలకు ఆరెంజ్ అలర్ట్‌ను జారీ చేసింది. మరో రెండు రోజులపాటు ఈ జిల్లాల్లో భారీ నుంచి అతి భారీ వర్షాలు కురుస్తాయని తెలిపింది. అదేవిధంగా రాష్ట్ర రాజధాని హైదరాబాద్‌ను కూడా భారీ వర్షం ముంచెత్తే అవకాశం ఉందంటూ పేర్కొన్నది. ఈ నేపథ్యంలో అధికార యంత్రాంగం అప్రమత్తమయ్యింది.

హనుమకొండ, భద్రాద్రి కొత్తగూడెం, జగిత్యాల, జయశంకర్ భూపాలపల్లి, ఖమ్మం, కొమురం భీమ్ ఆసిఫాబాద్, మంచిర్యాల, వరంగల్, మహబూబాబాద్ జిల్లాలకు ఆరెంజ్ అలర్ట్‌ను జారీ చేసింది. రెండు నుంచి మూడు రోజులపాటు భారీగా వర్షాలు కురుస్తాయని వాతావరణ శాఖ సూచించింది. మరోవైపు ఈదురుగాలులు వీచే అవకాశం ఉందని తెలిపింది.

Also Read: కమ్మ సభలో సీఎం రేవంత్‌రెడ్డి, చంద్రబాబు అరెస్ట్‌పై కేసీఆర్ ఆనాడు..

అయితే, ఇప్పటికే ఈ పది జిల్లాలో ఎడతెరిపి లేకుండా నిన్నటి నుంచి వర్షం కురుస్తూనే ఉన్నది. వాగులు, వంకలు పొంగిపొర్లుతున్నాయి. నేడు సాయంత్రం హైదరాబాద్‌తోపాటు పరిసర జిల్లాల్లో భారీ వర్షం కురిసే అవకాశం ఉందంటూ సూచన చేసింది. వాతావరణ శాఖ తాజా ప్రకటనతో జీహెచ్ఎంసీ అప్రమత్తమయ్యింది. వర్షం కురిస్తే ఎలాంటి నష్టం వాటిళ్లకుండా ముందస్తుగా తగు చర్యలు తీసుకోవాలంటూ సిబ్బందిని ఆదేశించింది.