IBomma: ఐ బొమ్మ వెబ్సైట్ కేసులో ప్రధాన నిందితుడు రవిని కస్టడీలోకి తీసుకుని విచారణ జరిపిన సైబర్ క్రైమ్ పోలీసులు మొదటి రోజు కీలక సమాచారం సేకరించారు. హైదరాబాద్ సీసీఎస్ (CCS) పోలీసులు రవిని ఐదు రోజుల కస్టడీ కోరగా న్యాయస్థానం అనుమతించింది. మొదటి రోజు విచారణలో భాగంగా పోలీసులు రవిని అనేక కోణాల్లో ప్రశ్నించారు. ఈ కేసులో మరింత లోతుగా దర్యాప్తు చేసేందుకు పోలీసులు తమ ప్రయత్నాలను ముమ్మరం చేశారు.
మొదటిరోజు విచారణలో భాగంగా సీసీఎస్ అధికారులు ప్రధానంగా రవి బ్యాంక్ లావాదేవీలపై దృష్టి సారించారు. ఐ బొమ్మ వెబ్సైట్ నిర్వహణ ద్వారా వచ్చిన ఆదాయం, దానికి సంబంధించిన ఆర్థిక మూలాలపై ఆరా తీశారు. రవి ఎన్ఆర్ఈ (NRE) ఖాతాలతో పాటు దేశంలోని వివిధ బ్యాంక్ ఖాతాల గురించి కూపీ లాగారు. అతడి ఆర్థిక లావాదేవీల్లో క్రిప్టో కరెన్సీ, వివిధ రకాల వాలెట్స్ వినియోగంపై పోలీసులు ప్రత్యేకంగా విచారించారు. అక్రమంగా డబ్బు బదిలీలు జరిగాయా అనే కోణంలో పోలీసులు లోతైన దర్యాప్తు చేస్తున్నారు. రవి సంపాదన, ఖర్చుల వివరాలు తెలుసుకునే ప్రయత్నం చేశారు.
నిందితుడు రవిపై పోలీసులు కొత్తగా ఫారెనర్స్ యాక్ట్ సెక్షన్ను జోడించారు. ఈ సెక్షన్ జోడింపుతో కేసు మరింత తీవ్రత సంతరించుకుంది. ఐ బొ బొమ్మ వెబ్సైట్ నిర్వహణ నెట్వర్క్, ఇంటర్నెట్ సోర్స్ గురించి పోలీసులు రవిని విచారించారు. వెబ్సైట్ను ఎలా నిర్వహిస్తున్నాడు..? ఎక్కడ నుంచి డేటాను అప్లోడ్ చేస్తున్నాడు..? అనే విషయాలు తెలుసుకున్నారు. వెబ్సైట్ కోసం ఉపయోగించిన ఐపీ అడ్రస్లు, వాటి సర్వర్ల వివరాలు సేకరించేందుకు పోలీసులు ప్రయత్నించారు.
ఐ బొమ్మ వెబ్సైట్ సాంకేతిక అంశాలపై సైబర్ క్రైమ్ పోలీసులు దృష్టి పెట్టారు. వెబ్సైట్ను చట్టపరంగా కనిపెట్టకుండా ఉండేందుకు రవి అనుసరించిన విధానాలపై ప్రశ్నించారు. వెబ్సైట్ నడవడానికి రవి ఎన్జల మాస్క్ ఉపయోగించినట్లు పోలీసులు గుర్తించారు. ఎన్జల మాస్క్ ద్వారా ఐపీ అడ్రస్లు మార్చినట్లు రవి ఒప్పుకున్నాడు. ఐపీ మాస్కింగ్ ప్రక్రియను విచారించారు. వెబ్సైట్, ఐపీ అడ్రస్ సర్వర్ల కోసం రవి అనుసరించిన ఎన్జల ఐపీ మాస్క్ విధానంపై మరింత లోతుగా విచారణ సాగిస్తున్నారు.
మరో ముఖ్య విషయం ఏమిటంటే ఐ బొమ్మ ఒకటి ప్రత్యక్షం, మూవీ రూల్స్ వంటి ఇతర వెబ్సైట్లకు రీడైరెక్ట్ కావడంపై పోలీసులు ఆరా తీశారు. ఇతర పైరసీ వెబ్సైట్లతో రవికి ఉన్న సంబంధాలు, అతడి భాగస్వామ్యం గురించి తెలుసుకునే ప్రయత్నం చేశారు. ఈ రీడైరెక్షన్ వెనుక ఉన్న ఉద్దేశం, సాంకేతికత గురించి రవిని ప్రశ్నించారు.
మొదటి రోజు కస్టడీ విచారణలో కీలక విషయాలు బయటపడినట్లు పోలీసులు తెలిపారు. రవిని మరో నాలుగు రోజులు సైబర్ క్రైమ్ పోలీసులు విచారించనున్నారు. ఈ నాలుగు రోజుల్లో ఐ బొమ్మ వెబ్సైట్కు సంబంధించిన కీలకమైన సర్వర్ సమాచారం, ఇతర నిందితుల వివరాలు సేకరించాలని అధికారులు భావిస్తున్నారు. ఈ కేసు దేశవ్యాప్తంగా సినీ పరిశ్రమలో సంచలనం సృష్టించింది. ఈ కేసు దర్యాప్తు పురోగతిపై ప్రజలు ఆసక్తిగా గమనిస్తున్నారు.
ALSO READ: BaahubaLi Movie: బాహుబలి టైటిల్ లోగోను గమనించారా.. ‘L’ ఎందుకు క్యాపిటల్ పెట్టారో తెలుసా ?
Share
BaahubaLi Movie: బాహుబలి టైటిల్ లోగోను గమనించారా.. 'L' ఎందుకు క్యాపిటల్ పెట్టారో తెలుసా ?
Harbhajan Singh: పాకిస్తాన్ ప్లేయర్లకు హర్భజన్ షేక్ హ్యాండ్.. దేశద్రోహి అంటూ ట్రోలింగ్ !
