Telangana Weather: దేశంలోని నైరుతి రుతుపవనాలు ప్రభావం కనిపిస్తోంది. గురువారం రాత్రి నుంచి వాతావరణంలో పలు మార్పులు చోటు చేసుకుంటున్నాయి. వివిధ ప్రాంతాల్లో ఓ మోస్తరు నుంచి భారీ వర్షాలు పడుతున్నాయి. ఇక హైదరాబాద్ లో పలు ప్రాంతాల్లో చిన్నపాటి వర్షం పడింది. శనివారం అనగా జూన్ 6 నుంచి తెలంగాణ వ్యాప్తంగా విస్తారంగా ఉరుములతో కూడిన వర్షాలు కురుస్తాయని ఐఎమ్డి అంచనా వేసింది.
తెలంగాణ వాసులకు బిగ్ అలర్ట్
తెలంగాణకు చల్లని కబురు చెప్పింది వాతావరణ కేంద్రం. వారం రోజుల్లోపు వర్షాలు పడతాని ముందుగా అంచనా వేసింది. అయితే రుతుపవనాలు వేగం పెరగడంతో శనివారం నుంచి తెలంగాణ వ్యాప్తంగా భారీ వర్షాలు పడే అవకాశముందని తెలిపింది. ఉరుములు, మెరుపులు, ఈదురు గాలులు వీస్తాయని హైదరాబాద్ ఐఎమ్డి అంచనా వేసింది.
రాబోయే నాలుగు రోజుల్లో ఉష్ణోగ్రతలు 2 నుంచి 4 డిగ్రీలు తగ్గే అవకాశం ఉంది. తెలంగాణ వ్యాప్తంగా వివిధ ప్రాంతాల్లో పగటి ఉష్ణోగ్రతలు 36 డిగ్రీల నుంచి 40 డిగ్రీల మధ్య నమోదు అవుతున్నాయి. వర్షాల నేపథ్యంలో 36 డిగ్రీలకు తక్కువగా ఉండవచ్చని భావిస్తోంది.
శనివారం నుంచి డే అండ్ నైట్ వానలే వానలు
రానున్న రెండు రోజులు ఆదిలాబాద్, కుమురం భీమ్ ఆసిఫాబాద్, మంచిర్యాల, నిర్మల్, నిజామాబాద్, నల్గొండ, సూర్యాపేట, మహబూబాబాద్, వరంగల్, హనుమకొండ, జనగాం జిల్లాల్లో ఈదురు గాలులు గంటకు 50 నుంచి 60 కిలోమీటర్లు వేగంగా వీస్తాయని తెలిపింది.
యాదాద్రి భువనగిరి, రంగారెడ్డి, హైదరాబాద్, మేడ్చల్-మల్కాజిగిరి, వికారాబాద్, సంగారెడ్డి, మెదక్, కామారెడ్డి, మహబూబ్నగర్, నాగర్ కర్నూల్, వనపర్తి, నారాయణపేట, జోగులాంబ గద్వాల్ జిల్లాల్లో ఓ మోస్తరు నుంచి భారీ వర్షాలు వర్షం పడే అవకాశం ఉందని అంచనా వేసింది. మొత్తానికి శనివారం నుంచి తెలంగాణలోని అన్ని జిల్లాల్లో ఓ మోస్తరు నుంచి భారీ వర్షాలు పడే అవకాశముందని వాతావరణ శాఖ సూచించింది. ఈ విషయం తెలియగానే రైతుల్లో ఆనందం మొదలైంది.
ALSO READ: రాజేశ్ ఎక్స్పోర్ట్స్ స్కామ్.. తెలంగాణ రాజకీయాల్లో ప్రకంపనలు, కేటీఆర్ ఎలా రియాక్ట్ అవుతారో?
Share
ఫ్రిజ్ మొత్తం వస్తువులు నింపేస్తున్నారా? దాని వల్ల జరిగే నష్టాలు ఇవే
కళ్లు చెదిరేలా సికింద్రాబాద్ స్టేషన్ మేకోవర్, వరల్డ్ క్లాస్ ట్రాన్స్ పోర్ట్ హబ్ గా అభివృద్ధి!
