Hyderabad: హైదరాబాద్‌లో ఇంటర్నెట్ బంద్ ..

Internet Services Interrupted in Hyderabad: హైదరాబాద్‌వ్యాప్తంగా కరెంట్ స్తంభాలపై ఉన్న కేబుల్స్‌ని విద్యుత్ శాఖ సిబ్బంది తొలగించారు. ఈ క్రమంలో ప్రసారసేవలకు అంతరాయం ఏర్పడింది. దీంతో విద్యుత్ సిబ్బంది తీరును కేబుల్ ఆపరేటర్లు ఖండించారు. తమకు ఎలాంటి నోటీసు లేకుండా ఫైబర్ కేబుల్స్‌ కట్‌ చేయడంతో హైదరాబాద్ మొత్తం ఇంటర్‌నెట్, కేబుల్ టీవీలు డౌన్ అయ్యాయని గగ్గోలు పెడుతున్నారు. ఇది తమకు నష్టం కలిగిస్తుందని, తక్షణమే నిలిపేయాలని కోరారు.

ఇంటర్నెట్, ఫైబర్ నెట్ ప్రొవైడర్స్ అసోసియేషన్ సభ్యులను TGSPDCL ఆఫీస్‌లో చర్చలకు ఆహ్వానించారు. వారితో TGSPDCL సీఎండీ మషారఫ్‌ అలీ ఆదేశాలమేరకు హైదరాబాద్ వ్యాప్తంగా ఇంటర్నెట్, ఫైబర్ నెట్ తీగలన్నింటిని కట్ చేశారు. విద్యుత్ పోల్స్ కు సంబంధించిన టాక్సీలు చెల్లించలేదంటూ గల కారణంతోనే ఎలాంటి లిఖితపూర్వక ఆదేశాలు లేకుండానే కేవలం మౌఖిక ఆదేశాలతోటే హైదరాబాద్ వ్యాప్తంగా అన్ని రకాల కేబుల్స్ కట్ చేసినట్లు తెలుస్తోంది.

Also Read: వాట్ ఈజ్ దిస్ కేటీఆర్.. చూసుకోవాలి

ఈ నేపథ్యంలో హైదరాబాద్ నగరవ్యాప్తంగా అనేక ప్రాంతాల్లో ఇంటర్నెట్ సరఫరాతో పాటు, కేబుల్ ప్రసారాలు కూడా నిలిచిపోయాయి. మరో రెండు మూడు రోజులు పాటు ఇదే విధంగా కొనసాగుతున్నట్లు ఇప్పటికే TGSPDCL అధికారులు చెబుతున్నారు. కొన్ని ప్రాంతాల్లో విధ్యుత్ సరఫరా నిలిచిపోతున్నాయి. వర్షాకాల నేపథ్యంలో ఇటు ప్రమాదాలు జరగకుండా ఉండాలనే ఉద్దేశ్యంతో అనవసరంగా, ఇష్టానుసారంగా అనుమతుల్లేకుండా వేసిన కేబుల్ వైర్లు తొలగిస్తున్నట్లు విద్యుత్ శాఖ అధికారులు చెబుతున్నారు.

Share

• 
• 
• 
• 
• 
•