Telangana: స్థానిక సంస్థల ఎన్నికలు గూలబీ పార్టీ నేతల్లో గుబులు పుట్టిస్తున్నాయట. పార్టీని గాడిలో పెట్టాలంటే లోకల్ బాడీ ఎన్నికల్లో మెజార్టీ సాధించాల్సిందే. విజయం సాధించి కేడర్‌లో నైరాశ్యానికి చెక్ పెట్టాలని ప్లాన్‌లో బీఆర్ఎస్ ఉందట. మాజీ, తాజా ఎమ్మెల్యేలు, ఎంపీలకు నియోజకవర్గంలో గెలుపు బాధ్యతలు, నేతల పనితీరుకు పంచాయతీ ఎన్నికలే గీటురాయిగా మారాయట. క్షేత్రస్థాయిలో పార్టీ ఏమేరకు బలంగా ఉందో తేల్చనున్న ఈ ఎన్నికల్లో అవకాశం వదులుకోవద్దని పార్టీ నేతలకు అధిష్టానం ఆదేశించడంతో నేతల్లో టెన్షన్ పెరిగిపోతోందంట…
బీఆర్ఎస్‌కి స్థానిక సంస్థల ఎన్నికల సవాల్
బీఆర్ఎస్ పార్టీకి స్థానిక సంస్థల ఎన్నికలు సవాల్ గా మారాయి. రాష్ట్రంలో అధికారంలో ఉన్నప్పటికీ మెజార్టీ సీట్లు రావడం ఆనవాయితీ. కానీ కాంగ్రెస్ ప్రభుత్వం ఇచ్చిన వాగ్దానాలు అమలు చేయలేదని, ప్రజల్లోకి వెళ్లుతున్న తమకు కలిసి వస్తుందని గులాబీ అధిష్టానం భావిస్తోందట. మెజార్టీ స్థానాలను కైవసం చేసుకుంటే కేడ్‌ర్‌లో జోష్ నింపవచ్చని…రాబోయే అసెంబ్లీ ఎన్నికలకు మార్గం సుగమనం అవుతుందని ప్లాన్ రూపొందిస్తున్నారట గూలబీ నేతలు. అందుకు తగ్గట్లుగానే స్థానిక నేతలకు, ఎమ్మెల్యేలు, మాజీ ఎమ్మెల్యేలకు, బాధ్యతలను అప్పగిస్తున్నట్లు సమాచారం. అయితే ఏ మేరకు పార్టీ ప్రణాళికలు సక్సెస్ అవుతాయా లేని ఆసక్తి నెలకొంది.
60 లక్షల మందికి సభ్యత్వం ఉందంటున్న పార్టీ నేతలు
బీఆర్ఎస్ పార్టీకి 60లక్షల సభ్యత్వం ఉందని పార్టీ నేతలు పేర్కొంటున్నారు. ఏ ప్రాంతీయ పార్టీకి లేనంతగా సభ్యత్వం ఉందని, పార్టీకి కేడర్ ఉందని అంటున్నారు. అయితే ఈ స్థానిక సంస్థల ఎన్నికల్లో ఏమేరకు పార్టీకి కలిసి వస్తుందనేది ఇప్పుడు చర్చకు దారితీస్తోందట. పార్టీ నేతలు క్షేత్రస్థాయిలో ఏమేరకు పనిచేస్తారనేది పార్టీకి సైతం క్లారిటీ లేదంటున్నారు. అసెంబ్లీ, పార్లమెంట్ ఎన్నికల్లో ఓటమి తర్వాత పార్టీ నేతలు, కేడర్ లో ఇంకా పూర్తిస్థాయిలో నైరాశ్యం పోలేదనేది ఇంటర్నల్‌గా నడుస్తున్న చర్చ. దానిని పోగొట్టేందుకు ఆస్థాయిలో పార్టీ కార్యక్రమాలు నిర్వహించలేదు. ఒక్క వరంగల్ సభ తప్ప చెప్పుకోదగిన పార్టీ రాష్ట్ర వ్యాప్త కార్యక్రమం చేపట్టలేదు. దీంతో కేడర్‌లోనూ కొంత స్తబ్దత నెలకొంది. అయితే ఈ స్థానిక సంస్థల్లో సత్తా చాటేందుకు సిద్ధమవుతుంది. అయితే ఇప్పటివరకు అసెంబ్లీ, పార్లమెంట్ లో ఎన్నికల ఓటమిపై సమీక్షించలేదు. నేతల పనితీరుపైనా ఆరా తీయలేదు. బాధ్యులపైనా ఎలాంటి చర్యలు తీసుకోలేదు.
ఇన్‌చార్జులుగా ఎమ్మెల్యేలు, మాజీ ఎమ్మెల్యే కొనసాగింపు
మరోవైపు నియోజకవర్గ ఇన్ చార్జులుగా ఎమ్మెల్యేలు, మాజీ ఎమ్మెల్యేలనే కొనసాగిస్తున్నారు. నేతలపై వ్యతిరేకతతోనే అసెంబ్లీ ఎన్నికల్లో ఫలితాలు వ్యతిరేకంగా వచ్చాయని, మరోవైపు పదేళ్లలో చేసిన అభివృద్ధిని చెప్పుకోలేకపోవడంతోనే ఓటమిపాలయ్యామని పార్టీ అధిష్టానమే పలు సందర్భాల్లోనూ పేర్కొంది. అయితే స్థానిక సంస్థల ఎన్నికల్లోనూ మళ్లీవారికే బాధ్యతలను అప్పగించాలని పార్టీ అధిష్టానం నిర్ణయానికి వచ్చినట్లు సమాచారం. కేసీఆర్‌పై ప్రజలకు మంచి అభిప్రాయం ఉన్నప్పటికీ స్థానికంగా ఉన్న నేతలపై మాత్రం గత ఒపీనియన్ పోలేదు. ఈ తరుణంలో ఎలా మెజార్టీ సాధిస్తారనేది ఇప్పుడు హాట్ టాపిక్ అయింది.
ఓటమి తర్వాత పార్టీ బలోపేతంపై దష్టి పెట్టని ముఖ్యనేతలు
ఎన్నికల్లో ఓటమి తర్వాత బీఆర్ఎస్ ఇప్పటివరకు పార్టీ బలోపేతంపై దృష్టిసారించలేదు. పార్టీ కమిటీలు వేయకపోవడంతో పదవులు వస్తాయని ఆశిస్తున్న నేతలు నిరాశలోనే ఉన్నారు. పదవులతోనే గుర్తింపు వస్తుందనుకున్న వారు ఏళ్లుగా రాకపోవడంతో అసంతృప్తితోనే ఉన్నారు. ఈ తరుణంలో స్థానిక సంస్థల ఎన్నికల్లో పార్టీ విజయం కోసం ఎలా పనిచేస్తారనేది ఇప్పుడు చర్చకు దారితీస్తుందట. పార్టీ కోసం పనిచేసేవారికి గుర్తింపు ఇవ్వకుండా పార్టీకోసం పనిచేయాలని చెబితే కేడర్.. ఏ పదవితో అడుగుతున్నారని ప్రశ్నిస్తే తాము ఏం సమాధానం చెప్పాలని పలువురు పేర్కొంటున్నారు.
రాబోయే ఎన్నికల్లో టికెట్ ఇస్తే విజయం సాధిస్తారా?
ఎమ్మెల్యేలు, మాజీ ఎమ్మెల్యేల, మాజీ ఎంపీల పనితీరుకు ఈ స్థానిక సంస్థల ఎన్నికలు గీటురాయిగా మారనున్నాయి. నియోజకవర్గ స్థాయిలో ఏం అభివృద్ధి చేశారు.. కేడర్ కు ఏ మేరకు అందుబాటులో ఉన్నారు.. వారు రాబోయే ఎన్నికల నాటికి వారి భవిష్యత్ ఏంటనేది కూడా స్పష్టం కానుంది. మళ్లీ వారికి రాబోయే ఎన్నికల్లో టికెట్ ఇస్తే విజయం సాధిస్తారా? లేదా? అనేది కూడా ఈ ఎన్నిలకల్లో స్పష్టం కానుందని పార్టీలోని నేతల మధ్య చర్చ నడుస్తుందట. అందుకే పార్టీ అధిష్టానం సైతం ఆ నేతలకే స్థానిక ఎన్నికల బాధ్యతను అప్పగించిందని తెలిపారు. మెజార్టీ స్థానాలు గెలిపించకపోతే మరోవ్యక్తికి ఆ నియోజకవర్గంలో అవకాశం కల్పించే అవకాశం ఉందని సమాచారం.
ఆశించిన ఫలితాలు దక్కక పోతే అభ్యర్ధులను మారుస్తారా?
కాంగ్రెస్ ఎన్నికల సమయంలో ఇచ్చిన హామీలను పూర్తిస్థాయిలో అమలు చేయకపోవడంతో ప్రభుత్వంపై వ్యతిరేకత వస్తుందని, అది కలిసి వస్తుందని బీఆర్ఎస్ ఆశలు పెట్టుకుంది. ఈ అవకాశాన్ని వదులుకోవద్దని ఇప్పటికే పార్టీ నేతలకు సూచించింది. అయితే ప్రభుత్వంపై ఏమేరకు వ్యతిరేకత ఉన్నదానేది కూడా ఈ స్థానిక ఎన్నికల్లో స్పష్టం కానుంది.
Story By Rami Reddy, Bigtv
Share
Bigg Boss Buzzz : వొంగోపెట్టి పుంగి బజా... మాస్క్ మ్యాన్‌కు క్లాస్ పీకిన శివాజీ..
Bandla Ganesh: మళ్లీ మాట మార్చిన బండ్ల.. ఇక నమ్మడం కష్టమే
