Taskforce Attack on After9 Pubs: హైదరాబాద్ లో పబ్ లపై టాస్క్ ఫోర్స్ పోలీసులు మరోసారి కొరడా ఝుళిపించారు. నిబంధనలకు వ్యతిరేకంగా నడుస్తోన్న పబ్ లపై దాడులు నిర్వహించారు. బంజారాహిల్స్ లోని ఆఫ్టర్ 9 పబ్ లో రైడ్స్ చేశారు. ఆఫ్టర్ 9 పబ్ లో కస్టమర్లను ఆకర్షించేందుకు ఇతర రాష్ట్రాల నుంచి యువతులను తీసుకొచ్చి అసభ్యకర డ్యాన్సులు చేయిస్తున్నారు.
ఈ క్రమంలో యువతీ యువకులు మద్యం మత్తులో హల్ చల్ చేశారు. పబ్ పై దాడులు నిర్వహించిన పోలీసులు.. పలువురు యువతీ, యువకులను అదుపులోకి తీసుకున్నారు. వారిపై, పబ్ పై పలు సెక్షన్ల కింద కేసులు నమోదు చేశారు. పబ్ పై దాడుల సమయంలో అక్కడ సుమారుగా 100-150 మంది యువతీ యువకులు ఉన్నట్లు తెలుస్తోంది.
మద్యంమత్తులో అశ్లీల నృత్యాలు చేస్తున్న 32 మంది యువతులు, 75 మంది యువకులను పోలీసులు అదుపులోకి తీసుకున్నారు. పబ్ కు వచ్చేవారిని ఆకర్షించేందుకు కర్ణాటకలోని గుల్బర్గా నుంచి వీరిని పిలిపించినట్లు తెలుస్తోంది. పోలీసుల అదుపులో ఉన్నవారికి డ్రగ్స్ డిటెక్స్ టెస్ట్ చేస్తున్నారు పోలీసులు. 35 మంది యువతుల్ని సైదాబాద్ లోని రెస్క్యూహోమ్ కు తరలించారు.
Also Read : కేసీఆర్‌కు మరో షాక్.. స్పీడ్ పోస్ట్ ద్వారా తెలంగాణ భవన్‌కు..
కాగా.. ఈ ఏడాది ఆరంభంలోనే పోలీసులు పబ్ లపై ఉక్కుపాదం మోపారు. న్యూ ఇయర్ రోజునే జూబ్లీహిల్స్ లో 6 పబ్బులపై కేసులు నమోదు చేశారు. హలో, టార్, గ్రీన్ మంకీస్, మకవ్, లాస్ట్, జీనా పబ్బులపై కేసులు నమోదు చేశారు. న్యూ ఇయర్ వేడుకలకు పర్మిషన్ తీసుకోకపోవడం, పబ్ ల నుంచి శబ్దాలు ఎక్కువగా వస్తున్నాయని స్థానికులు ఫిర్యాదు చేయడంతో.. ఐపీసీ సెక్షన్ 188, 290, సీపీ చట్టాల కింద కేసు నమోదు చేశారు.
Share
PBKS Vs CSK Preview IPL 2024: పంజాబ్ కింగ్స్ ఈసారి ఏం చేస్తుంది..? నేడు చెన్నై సూపర్ కింగ్స్ తో పోటీ
Sugar Patients in Summer: మండుటెండలతో మధుమేహ వ్యాధిగ్రస్తులకు డేంజర్.. వైద్యుల సూచనలు
