TS EAPCET 2024: టీఎస్ ఎప్‌సెట్ హాల్ టికెట్లు విడుదల.. డౌన్లోడ్ ఇలా..!

TS EAPCET 2024: తెలంగాణలో ఇంటర్ పూర్తి చేసి.. టీఎస్ ఎప్ సెట్ పరీక్షలు సిద్ధం అవుతున్న వారికి బిగ్ అలర్ట్. రాష్ట్రంలో ఇంజినీరింగ్, అగ్రికల్చర్-ఫార్మా కోర్సులోల ప్రవేశాల కోసం నిర్వహించే టీఎస్ ఎప్ సెట్ పరీక్షకు సంబంధించి హాల్ టికెట్లు విడుదలయ్యాయి.

టీఎస్ ఎప్ సెట్ కు రిజిస్ట్రేషన్ చేసుకున్న వారికి అలర్ట్. టీఎస్ ఎప్ సెట్ నిర్వాహకులు ఇంజినీరింగ్ స్ట్రీమ్ హాల్ టికెట్లను విడుదల చేశారు. సోమవారం ఫార్మా విభాగానికి సంబంధించిన హాల్ టికెట్లు విడుదల చేసిన సెట్ నిర్వాహకులు మంగళవారం మిగిలిన ఇంజినీరింగ్ విభాగం హాల్ టికెట్లు కూడా విడుదల చేశారు.

విద్యార్థులు తమ పుట్టిన తేదీతో పాటుగా రిజిస్ట్రేషన్ నంబర్ ను ఎంటర్ చేసి ఆన్ లైన్ ద్వారా హాల్ టికెట్లు డౌన్లోడ్ చేసుకోవచ్చు. అభ్యర్థులు eapcet.tsche.ac.in వెబ్ సైట్ ద్వారా హాల్ టికెట్లు డౌన్లోడ్ చేసుకోవచ్చు.

Also Read: తెలంగాణ టెన్త్ రిజల్ట్స్ వచ్చేశాయ్.. ఆ సబ్జెక్టుల్లో ఎక్కువమంది ఫెయిల్

రాష్ట్రంలో మే 7వ తేదీ నుంచి 11వ తేదీ వరకు టీఎస్ ఎప్ సెట్ పరీక్షలు జరగనున్నాయి. కాగా, మే 7, 8వ తేదీల్లో అగ్రికల్చర్ అండ్ ఫార్మసీ పరీక్షలు, మే 9, 10, 11వ తేదీల్లో ఇంజినీరింగ్ స్ట్రీమ్ పరీక్షలు జరగనున్నాయి. అయితే ఈ ఏడాది టీఎస్ ఎప్ సెట్ కు దాదాపు 3.54 లక్షల మంది విద్యార్థులు రిజిస్ట్రేషన్ చేసుకున్నట్లు సెట్ నిర్వాహకులు వెల్లడించారు.