బీచ్‌లో పిల్లాడిని వదిలేసి.. తల్లిదండ్రుల రీల్స్, ఛీ కొంచెమైనా సిగ్గుందా?

Baby Caught in Sea Waves: సోషల్ మీడియా వీడియోల కోసం కొంత మంది ఏం చేస్తున్నారో తెలియకుండా ప్రవర్తిస్తున్నారు. తాజాగా అలాంటి వీడియో ఒకటి నెట్టింట వైరల్ అవుతోంది. బీచ్ లో ఓ జంట రీల్స్ చేస్తుండగా, వారి పసికందు అలల్లో చిక్కుకుని ఇబ్బంది పడుతున్న విజువల్స్ నెటిజన్ల నుంచి తీవ్ర ఆగ్రహాన్ని కలిగిస్తున్నది.

బీచ్‌లో రీల్స్.. ప్రమాదంలో చిన్నారి..

వైరల్ అవుతున్న వీడియోలో ఒక జంట బీచ్ లో నడుస్తూ రీల్ చేస్తున్నారు. ఓ మహిళ ఒక పసికందు చేతులు పట్టుకుని నడుస్తున్నట్లు ఫుటేజీలో ఉంది. అయితే, కొద్దిసేపటి తర్వాత ఆ చిన్నారి చేతుల్లో నుంచి జారి ఇసుకపై పడిపోతుంది. అదే సమయంలో సముద్రం నుంచి వచ్చిన అలల్లో కొట్టుకుపోతుంది. అయినా, ఆ జంట ఆ పసికందును పట్టించుకోకుండా రీల్ షూట్ చేస్తున్నట్లు ఫుటేజీలో కనిపిస్తోంది. ఈ విజువల్స్ చూసిన నెటిజన్లు చిన్నారి భద్రతపై ఆందోళన వ్యక్తం చేస్తున్నారు.

సమయానికి స్పందించిన యువకుడు

చిన్నారి అలల్లో కొట్టుమిట్టాడుతున్న సమయంలో అటుగా వెళ్తున్న ఓ వ్యక్తి వెంటనే స్పందించాడు. అతడు నీటిలోకి వెళ్లి చిన్నారిని బయటకు తీసుకొస్తాడు. అయినప్పటికీ, తల్లి తన చిన్నారని పట్టించుకపోవడంపై సర్వత్రా విమర్శలు వస్తున్నాయి. అయితే, ఈ ఘటన ఎక్కడ జరిగిందనే ప్రదేశం, తేదీ, ఆ జంట వివరాలు ఇంకా తెలియరాలేదు.

సోషల్ మీడియాలో తీవ్ర ఆగ్రహం

ఈ వీడియో బయటకు రావడంతో సోషల్ మీడియా వినియోగదారులు తీవ్రంగా స్పందిస్తున్నారు. చిన్నారుల భద్రత కంటే రీల్స్‌ తీసేందుకు ఎక్కువగా ప్రాధాన్యత ఇవ్వడంపై మండిపడుతున్నారు. పిల్లలు బీచ్‌ల లాంటి ప్రమాదకర ప్రాంతాల్లో ఉన్నప్పుడు తల్లిదండ్రులు నిరంతరం వారిని గమనించాలని సూచిస్తున్నారు. సోషల్ మీడియాలో పంచుకునే కొన్ని క్షణాల వీడియో కోసం చిన్నారి ప్రాణాలను ప్రమాదంలో పెట్టడం సరికాదని వ్యాఖ్యానించారు. రీల్ కోసం మళ్లీ ప్రయత్నించవచ్చు. కానీ, చిన్నారి ప్రాణాలకు ప్రమాదం జరిగితే తిరిగి తీసుకురాలేమన్నారు. వీడియోలు, ఫొటోలు తీసుకోవడం తప్పు కాకపోయినా, వాటి కోసం పిల్లల భద్రతను నిర్లక్ష్యం చేయకూడదనే విషయాన్ని ఈ ఘటన గుర్తుచేస్తోంది.

आज Husband के साथ समुन्द्र पर घूमने गई थी जहाँ हमने देखा एक पति पत्नी Reel बनाने में इतने मगन थे अपनी बच्ची को पानी में ही छोड़ दिया।

बच्ची समुन्द्र की लहरों में बहने से बच गई एक भय्या ने ध्यान दिया और बचा लिया।

क्या अब Reel बाजी लोगों के लिए इतनी जरूरी हो गई है अपने बच्चों…… pic.twitter.com/QeqCQfd3ai

— 𝗠𝗮𝗿𝗶𝘆𝗮𝗺_𝗠𝗕𝗗 (@Mariyam_MBD) October 19, 2026