Cash Incentives: ఈ దేశాల్లో విదేశీయులకు ఫ్రీగా ప్లాట్లు, భూములే కాదు, డబ్బులు కూడా ఇస్తారు!

8 Nations Offering Cash Incentives: భారత్ లాంటి దేశాల్లో జనాభా పెరిగిపోతుంటే, కొన్ని దేశాల్లో పాపులేషన్ భారీగా పడిపోతోంది. ఈ నేపథ్యంలోనే ఆయా ప్రభుత్వాలు తమ దేశంలో జనాభా పెంచుకునేందుకు ప్రయత్నాలు చేస్తున్నాయి. అందులో భాగంగానే తమ దేశంలో స్థిరపడాలనకునే విదేశీయులకు ఉచితంగా భూమి, ఫ్లాట్ తో పాటు డబ్బు సాయం కూడా చేస్తున్నాయి. ఇంతకీ ఆ దేశాలు ఏవంటే..

⦿ జపాన్

జపాన్ లో జనాభా తగ్గుతున్న నేపథ్యంలో గ్రామాల్లో జనాభాను పెంచేందుకు అక్కడ ప్రభుత్వం కీలక నిర్ణయం తీసుకుంది. పట్టణాల్లో నుంచి గ్రామీణ ప్రాంతాల్లో నివాసం ఉండేందుకు వెళ్లే వారికి సుమారు $7,500( రూ.6,77,000) వరకు మనీ ఆఫర్ చేస్తుంది. కొన్ని ప్రాంతాలు ఈ ఒప్పందాన్ని మరింత మెరుగుపరచడానికి ఉచితంగా ఇళ్ళు, వ్యవసాయ భూమిని అందిస్తున్నాయి.

⦿ ఐర్లాండ్

పశ్చిమ తీరం వెంబడి ఉన్న కొన్ని ఆఫ్‌షోర్ దీవులకు వెళ్లి నివాసం ఉండే కుటుంబాలకు ఐరిష్ ప్రభుత్వం €84,000(రూ.90,26,640) వరకు గ్రాంట్లను అందిస్తుంది.

⦿ స్పెయిన్

ఉత్తర స్పెయిన్‌ లోని పోంగా ప్రాంతం దశాబ్దాలుగా జనాభా తగ్గుదలను ఎదుర్కొనేందుకు ప్రయత్నిస్తోంది. అక్కడ నివాసం ఉండేందుకు ఇష్టపడే వారికి €3,000(రూ.3,22,380), అక్కడ జన్మించే ప్రతి బిడ్డకు అదనంగా €3,000(రూ. 3,22,380) అందిస్తుంది.

⦿ గ్రీస్

ఆంటికిథెరా ద్వీపంలో ఉండే కుటుంబాలకు నెలకు €500(రూ. 53,730)తో పాటు ఉచిత గృహ నిర్మాణం, ఉచితంగా భూమిని ఇస్తుంది.

⦿ స్విట్జర్లాండ్

45 ఏళ్ల లోపు వయస్సు ఉన్న వ్యక్తులు అల్బినెన్ గ్రామంలో కనీసం 10 సంవత్సరాలు నివసించడానికి అంగీకరించిన వారికి ఇల్లు కొనుక్కున్న, నిర్మించుకున్న కుటుంబాలకు $70,000(రూ. 63,39,270) వరకు ఆఫర్ చేస్తుంది.

⦿ క్రొయేషియా

లెగ్రాడ్ పట్టణంలో ఇల్లు కట్టుకోవడానికి ఇష్టపడే కుటుంబాలకు ఉచిత భూమి, ఇళ్ల ప్లాట్లు అందిస్తుంది అక్కడి ప్రభుత్వం. దరఖాస్తుదారులు 40 ఏళ్లలోపు ఉండి, అక్కడ నివసించడానికి హామీ ఇవ్వాలి.

⦿ చిలీ

చిలీ స్టార్టప్ కార్యక్రమం ద్వారా ఆ దేశంలో వ్యాపారాన్ని చేసేందుకు అనుమతిస్తుంది. ఒక ఏడాది పాటు వీసాను అందిస్తుంది. అక్కడ వ్యాపారం పెట్టే వారికి $80,000(రూ.72,43,496) వరకు ఈక్విటీ రహిత నిధులను అందిస్తుంది.

⦿ ఇటలీ

ఇక దక్షిణ ఇటలీలోని అనేక పట్టణాల ప్రజలకు బంపర్ ఆఫర్ ఇచ్చింది అక్కడి ప్రభుత్వం. పట్టణాలలో ఉండే వాళ్లు గ్రామాల్లోకి వెళ్లి వ్యాపారాలు చేసుకునేందుకు €30,000 (రూ. 32,23,800)వరకు అందిస్తుంది. గ్రామాల్లో కొత్త నివాసితులను ఆకట్టుకునేందుకు కేవలం €1(సుమారు రూ. 100)కే ఇళ్లను అందిస్తుంది.

ఇంకెందుకు ఆలస్యం.. మీరు కూడా ఈ దేశాలకు ఎంచక్కా వెళ్లండి. అక్కడ హ్యాపీగా బతికేయండి గురూ!