Big tv kissik Talks Promo: జబర్దస్త్ సాయి తేజ అంటే పెద్దగా ఎవరు గుర్తుపట్టరు కానీ ప్రియాంక సింగ్ అంటే మాత్రం టక్కున అందరికీ ఈమె గుర్తుకు వస్తుంది. ప్రస్తుతం ప్రియాంక సింగ్ గా చలామణి అవుతున్న ఈమె సర్జరీ ద్వారా అమ్మాయిగా మారిన సంగతి అందరికీ తెలిసిందే. సాయి తేజగా అందరికీ సుపరిచితమైన ప్రియాంక అనంతరం అమ్మాయిగా మారి ప్రియాంక సింగ్ (Priyanka Singh)గా అందరి ముందుకు వచ్చింది. జబర్దస్త్ షో (Jabardasth show) లో కమెడియన్ గా కొనసాగుతూ తన కామెడీతో ప్రేక్షకులను మెప్పించిన ప్రియాంక సింగ్ అనంతరం బిగ్ బాస్ సీజన్ 5 రియాలిటీ షో(Bigg Boss season 5) కార్యక్రమంలో కంటెస్టెంట్ గా పాల్గొన్నారు.
ఇక బిగ్ బాస్ కార్యక్రమంలో భాగంగా ప్రియాంక మానస్ తో పులిహోర కలుపుతూ భారీగా ఫ్యాన్ ఫాలోయింగ్ సొంతం చేసుకున్నారు. ఇక బిగ్ బాస్ తరువాత ప్రియాంక సింగ్ ఇటీవల ఎలాంటి కార్యక్రమాలలోనూ పాల్గొనలేదు. అయితే తాజాగా ఈమె బిగ్ టీవీ కిస్సిక్ టాక్స్ కార్యక్రమంలో పాల్గొన్నారు. తాజాగా ఈ కార్యక్రమానికి సంబంధించిన ప్రోమో విడుదల చేశారు. ఈ ప్రోమోలో భాగంగా ప్రియాంక తన కన్నీటి కష్టాల గురించి మాట్లాడుతూ ఎమోషనల్ అయ్యారు.
ఇకపోతే ఈ కార్యక్రమంలో భాగంగా వర్ష ప్రియాంకను ప్రశ్నిస్తూ అసలు బిగ్ బాస్ తర్వాత కనిపించడం మానేశావు ఏమయ్యావ్ ప్రియాంక అంటూ ప్రశ్నించడంతో ఒక్కసారిగా ప్రియాంక ఆగ్రహం వ్యక్తం చేశారు. తాను బయటకు రాకపోవడానికి కారణం సోషల్ మీడియా అని తెలిపారు. సోషల్ మీడియాలో ఎంతోమంది ఎన్నో రకాలుగా విమర్శలు చేస్తున్నారని పిచ్చిపిచ్చి కామెంట్లు చేస్తున్నారని తెలిపారు. ఇక ఇంస్టాగ్రామ్ వచ్చిన తర్వాత చాలామంది దారుణంగా ఇతరుల గురించి కామెంట్లు చేస్తున్నారు అంటూ ఈమె మండిపడ్డారు. ఇక ప్రియాంక ఏ కార్యక్రమానికి వెళ్లిన ఆమె గురించి సోషల్ మీడియా వేదికగా ఎన్నో రకాల విమర్శలు కురిపిస్తూ కామెంట్లు చేస్తున్నారు.
ఈ తరుణంలోనే ఈ విధమైనటువంటి కామెంట్లను తాను భరించలేక అందరికీ దూరంగా ఉన్నానని ఈ సందర్భంగా తెలియజేశారు. ఇక ఈ కార్యక్రమంలో భాగంగా ఈమె తన కెరియర్ లో ఎదుర్కొన్న ఇబ్బందుల గురించి, అలాగే తన ఫ్యామిలీ గురించి ప్రేమలో మోసపోవడం గురించి కూడా తెలియజేశారు. ఇక సర్జరీ సమయంలో అవకాశాలు లేక ఎన్నో ఇబ్బందులు పడుతున్న సమయంలో తనకు నాగబాబుగారు చాలా సహాయం చేశారు అంటూ ఈ సందర్భంగా ప్రియాంక తెలియజేశారు. ప్రస్తుతం ఈ కార్యక్రమానికి సంబంధించిన ప్రోమో వైరల్ అవుతుంది. ఇక పూర్తి ఎపిసోడ్లో భాగంగా ప్రియాంక ఇంకా ఎలాంటి విషయాలు గురించి మాట్లాడారు ఏంటి అనేది తెలియనుంది. ఇక ఈ కార్యక్రమం ప్రతి శనివారం రాత్రి 7 గంటలకు బిగ్ టీవీ లో ప్రసారమవుతున్న సంగతి తెలిసిందే.
Also Read: Samantha -Raj: పెళ్లి తర్వాత సమంత ఫస్ట్ ఫోటో చూశారా.. క్యూట్ గా ఉన్న కొత్త జంట!
Share
YouTube Golden Play Button: గోల్డెన్ ప్లే బటన్ వచ్చిన తర్వాత.. యూట్యూబర్ ఆదాయం అంత పెరుగుతోందా?
Allu Arjun : మౌగ్లి సెలబ్రిటీ షో కి హాజరైన బన్నీ, రోషన్ తో ఏమన్నాడంటే?
