Tamanna Simhadri: తమన్నా సింహాద్రి పరిచయం అవసరం లేని పేరు. ట్రాన్స్ జెండర్ గా గుర్తింపు పొందిన ఈమె బిగ్ బాస్ సీజన్ 3(Bigg Boss 3) కార్యక్రమంలో కంటెస్టెంట్ గా పాల్గొని ఎంతో మంచి ఆదరణ పొందారు. ఇలా బిగ్ బాస్ ద్వారా మంచి గుర్తింపు పొందిన ఈమె ఇటీవల కాలంలో సోషల్ మీడియాలో చాలా యాక్టివ్ గా ఉంటున్నారు. సోషల్ మీడియా వేదికగా తనకు సంబంధించిన అన్ని విషయాలను అభిమానులతో పంచుకుంటున్న తమన్నా సింహాద్రి ఇటీవల తన అభిమానులకు వరుసగా షాకింగ్ న్యూస్ తెలియజేస్తూ అందరిని ఆశ్చర్యపరుస్తున్నారు. సాధారణంగా ట్రాన్స్ జెండర్ గా ఉన్నటువంటి వారిని ఎవరు పెళ్లి చేసుకోవడానికి ఇష్టపడరు కానీ ఈమె ఇటీవల పెళ్లి చేసుకున్నట్లు తెలియజేశారు.
తమన్నా సింహాద్రి తన భర్తతో కలిసి దిగిన ఫోటోని షేర్ చేస్తూ తనకు వివాహమైన విషయాన్ని తెలియజేశారు. ప్రస్తుతం తన భర్తతో కలిసి ఒక పల్లెటూర్లో చాలా సంతోషకరమైన జీవితాన్ని గడుపుతున్నానని తన భర్త గురించి చేసిన కామెంట్స్ వైరల్ అయ్యాయి. ఇలా ఈమెకు పెళ్లి జరిగిందని చెప్పిందో లేదో అప్పుడే మరో గుడ్ న్యూస్ అభిమానులతో పంచుకున్నారు. తాజాగా ఈమె ఇంస్టాగ్రామ్ వేదికగా బేబీ బంప్(Baby Bump) ఫోటోలను షేర్ చేస్తూ తల్లి కాబోతున్న విషయాన్ని ప్రకటించారు.
ఒక స్పెషల్ ట్రీట్మెంట్ ద్వారా తమన్న తల్లి కాబోతున్నట్లు ఈ సందర్భంగా తెలియజేశారు. ఇలా ట్రాన్స్ జెండర్ ఒక బిడ్డకు జన్మనివ్వబోతున్నారు అంటే ఇది నిజంగా ఆశ్చర్యం కలిగించే విషయమని చెప్పాలి. తమన్నా తల్లి కాబోతున్న నేపథ్యంలో అభిమానులు ఈమెకు సోషల్ మీడియా వేదికగా అభినందనలు తెలియజేస్తున్నారు. మరి కొంతమంది ఇది ఎలా సాధ్యం అంటూ కూడా సందేహాలను వ్యక్తపరుస్తున్నారు. ఏది ఏమైనా తమన్నా తల్లి కాబోతున్నాననే విషయాన్ని ప్రకటించడం అందరినీ ఆశ్చర్యానికి గురిచేస్తుంది. గత కొద్దిరోజుల క్రితం ఈమె తన భర్తతో కలిసి దిగిన ఫోటోలను షేర్ చేసినప్పటికీ ఆయన ఎవరు? ఏంటి? అనే వివరాలను మాత్రం ఎక్కడా వెల్లడించలేదు.
ఇక తమన్నా లింగమార్పిడి చేయించుకోవడానికి గల కారణాలను పలు సందర్భాలలో తెలియజేశారు. ఈమె అసలు పేరు మస్తాన్. గుంటూరులో మస్తాన్ బాబా దర్గా ఉంది. నాన్నకు అబ్బాయి కావాలని కోరిక ఉండేది అమ్మకు అమ్మాయి కావాలని కోరిక ఉండేది దీంతో ఇద్దరు దర్గా వద్ద మొక్కుకున్నారని, అయితే తాను అమ్మాయి లక్షణాలతో అబ్బాయిగా పుట్టానని తెలియజేశారు. ఇలా తనకు అమ్మాయి లక్షణాలు ఎక్కువగా ఉన్న నేపథ్యంలో ముంబై వెళ్లి లింగ మార్పిడి చేయించుకున్నానని ఇలా లింగ మార్పిడి తర్వాత మస్తాన్ గా ఉన్న తన పేరును కాస్త తమన్నగా మార్చుకున్నానని తెలియజేశారు. ఇక ఈమె ట్రాన్స్ జెండర్ గా మారిన తర్వాత బిగ్ బాస్ 3 లో అవకాశాన్ని అందుకున్నారు .అక్కడ యాంకర్ శ్రీముఖి(Sreemukhi)తో చాలా మంచి పరిచయం ఏర్పడింది. ఒకానొక సమయంలో ఆత్మహత్య చేసుకోవాలనుకున్న తనను శ్రీముఖి ఆదరించిందని, ఆమె వల్లే తాను ఈ స్థాయిలో ఉన్నాను అంటూ శ్రీముఖితో తన బంధం గురించి పలు సందర్భాలలో బయటపెట్టారు.
Also Read: పెద్ది స్పెషల్ సాంగ్.. రంగంలోకి బాలయ్య బ్యూటీ.. ఈసారైనా ఫైనల్ అయ్యేనా?
Share
పేరుకే స్టార్ నటుడు.. ఇప్పటికీ రూ.3000 ఫోన్ వాడుతున్న ఆ నటుడు ఎవరో తెలుసా?
బాబర్ ఆజం ముందు సచిన్ దేనికి పనికిరాడు..వాడు పాకిస్తాన్ లోనే మొనగాడు
