Auto Ram Prasad: బుల్లితెరపై ప్రసారమవుతున్న జబర్దస్త్ కార్యక్రమం ఎంతోమందికి మంచి జీవితాన్ని ప్రసాదించిందనే విషయం తెలిసిందే. ఈ కామెడీ షో ద్వారా ఎంతో మంది కమెడియన్లుగా పరిచయమై మంచి ఆదరణ సొంతం చేసుకుని భారీ స్థాయిలో ఫ్యాన్ ఫాలోయింగ్ సొంతం చేసుకున్నారు. ఇలా జబర్దస్త్ ద్వారా గుర్తింపు సంపాదించుకున్న వారందరూ కూడా ప్రస్తుతం వెండి తెర సినిమాలలో నటిస్తూ కెరియర్ పరంగా బిజీగా ఉన్నారు. ఈ షోలో కమెడియన్స్ గా సందడి చేసిన అదిరే అభి, ధన్ రాజు, వేణు వంటి తదితరులు ఇప్పటికే దర్శకులుగా పలు సినిమాలకు దర్శకత్వం వహించిన సంగతి తెలిసిందే. అలాగే గెటప్ శ్రీను హైపర్ ఆది వంటి పలువురు వెండితెరపై కమెడియన్లుగా కొనసాగుతూ కెరియర్ పరంగా బిజీగా ఉన్నారు.
బలగం సినిమా ద్వారా దర్శకుడుగా వేణు ఎలాంటి సక్సెస్ అందుకున్నారో ప్రత్యేకంగా చెప్పాల్సిన పనిలేదు. ఇలా వేణు బాటలోనే మరొక కమెడియన్ ఆటో రాంప్రసాద్ (Auto Ram Prasad)కూడా దర్శకుడుగా మారబోతున్నట్లు ఈయన ప్రాణ స్నేహితుడు గెటప్ శ్రీను(Get Up Sreenu) తెలియజేశారు. ఇటీవల ఒక ఇంటర్వ్యూలో పాల్గొన్న గెటప్ శ్రీను ఈ విషయం గురించి మాట్లాడుతూ.. ఇప్పటికే ఆటో రాంప్రసాద్ ఒక కథ కూడా సిద్ధం చేసుకున్నారని అతి త్వరలోనే దర్శకుడిగా వెండితెరకు పరిచయం కాబోతున్నారని తెలియజేశారు. ప్రస్తుతం ఈ సినిమాకు సంబంధించిన పనులలో రాంప్రసాద్ బిజీగా ఉన్నారని గెటప్ శ్రీను తెలిపారు.
ఇక జబర్దస్త్ కార్యక్రమంలో ఆటో రాంప్రసాద్ తో పాటు గెటప్ శ్రీను, సుడిగాలి సుదీర్ ఈ ముగ్గురు కలిసి పెద్ద ఎత్తున స్కిట్లు చేస్తూ వీరి స్కిట్ల ద్వారా బుల్లితెరపై ఎంతో మంది అభిమానులను సొంతం చేసుకున్నారు. ఇలా బుల్లితెరపై సక్సెస్ అయిన వీరందరూ వెండితెరపై కూడా సక్సెస్ సాధించడం కోసం ప్రయత్నాలు చేస్తున్నారు. మరి ఆటో రాంప్రసాద్ దర్శకుడిగా పరిచయమై ఇండస్ట్రీలో మంచి సక్సెస్ అందుకుంటారా లేదా అనేది తెలియాల్సి ఉంది సినిమాకు సంబంధించిన వివరాలు త్వరలోనే వెల్లడి కాబోతున్నాయి.
బుల్లితెరకు దూరంగా ఆటో రాంప్రసాద్..
ఈ విధంగా ఆటో రాంప్రసాద్ దర్శకుడిగా మారబోతున్నారనే విషయాన్ని గెటప్ శ్రీను వెల్లడించడంతో అభిమానులకు కూడా సంతోషం వ్యక్తం చేసినప్పటికీ ఈయన దర్శకుడిగా మారితే తిరిగి బుల్లితెర కార్యక్రమాలలో కనిపించరా? బుల్లితెరకు పూర్తిగా దూరమైనట్టేనా? సందేహాలను వ్యక్తం చేస్తున్నారు. మరి ఈ విషయంపై సరైన స్పష్టత రావాలి అంటే ఆటో రాంప్రసాద్ స్పందించాల్సి ఉంది. ప్రస్తుతం ఈయన జబర్దస్త్ కార్యక్రమంతో పాటు, శ్రీదేవి డ్రామా కంపెనీ కార్యక్రమంలో కూడా సందడి చేస్తున్న విషయం తెలిసిందే.
Also Read: Ranveer Singh: కాంతారా వివాదం…రణవీర్ సింగ్ కు ఊరట… చర్యలు వద్దన్న కోర్టు..
Share
Stomach Issues: జీర్ణ వ్యవస్థ దెబ్బతింటే శరీరం ఇచ్చే హెచ్చరికలు ఇవే.. జాగ్రత్త!
Hero Xoom 160: సూపర్ లుక్, అంతకు మించి మైలేజ్, హీరో జూమ్ 160 అదుర్స్ అంతే!
