Faima Rumors: బుల్లితెర కామెడీ క్వీన్‌గా గుర్తింపు తెచ్చుకున్న ఫైమా (Faima) గురించి ప్రత్యేకంగా పరిచయం అక్కర్లేదు. పటాస్ షోతో కెరీర్ ప్రారంభించి, జబర్దస్త్ ద్వారా స్టార్‌డమ్ అందుకున్న ఈమె, బిగ్ బాస్ షోతో మరింత పాపులర్ అయ్యింది. అయితే, సెలబ్రిటీ అన్నాక రూమర్స్ కామనే. తాజాగా ఒక ఇంటర్వ్యూలో పాల్గొన్న ఫైమా, తనపై వచ్చే వార్తలపై ముఖ్యంగా నరేష్‌తో తనకున్న సంబంధంపై వస్తున్న రూమర్లపై చాలా ఓపెన్‌గా స్పందించారు.
Read also-ఫైమా తన ఫేవరేట్ హీరోతో ఏం చేయాలనుకుందో తెలిస్తే షాక్ అవుతారు.. అస్సలు ఊహించరు..
తనపై ఏదైనా అక్రమ సంబంధం రూమర్ వస్తే అది ఖచ్చితంగా పొట్టి నరేష్‌తోనే వస్తుందని ఫైమా నవ్వుతూ పేర్కొన్నారు. దానికి ఆమె చెప్పిన కారణం విన్న నెటిజన్లు ఆశ్చర్యపోతున్నారు. “నాతో ఎవరికైనా అక్రమ సంబంధం అంటగట్టాలంటే అది నరేష్‌తోనే కుదురుతుంది. ఎందుకంటే మా ఇద్దరి హైట్ సెట్ అవుతుంది కాబట్టి! జబర్దస్త్ స్కిట్లలో మేమిద్దరం జోడీగా కనిపించడం, మా మధ్య ఉన్న కామెడీ కెమిస్ట్రీ చూసి చాలామంది బయట కూడా ఏదో ఉందని ప్రచారం చేస్తుంటారు. కానీ అవన్నీ కేవలం సరదా కోసం చేసే స్కిట్స్ మాత్రమే” అని ఫైమా క్లారిటీ ఇచ్చారు.
ఈ ఇంటర్వ్యూలో ఫైమా తన వ్యక్తిగత జీవితంలోని చీకటి కోణాలను కూడా బయటపెట్టారు. ఒకప్పుడు తిండికి కూడా లేని రోజులు గడిపినట్లు ఆమె గుర్తు చేసుకున్నారు. ఆకలి రోజులు: “స్కూల్‌లో పెట్టే మధ్యాహ్న భోజనం కోసమే నేను స్కూల్‌కి వెళ్ళేదాన్ని. ఇంట్లో కూరలు లేక పక్కింటి వారు ఇచ్చే పచ్చడితో అన్నం తిన్న రోజులు ఎన్నో ఉన్నాయి” అని ఎమోషనల్ అయ్యారు. ఇప్పుడు తాను సంపాదిస్తున్నా కూడా ఇంట్లో ప్రశాంతత లేదని ఆవేదన వ్యక్తం చేశారు. తన తండ్రి బాధ్యత లేకుండా విచ్చలవిడిగా ప్రవర్తిస్తున్నారని, కన్నతండ్రి వల్ల పడుతున్న ఇబ్బందులను చెబుతూ కన్నీళ్లు పెట్టుకున్నారు.
Read also-చచ్చిన శవాన్ని బతికించే వృద్దులు… రివర్స్ ఎక్సార్సిజం కాన్సెప్ట్‌తో వచ్చిన భయంకరమైన హారర్ థ్రిల్లర్
ప్రస్తుతం ఫైమా కేవలం కమెడియన్‌గానే కాకుండా, జబర్దస్త్ మరియు శ్రీదేవి డ్రామా కంపెనీ వంటి షోలలో మెంటర్‌గా కొత్త బాధ్యతలు చేపట్టింది. స్టేజ్ మీద నవ్విస్తూ కనిపించే ఫైమా వెనుక ఇన్ని కష్టాలు ఉన్నాయా అని ఆమె అభిమానులు సోషల్ మీడియాలో మద్దతు తెలుపుతున్నారు. నరేష్‌తో తనపై వచ్చే రూమర్లను లైట్ తీసుకున్న ఫైమా, తన దృష్టి అంతా ఇప్పుడు కెరీర్, కుటుంబాన్ని సెట్ చేయడం పైనే ఉందని స్పష్టం చేశారు.
Share
Kayadu Lohar : అర్ధరాత్రి వరకు అదే పని.. చాలా కష్టపడ్డ హీరోయిన్..
మైత్రీ సంస్థ డిస్ట్రిబ్యూషన్ పద్ధతిపై సీరియస్ అవుతున్న ఎగ్జిబిటర్లు.. ఎందుకంటే?
