Jabardasth Naresh: జబర్దస్త్ నరేష్ పరిచయం అవసరం లేని పేరు. పొట్టి నరేష్ గా బుల్లితెర కార్యక్రమాలలో తనదైన శైలిలోనే కామెడీతో ఎంతో మంచి గుర్తింపు సంపాదించుకన్నారు. ముఖ్యంగా జబర్దస్త్ శ్రీదేవి డ్రామా కంపెనీ కార్యక్రమాలలో నరేష్ చేసే స్కిట్లకు మంచి ఆదరణ లభించేది. ప్రస్తుతం పొట్టి నరేష్ ఒకవైపు సినిమాలలో అవకాశాలు అందుకుంటూనే మరోవైపు బుల్లితెర కార్యక్రమాల ద్వారా ప్రేక్షకులను నవ్విస్తున్నారు. ఇదిలా ఉండగా ఇటీవల ఒక ఇంటర్వ్యూలో పాల్గొన్న నరేష్ తన కెరియర్ గురించి, కెరియర్ లో ఎదురైన చేదు సంఘటనల గురించి ఆసక్తికరమైన విషయాలను అభిమానులతో పంచుకున్నారు.
జబర్దస్త్ కార్యక్రమానికి మొదట్లో మెగా బ్రదర్ నాగబాబు(Nagababu) జడ్జిగా ఉన్న సంగతి తెలిసిందే. ఈయన జడ్జిగా కొనసాగుతూ ఎంతోమంది కమెడియన్లను ప్రోత్సహిస్తూ వచ్చారు.. ఇలా నాగబాబు గారు ప్రోత్సాహం కారణంగానే నేను ఈ స్థాయిలో ఉన్నానని తెలిపారు. నాగబాబు గారు జడ్జిగా ఉన్న సమయంలో తన స్కిట్లకు మంచి ప్రోత్సాహం లభించేది. అదే నాలో ఎంతో నమ్మకాన్ని పెంచిందని తెలిపారు. ఈ నమ్మకంతోనే తాను టీం లీడర్ గా మారటం తన తొందర పాటు నిర్ణయంగా మారిందని నరేష్ తెలిపారు.
ఇలా తను టీం లీడర్ గా మారడంతో దాదాపు రెండు సంవత్సరాల పాటు తన కెరియర్ ను పూర్తిగా కోల్పోయానని నరేష్ ఈ సందర్భంగా తెలియజేశారు. సినిమా రంగంలోకి రావడం కోసం నాకు బుల్లెట్ భాస్కర్, సుధాకర్ మద్దతు లభించిందని వారి మద్దతుతోనే ఇండస్ట్రీలోకి వచ్చానని తెలిపారు. ఇక టాలీవుడ్ స్టార్ హీరోలైన చిరంజీవి ,రవితేజ గురించి ఈ సందర్భంగా మాట్లాడారు రవితేజ(Raviteja) గారిని కలిసిన ఆ క్షణం ఎప్పటికీ మర్చిపోలేను చిరంజీవి(Chiranjeevi) గారు నన్ను గుర్తించి పిలిచి మరీ నాకు తన సినిమాలో అవకాశం కల్పించడం తనకు జీవితాంతం గుర్తుండిపోతుందని నరేష్ తెలిపారు.
టీం లీడర్ గా మారి తప్పు చేశా..
ఈ సందర్భంగా నరేష్ తన కెరీర్ గురించి మాట్లాడుతూ చేసిన ఈ కామెంట్స్ ప్రస్తుతం వైరల్ అవుతున్నాయి. కెరియర్ మొదట్లో జబర్దస్త్ కార్యక్రమంలో కమెడియన్ గా కొనసాగిన నరేష్ అనంతరం టీం లీడర్ గా మారిపోయారు ఇలా టీం లీడర్ అయిన తర్వాత ఇబ్బందులు పడ్డానని తెలిపారు. ప్రస్తుతం జబర్దస్త్ కార్యక్రమంతో పాటు శ్రీదేవి డ్రామా కంపెనీ కార్యక్రమంలో కూడా నరేష్ పాల్గుంటూ సందడి చేస్తున్నారు. ఇక ఈ కార్యక్రమాలలో మాత్రమే కాకుండా ఇతర బుల్లితెర షోలలో పాల్గొంటూ తన కామెడీతో ప్రేక్షకులను మెప్పిస్తూ తనకంటూ సపరేట్ ఫాన్ ఫాలోయింగ్ సొంతం చేసుకున్నారు.
Also Read: Deva katta: పవన్ కళ్యాణ్ తో పొలిటికల్ సినిమా..స్పందించిన దేవా కట్టా.. స్క్రిప్ట్ పనులు మొదలు?
Share
Jeevan Reddy: జగిత్యాలలో హైటెన్షన్.. వెనక్కి తగ్గని జీవన్ రెడ్డి
Rajagopal Reddy: పదవి కోసం పాకులాడను.. కానీ నాకు మంత్రి ఇస్తే రేవంత్ సర్కార్కే మంచిపేరు: రాజగోపాల్ రెడ్డి
