BMW Film: ఓటీటీలోకి వచ్చిందో లేదో అప్పుడే టెలివిజన్ ప్రీమియర్ కు సిద్ధమైన రవితేజ సినిమా.. ఎప్పుడంటే?

BMW Film: మాస్ మహారాజా రవితేజ హీరోగా నటించిన తాజా చిత్రం భర్త మహాశయులకు విజ్ఞప్తి (Bharta Mahasayaluklu Vigyapthi). కిషోర్ తిరుమల దర్శకత్వంలో తెరకెక్కిన ఈ సినిమా సంక్రాంతి పండుగను పురస్కరించుకొని జనవరి 13వ తేదీ థియేటర్లలో విడుదల అయింది. ఎన్నో అంచనాల నడుమ ప్రేక్షకుల ముందుకు వచ్చిన ఈ సినిమా అనుకున్న స్థాయిలో కాకపోయినా పరవాలేదు అనిపించుకుంది. భార్య, మాజీ ప్రియురాలు మధ్య నలిగిపోయే భర్తగా రవితేజ (Raviteja) ఈ సినిమాలో కనిపించారు. ఇందులో రవితేజకు జోడిగా ఆశికా రంగనాథ్ డింపుల్ హైయతి నటించిన సంగతి తెలిసిందే.

ఆలస్యంగా ఓటీటీలోకి రవితేజ సినిమా..

ఇలా థియేటర్లలో అనుకున్న స్థాయిలో ఈ సినిమా ప్రేక్షకులను ఆకట్టుకోలేకపోవడంతో మరోసారి రవితేజ అభిమానులు నిరాశ వ్యక్తం చేశారు. ఇక ఈ సినిమా థియేటర్లలో విడుదలైన దాదాపు రెండు నెలలకు డిజిటల్ మీడియాలో ప్రసారానికి అందుబాటులోకి వచ్చింది. కొన్ని సాంకేతిక సమస్యల కారణంగా ఈ సినిమా ఓటీటీ విడుదల ఆలస్యమైంది. మార్చి 13వ తేదీ ఈ సినిమా జీ 5 ఓటీటీలోకి అందుబాటులోకి వచ్చింది. ఇలా డిజిటల్ మీడియాలోకి వచ్చి రెండు రోజులు కూడా కాకుండానే అప్పుడే ఈ సినిమా టీవీ ప్రీమియర్ కు కూడా సిద్ధం కాబోతున్న నేపథ్యంలో అభిమానులు షాక్ అవుతున్నారు.

జీ తెలుగులో భర్త మహాశయులకు విజ్ఞప్తి..

తాజాగా జీ తెలుగు ఈ సినిమా టెలివిజన్ ప్రీమియర్ కి సంబంధించిన అప్డేట్ విడుదల చేశారు. ఒక ప్రోమోని విడుదల చేస్తూ ఈ సినిమా జీ తెలుగులో మార్చి 22వ తేదీ సాయంత్రం 6 గంటలకు ప్రసారం కాబోతున్నట్లు తెలియజేశారు. ఇలా ఓటీటీలోకి వచ్చి పది రోజులు కూడా గడవకుండానే ఈ సినిమా టెలివిజన్ ప్రీమియర్ కాబోతుండడం విశేషం. థియేటర్లలో ప్రేక్షకులను అనుకున్న స్థాయిలో ఆకట్టుకోలేకపోయిన ఈ సినిమా ఓటీటీ, టెలివిజన్ లో ప్రసారమవుతూ ఎలాంటి ఆదరణ సొంతం చేసుకుంటుందో తెలియాల్సి ఉంది.

ఇరుముడి పనులలో బిజీగా రవితేజ..

ఇక ఈ సినిమా తర్వాత రవితేజ తన తదుపరి సినిమా పనులలో ఎంతో బిజీగా ఉన్నారు. ప్రస్తుతం ఈయన శివ నిర్వాణ దర్శకత్వంలో నటిస్తున్న సంగతి తెలిసిందే. ఇరుముడి(Irumudi) అనే పేరుతో ఈ సినిమా ప్రేక్షకుల ముందుకు రాబోతుంది. ప్రస్తుతం షూటింగ్ పనులలో చిత్ర బృందం ఎంతో బిజీగా ఉన్నారు. ఇప్పటికే ఈ సినిమా నుంచి రవితేజకు సంబంధించిన ఫస్ట్ లుక్ విడుదల చేయగా ఈ పోస్టర్ సినిమా పట్ల మంచి అంచనాలని పెంచేస్తుంది. ఈ సినిమా తండ్రి కూతురి మధ్య అనుబంధం నేపథ్యంలో కొనసాగుతుందని తెలుస్తోంది. ఇక ఈ సినిమాలో రవితేజకు జోడిగా ప్రియా భవాని శంకర్ కావేరి అనే పాత్రలో కనిపించబోతున్నారు. ఇప్పటికే హీరోయిన్ పస్ట్ లు పోస్టర్ కూడా విడుదల చేసిన సంగతి తెలిసిందే. ఇక రవితేజ అభిమానులు అందరూ కూడా ఈ సినిమా పైనే ఎన్నో ఆశలు పెట్టుకున్నారు. మరి ఈ సినిమా రవితేజకు ఎలాంటి సక్సెస్ ఇస్తుందో తెలియాల్సి ఉంది.

Also Read: Rashmika Mandanna: మరిది పుట్టినరోజు..మిస్ అవుతున్నాం అంటూ రష్మిక స్పెషల్ విషెస్!