Jabardasth: బుల్లితెరపై ఏకైక కామెడీ షోగా భారీ పాపులారిటీ సొంతం చేసుకున్న జబర్దస్త్ కార్యక్రమం గురించి పరిచయాలు ప్రత్యేకంగా అవసరం లేదు. ఈ షోలో తమ టాలెంటును ఉపయోగించుకున్న ఎంతోమంది కమెడియన్లు నేడు సినిమాలలో సత్తా చాటుతూ దూసుకుపోతున్నారు. కొంతమంది హీరోలుగా.. మరికొంతమంది నిర్మాతలుగా.. ఇంకొంతమంది దర్శకులుగా ..కొంతమంది క్యారెక్టర్ ఆర్టిస్టు పాత్రలతో ఇలా ఒక్కొక్కరు ఒక్కో విధంగా తమ టాలెంటును నిరూపించుకుంటూ సినిమా రంగంలో స్థిరపడిపోతున్నారు.
ఇదిలా ఉండగా జబర్దస్త్ కార్యక్రమంలో కొన్ని ప్రేమ జంటలు పుట్టుకొస్తే.. టిఆర్పి రేటింగ్ కోసం జబర్దస్త్ నిర్వాహకులు సృష్టించిన ప్రేమ జంటలు కొన్ని.. మరి కొంతమంది మధ్య ఎలాంటి రిలేషన్ లేకపోయినా ఏదో రిలేషన్ ఉందని ఎఫైర్స్ సృష్టిస్తూ ఉంటారు నెటిజన్స్. ఈ క్రమంలోనే జబర్దస్త్ కార్యక్రమంలో చమ్మక్ చంద్ర టీంలో అద్భుతమైన ప్రదర్శన కనబరిచి అందరి దృష్టిని ఆకట్టుకున్న సత్య శ్రీకి కూడా చంద్రతో ఏదో రిలేషన్ ఉందనే రూమర్స్ వినిపించాయి. దాంతో ఆమె ఒక్క మాటతో క్లారిటీ ఇచ్చింది.
అసలు విషయంలోకి వెళ్తే.. నాగబాబు జబర్దస్త్ షో నుంచి బయటకు వచ్చాక ఆయనను నమ్ముకున్న ఎంతోమంది షో నుంచీ బయటకు వచ్చేసారు. వారిలో చమ్మక్ చంద్ర కూడా ఒకరు. చమ్మక్ చంద్ర బయటకు రావడంతో ఆయన స్కిట్లో చేసిన సత్య శ్రీ కూడా ఆయనతో పాటే బయటకు వచ్చింది. తర్వాత ఇద్దరు మరో కామెడీ షో లో సందడి చేశారు. ఈ నేపథ్యంలోనే వీరి మధ్య ఏదో ఉందని వార్తలు రాగా.. దీనిపై సత్య శ్రీ మాట్లాడుతూ.. “చమ్మక్ చంద్ర నాకు గురువు లాంటి వారు. అంతకుమించితే మా ఇద్దరి మధ్య ఎలాంటి సంబంధం లేదు. మొదట్లో నాకు నటన అంటే కొంచెం భయం ఉండేది. జబర్దస్త్ లోకి వచ్చి చంద్ర టీంలో చేరిన తర్వాత ఆయన శిక్షణలో నేను ఎంతో నేర్చుకున్నాను. నటనపై ఎన్నో మెలుకువలు నేర్చుకన్నాను.
also read:39 ఏళ్ల నాటి జ్ఞాపకాలు.. పవన్ భార్య ఊహించని పోస్ట్!
మాపై అనేక రూమర్లు వచ్చినప్పటికీ ఏ రోజు మేము వాటిని పట్టించుకోలేదు. మా ఇంట్లో వాళ్ళు కూడా నన్ను ఈ విషయంలో చాలా సపోర్ట్ చేశారు. పరిహార్సల్స్, స్కిట్ సమయంలో తప్ప ఇక ఏ సమయంలో కూడా నేను చంద్రను కలవను. ఇక నేను జబర్దస్త్ నుంచి వెళ్లిపోవడానికి ప్రధాన కారణం మొదటి నుంచి చంద్ర టీం లోనే స్కిట్లు చేస్తూ వచ్చాను. ఆ తర్వాత ఆయన వెళ్లిపోవడంతో నేను కూడా ఆ షో నుంచి బయటకు వచ్చేసాను. మళ్ళీ కొన్ని కారణాల వల్ల షోలోకి వచ్చిన సంగతి మీ అందరికీ తెలిసిందే” అంటూ ఒక్క మాటతో రూమర్స్ కి చెక్ పెట్టింది సత్య శ్రీ. ప్రస్తుతం రూమర్స్ క్లారిటీ ఇచ్చింది మరి ఇప్పటికైనా ఈ రూమర్స్ కి చెక్ పడుతుందేమో చూడాలి.
Share
మాజీ సీఎం కేసీఆర్‌కు మంత్రి సీత‌క్క లీగల్ నోటీసు.. 48 గంటల్లో క్షమాపణ చెప్పాలని డిమాండ్
మీ స్మార్ట్‌ఫోన్ తరచూ స్లో అవుతుందా?.. స్పీడ్ పెంచే 5 చిట్కాలు
