Vishnupriya:ప్రముఖ యాంకర్, బిగ్ బాస్ ఫేమ్ విష్ణుప్రియ భీమినేని ప్రస్తుతం హాట్ టాపిక్గా మారారు. సోషల్ మీడియాలో ఆమె షేర్ చేసే గ్లామర్ ఫోటోలు, వీడియోలపై పెద్ద ఎత్తున విమర్శలు రావడమే కాకుండా, ఏకంగా విజయవాడలో పోలీసులకు ఫిర్యాదు చేసే వరకు వెళ్ళింది. యువతను తప్పుదోవ పట్టిస్తున్నారనే ఆరోపణలపై విష్ణుప్రియ తాజాగా ఓ ఇంటర్వ్యూలో స్పందించారు. తనపై వస్తున్న విమర్శలకు గట్టిగానే సమాధానం ఇస్తూ, తన స్టైల్ మార్చుకునే ప్రసక్తే లేదని తేల్చి చెప్పారు.
విష్ణుప్రియకు ఇన్స్టాగ్రామ్లో 1.4 మిలియన్లకు పైగా ఫాలోయర్స్ ఉన్నారు. టీవీ షోలు, బిగ్ బాస్ ద్వారా మంచి గుర్తింపు తెచ్చుకున్న ఆమె, తరచూ చేసే బోల్డ్ ఫోటోషూట్లు కుర్రకారును కట్టిపడేస్తుంటాయి. అయితే, సబ్స్క్రిప్షన్ ప్లాన్ల పేరుతో ఆమె పెడుతున్న కంటెంట్ హద్దులు దాటుతోందని, ఇది యువతపై తప్పుడు ప్రభావం చూపుతోందని కొందరు పబ్లిక్గా విమర్శిస్తున్నారు. ఈ వివాదం కాస్తా ముదిరి విజయవాడలో పోలీస్ స్టేషన్ వరకు వెళ్లడం ఇప్పుడు ఇండస్ట్రీలో సంచలనం రేపుతోంది.
ఈ విమర్శలపై విష్ణుప్రియ ఒక ఇంటర్వ్యూలో మనసు విప్పి మాట్లాడారు. “నేను అందంగా పుట్టడం నా తప్పు కాదు కదా? దేవుడు నన్ను హాట్గా పుట్టించాడు, దానికి నేను ఏం చేయగలను?” అంటూ ప్రశ్నించారు. అందం అనేది చూసే కళ్ళలో ఉంటుందని, తను దేవుడు ఇచ్చిన బాడీని గ్లామరస్గా ప్రెజెంట్ చేయడంలో తప్పేమీ లేదని ఆమె సమర్థించుకున్నారు. తనను ఇన్స్టాలో ఫాలో అయ్యే వాళ్లు ఉండటం తన అదృష్టమని, వారి వల్లే తాను డబ్బు సంపాదించుకోగలుగుతున్నానని ఆమె కుండబద్దలు కొట్టారు.
also read:ఆ నవ్వు వెనుక తీరని విషాదం.. సింగర్ చిత్ర ఎమోషనల్ పోస్ట్!
తనను కావాలనే కొందరు టార్గెట్ చేస్తున్నారని, నెగటివ్ కామెంట్స్ చేసే వారి గురించి తాను అస్సలు ఆలోచించనని విష్ణుప్రియ స్పష్టం చేశారు. “బ్యాడ్గా మాట్లాడే వాళ్ళని సింపుల్గా బ్లాక్ చేసేస్తాను” అని ఆమె చెప్పుకొచ్చారు. సమాజంలో రకరకాల మనుషులు ఉంటారని, ప్రతి ఒక్కరికీ సమాధానం చెప్పుకుంటూ పోలేమని అన్నారు. గ్లామర్ ఫీల్డ్లో ఉన్నప్పుడు ఇలాంటి విమర్శలు సహజమని, తన పని తాను చేసుకుంటూ పోతానని ఆమె ధీమా వ్యక్తం చేశారు.
గ్లామర్ ప్రపంచంలో విమర్శలు, వివాదాలు కొత్తేమీ కాకపోయినా.. విష్ణుప్రియ విషయంలో ఇది పోలీస్ కేసు వరకు వెళ్లడం చర్చనీయాంశంగా మారింది. ఒకవైపు భావ ప్రకటనా స్వేచ్ఛ, మరోవైపు సామాజిక బాధ్యత అంటూ నెటిజన్లు రెండు వర్గాలుగా విడిపోయి వాదించుకుంటున్నారు. మరి ఈ వివాదం ఇక్కడితో సర్దుమణిగుతుందా లేక ముదురుతుందా అనేది చూడాలి. ఏదేమైనా, విష్ణుప్రియ మాత్రం తనపై వస్తున్న నెగటివిటీని ఏమాత్రం కేర్ చేయకుండా ముందుకు సాగిపోతున్నారు.
Share
ఆ నవ్వు వెనుక తీరని విషాదం.. సింగర్ చిత్ర ఎమోషనల్ పోస్ట్!
TCS Nashik Case: మహిళా ఉద్యోగులపై వేధింపులు.. మత మార్పిడికై ఒత్తిడి.. వెలుగులోకి నమ్మలేని నిజాలు!
