Visakhapatnam News: విశాఖ ఆర్‌కే బీచ్ సమీపంలో అగ్నిప్రమాదం.. రెసిడెన్సీ కాంప్లెక్స్‌లో మంటలు

Visakhapatnam News: విశాఖ సిటీలోని ఆర్కే బీచ్ సమీపంలో భారీ అగ్నిప్రమాదం చోటు చేసుకుంది. బీచ్‌కు ఆపోజిట్ ప్రాంతంలో ఉన్న రాధ బీచ్ రెసిడెన్సీలోని ఈ ఘటన చోటు చేసుకుంది. ఆ కాంప్లెక్సులోని 6వ అంతస్తులోని ఓ ఫ్లాట్‌లో ప్రమాదం జరిగింది. మంటలు భారీగా ఎగిసిపడుతున్నాయి. సమాచారం అందుకున్న వెంటనే అగ్నిమాపక సిబ్బంది అక్కడికి చేరుకున్నారు. మంటలను అదుపులోకి తెచ్చే ప్రయత్నం చేస్తున్నారు.

బుధవారం ఉదయం విశాఖ సిటీలోని ఆర్‌కే బీచ్ పరిసర ప్రాంతాల్లో భారీ అగ్నిప్రమాదం చోటు చేసుకుంది. రాధ బీచ్ రెసిడెన్సీలోని కాంప్లెక్స్ లోని 6వ అంతస్తులోని ఈ ఘటన జరిగింది. ఆ ప్రాంతమంతా దట్టమైన పొగ అలముకున్నాయి. ఈ ఘటనపై సమాచారం అందుకున్న వెంటనే పోలీసులు, ఫైర్ సిబ్బంది చేరుకున్నారు.

మంటలను అదుపులోకి తెచ్చే ప్రయత్నం చేస్తున్నారు. ఉన్నట్లుండి అగ్నిప్రమాదం ఎలా జరిగింది? అనేదానిపై పోలీసులు ఆరా తీస్తున్నారు. ఆ ఫ్లాట్‌లో ఉన్నవారి నుంచి ఆరా తీస్తున్నారు పోలీసులు. ఆ ఫ్లోర్‌లో ఏమైనా ఇబ్బందులు తలెత్తాయా? షార్ట్క్ సర్క్యూట్ కారణమా? లేకుంటే గ్యాస్ సిలెండర్ వల్ల ఘటన జరిగిందా? అనే కోణంలో దర్యాప్తు చేస్తున్నారు. దీనికి సంబంధించి మరిన్ని వివరాలు తెలియాల్సివుంది.

విశాఖ-ఆర్కే బీచ్ సమీపంలో అగ్నిప్రమాదం

రాధ బీచ్ రెసిడెన్సీలోని 6వ అంతస్తులోని ఓ ఫ్లాట్‌లో ప్రమాదం

భారీగా ఎగసిపడుతున్న మంటలు

ఘటనాస్థలికి చేరుకుని మంటలను ఆర్పుతున్న ఫైర్ సిబ్బంది pic.twitter.com/gB3UsDEohB

— BIG TV Breaking News (@bigtvtelugu) December 10, 2025