Koneti Sulochana: చూడగానే పక్కింటి పిన్నిగారి మాదిరిగా కనిపిస్తుంది కదా? వాకింట్లో ముగ్గులు వేసి.. వంటింట్లో గారెలు వేసే మాములు హౌస్ వైఫ్‌ కాదు. పెద్ద గ్యాంగ్‌నే మెయింటైన్ చేసే లేడీ డాన్. భర్త దగ్గర రిమోట్ లాక్కునే సాధారణమైన ఇల్లాలు కాదు. జనాల దగ్గర భూములను లాక్కునే టైప్.. బీరువాలో ఉన్న చీరెలను చూసి మురిసిపోయే రకం కాదు.. ఆమెపై ఉన్న కేసులను చూపించి బెదరించే లేడీ విలన్.
అన్నమయ్య జిల్లా మదనపల్లిలో కోనేటి సులోచన పేరు వింటే చాలు.. చాలామంది గుండెల్లో రైళ్లు పరుగెత్తుతాయి. నేనే డాన్ అన్నట్టు దర్జాగా తిరుగుతుంది. అయితే ఈసారి సులోచనలకు బ్యాడ్‌ టైమ్ నడుస్తుంది. అదును చూసి పోలీసులు అరెస్ట్ చేశారు. ఇన్నాళ్లూ నన్నెవరు పట్టుకుంటారు? అనుకున్న ఫ్రాడ్ మేడమ్ ఇప్పుడు స్టేషన్‌లో కూర్చుంది.
ఈ సులోచన ఆట ఏంటో తెలుసా? ఖాళీ స్థలం కనిపిస్తే చాలు.. సులోచన పేరుపై రిజిస్ట్రేషన్‌ కావాల్సిందే ఈమె కబ్జా కోరలు మదనపల్లెతో ఆగలేదు.. చుట్టుపక్కల ప్రాంతాల్లోనూ విస్తరించాయి. అమాయకుల్ని మాటలతో బుట్టలో వేసి, నమ్మించి, నట్టేట ముంచేయడం ఈమె టాలెంట్. ఎవరైనా ఎదురు తిరిగితే? దబాయించడం వినకుంటే బెదిరించడం ఈమె స్టైల్.
మదనపల్లె వన్‌టౌన్, టూటౌన్, తాలూకా ఈ మూడు స్టేషన్ల ఫైళ్లలోనూ సులోచన పేరే కనిపిస్తోంది. అన్ని ఫైళ్లను లెక్కేస్తే సులోచనపై 14కేసులు ఉన్నాయి. చీటింగ్, భూ కబ్జా.. చివరికి హత్యాయత్నం కేసులు కూడా ఉన్నాయి. కేసులు ఉన్నంత మాత్రాన ఎవరూ దోషిగా తేలిపోయినట్టు కాదు. ప్రతి కేసులోనూ ఆధారాలు, విచారణ, న్యాయస్థానం నిర్ణయమే కీలకం. అయినప్పటికీ 14 కేసుల ప్రస్తావనతో సులోచన పేరు మదనపల్లిలో మార్మోగిపోతోంది.
Also read: ఉక్రెయిన్ యుద్ధభూమిలో ఎలాన్ మస్క్ బిగ్ ట్విస్ట్..?
Share
ఉక్రెయిన్ యుద్ధభూమిలో ఎలాన్ మస్క్ బిగ్ ట్విస్ట్..?
బ్రేకప్ గురించి బయటపెట్టిన మిథిలేష్.. ఆ అమ్మాయికి నో చెప్పేశాడా?
