Kakinada District: ఏపీలో మహిళలకు ఉచిత బస్సు వ్యవహారం కొత్త మలుపు తిరుగుతోంది. ఎక్కడో దగ్గర మహిళలు కొట్టుకున్న ఘటనలు కనిపిస్తూనే ఉన్నాయి. బస్సు సీటు కోసం ఇద్దరు మహిళల మధ్య మొదలైన వాగ్వాదం తీవ్ర రూపం దాల్చింది. ఓ కుటుంబంలోని నలుగురు తీవ్రంగా గాయపడ్డారు. సంచలనం రేపిన ఈ ఘటన కాకినాడ జిల్లాలో బయటపడింది.
బాధితులు-ప్రత్యక్ష సాక్షుల మేరకు.. రాజమండ్రికి చెందిన గారా అప్పారావు తన కుటుంబంతో కలిసి శనివారం తుని కాంప్లెక్స్‌లో ఆర్టీసీ బస్సు ఎక్కారు. ఆ బస్సులో కాకినాడ జిల్లా ఏలేశ్వరం మండలం సిరిపురం ప్రాంతానికి చెందిన నలుగురు మహిళలు ఉన్నారు. కూర్చునే సీట్ల విషయంలో అప్పారావు కుటుంబసభ్యులకు- సిరిపురం మహిళలకు మధ్య చిన్నపాటి వాగ్వాదం చోటు చేసుకుంది. కొద్దిసేపటికి అది కాస్త తారాస్థాయికి చేరింది.
ప్రయాణికులు అంతా చూస్తుండగా వివాదం తీవ్రరూపం దాల్చింది. ఆగ్రహాన్ని తట్టుకోలేని సిరిపురానికి చెందిన మహిళలు.. తమ బంధువులకు ఫోన్ చేసి జరిగినదంతా చెప్పారు. బస్సులో ప్రయాణిస్తున్న కొందరు.. తమతో అసభ్యంగా ప్రవర్తించారంటూ వారిని రెచ్చగొట్టారు. ఆగ్రహానికి లోనైన సదరు మహిళల బంధువులు, బస్సులు ఏలేశ్వరం మండలం చిన్నంపేట గ్రామానికి రాగానే బస్సు ఎక్కి అప్పారావు కుటుంబంపై దాడి చేశారు. అప్పారావు, ఆయన భార్యతోపాటు ఇతర కుటుంబ సభ్యులపై కర్రలతో విచక్షణారహితంగా దాడి చేశారు.
ALSO READ: ఏపీ స్థానిక సంస్థల ఎన్నికలు.. 8 ఛైర్‌పర్సన్లు కూటమి ఏకగ్రీవం! కూలిన దశాబ్దాల నాటి కంచుకోటలు
కళ్ల ముందు జరుగుతున్న ఈ దారుణమైన ఘటనను చూసి ప్రయాణికులు కేకలు వేయడం మొదలుపెట్టారు. ఈ ఘటనలో అప్పారావు దంపతులు, మరో నలుగురు తీవ్రంగా గాయపడ్డారు. ఘర్షణను చూసి తీవ్రంగా భయపడిపోయిన అప్పారావు మేనకోడళ్లు ఇద్దరికీ ఫిట్స్ రావడంతో బస్సులో కుప్పకూలిపోయారు. దాడి తర్వాత దుండగులు అక్కడి నుంచి పరారయ్యారు. బస్సులోని ప్రయాణికులు- స్థానికులు వారిని సమీపంలోని ఆసుపత్రికి తరలించి వైద్యం అందించారు. ఈ ఘటన నేపథ్యంలో బాధితుల ఫిర్యాదు మేరకు పోలీసులు కేసు నమోదు చేసుశారు.
Share
రాత్రి చక్కగా నిద్రపోయినా ఉదయం లేవగానే నీరసంగా ఉంటుందా? అయితే మీ బాడీలో ఈ 5 లోపాలున్నట్టే!
This week OTT Movies : ఓటీటీ లవర్స్ కు పూనకాలు తెప్పించే న్యూస్.. ఏకంగా 25 స్ట్రీమింగ్..!
