Srikakulam Tragedy: శ్రీకాకుళం జిల్లాలో తీవ్ర విషాదకర సంఘటన చోటుచేసుకుంది. సరదాగా గడిపేందుకు సముద్ర తీరానికి వచ్చిన విద్యార్థుల బృందంలో నలుగురు రాకాసి అలల తాకిడికి కొట్టుకుపోయి గల్లంతయ్యారు. ఈ ఘటన స్థానికంగా తీవ్ర కలకలం రేపింది.
తీరంలో సరదా.. క్షణాల్లో విషాదం
పెద్దగనగళ్ళవాని పేట సముద్ర తీరానికి విహారయాత్రగా వచ్చిన విద్యార్థులు నీటిలో సరదాగా ఈత కొడుతుండగా.. ఒక్కసారిగా వచ్చిన పెద్ద అలలు వారిని లోపలికి లాక్కెళ్లాయి. ప్రమాదాన్ని గమనించిన తోటివారు కాపాడేందుకు ప్రయత్నించినప్పటికీ ఫలితం లేకుండా పోయింది.
రెండు మృతదేహాలు లభ్యం..
సమాచారం అందుకున్న వెంటనే పోలీసులు, గజ ఈతగాళ్లు హుటాహుటిన ఘటనా స్థలానికి చేరుకుని గాలింపు చర్యలు చేపట్టారు. ఈ ప్రమాదంలో మహి (19), పావని (19) అనే ఇద్దరు విద్యార్థుల మృతదేహాలు తీరానికి కొట్టుకురాగా, వాటిని పోలీసులు స్వాధీనం చేసుకున్నారు. మిగిలిన ఇద్దరు విద్యార్థుల జాడ ఇంకా తెలియరాలేదు. ప్రస్తుతం నీటిలో కొట్టుకుపోయిన వారి కోసం గజ ఈతగాళ్ల సహాయంతో విస్తృతంగా శోధిస్తున్నారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
Also Read: చంద్రబాబూ.. ఇవి విజయాలు అనుకుంటే పొరపాటే!- సజ్జల రామకృష్ణారెడ్డి
Share
చంద్రబాబూ.. ఇవి విజయాలు అనుకుంటే పొరపాటే!- సజ్జల రామకృష్ణారెడ్డి
చిన్న కూతురి పేరు రివీల్ చేసిన దీపిక పదుకొనె... ఫోటో వైరల్!
