YCP on Borugadda Anil: బోరుగడ్డకు షాకిచ్చిన వైసీపీ

బోరుగడ్డ అనిల్ కుమార్‌కు.. వైసీపీ షాక్ ఇచ్చింది.  అనిల్ కుమార్‌ గత కొన్ని నెలలుగా వైసీపీ నేతగా ప్రచారం చేస్తూ సోషల్ మీడియాలో పోస్టులు వెలువడ్డాయి. ముఖ్యంగా ఆయన పలుమార్లు జైలుకు వెళ్లిన సందర్భాల్లో కూడా “జగన్ తనకు అండగా ఉన్నారు” అని అనిల్ ప్రకటించారు. దీంతో  స్థానికంగా ఆయన వైసీపీ నాయకుడే అనే అభిప్రాయం బలపడింది. దీనితో పార్టీపై విమర్శలు కూడా వచ్చాయి.

అయితే తాజాగా వైసీపీ అధికారికంగా స్పందిస్తూ, అనిల్ కుమార్‌కు పార్టీతో ఎలాంటి సంబంధం లేదని.. ఆయన చేస్తున్న అరాచకాలకు పార్టీకి ఎటువంటి బాధ్యత లేదని స్పష్టం చేసింది. అనిల్‌ను వైసీపీ నాయకుడిగా ప్రచారం చేయడం పూర్తిగా అవాస్తవమని కొంతమంది వ్యక్తులు కావాలనే పార్టీ పేరును దుర్వినియోగం చేస్తున్నారని విమర్శించింది.

ఈ ప్రకటనతో స్థానిక రాజకీయాల్లో కొత్త చర్చలు మొదలయ్యాయి. పార్టీ ఇంత స్పష్టమైన ఖండన చేయడంతో అనిల్ కుమార్ ఎలా స్పందిస్తారన్నది పెద్ద ప్రశ్నగా మారింది. గతంలో తరచూ వైసీపీకి సమీపంగా ఉన్నట్టు చెప్పుకున్న ఆయన ఇప్పుడు ఏ విధమైన ప్రకటన చేస్తారన్నదానిపై ఆసక్తి నెలకొంది.

Join WhatsApp Channel

Share

• 
• 
• 
• 
• 
•