zodiac sign: పన్నెండు రాశుల్లో పుట్టిన వారు ఎలాంటి ఆరోగ్య జాగ్రత్తలు తీసుకోవాలో తెలుసా..? జ్యోతిష్య శాస్త్రం ప్రకారం ఏ రాశిలో పుట్టిన వారికి ఎలాంటి అనారోగ్య సమస్యలు వస్తాయో చెప్పవచ్చట. అలా తెలుసుకుని ముందు జాగ్రత్త పడటం ద్వారా తమ ఆరోగ్యాన్ని కాపాడుకోవచ్చని జ్యోతిష్యులు చెప్తున్నారు. ఆ వివరాలేంటో ఇప్పుడు ఈ కథనంలో తెలుసుకుందాం.
ఈ రాశిలో పుట్టిన జాతకులుకు సాధారణంగా తల, కడుపు, పైత్యం, నత్తి, మూత్రపిండాలకు సంబంధించిన వ్యాధులు వచ్చే అవకాశం ఉంటుంది. వీరికి అగ్ని ద్వారా ఇబ్బందులు, కురుపులు, చర్మమునకు సంబంధించిన విచిత్రమైన అనారోగ్యాలు, జ్వరాలు కలిగే అవకాశాలు ఉంటాయి.
జాగ్రత్తలు: ధ్యానం చేస్తూ ఉండాలి, పసుపు + తేనే పరిగడుపున తీసుకోవాలి, ఆహరంలో కందిపప్పు ఎక్కువగా వుండాలి.
ఈ రాశి జాతకులకు గొంతు, హృదయం, స్వరపేటిక, మల సంబంధ వ్యాధులు, అపస్మారక సంబంధ వ్యాధ్యులు, కఫము, టాన్సిల్స్, ఢిప్తీరియా, పయోరియా (పళ్ళకి సంబంధించిప వ్యాధి), మూత్ర వాధ్యులు, రక్త క్షీణత, ఉబ్బు వ్యాధి లాంటివి వచ్చే అవకాశాలుంటాయి.
జాగ్రత్తలు: ధ్యానం (మెడిటేషన్), వ్యాయామాలు చేయడం మంచిది.
ఈ రాశి వారికి విశ్రాంతి లేకపోవుట, ఊపిరితిత్తులు, మనోవ్యాధి, ఆక్సీ జన్ లోపాలు, నరాల వ్యాధి, న్యుమోనియా, క్షయ, ఫ్లూ, అండవ్యాధులు, మానసిక రోగాలు, చెముడు, తలనొప్పి, ఉన్మాదం మొదలైనవి వచ్చే అవకాశాలు ఉంటాయి.
జాగ్రత్తలు: పౌష్ఠికాహారం తీసుకోవడం, గాలి వెలుతురు వున్న గృహ నివాసం, క్రీడలు, వ్యాయామం తప్పనిసరిగా చేయాలి. అంతేకాకుండా శరీరారోగ్యానికి ప్రాధాన్యం ఇచ్చే మొలకలు వచ్చిన పెసలు తినడం చాలా చాల మంచిది.
ఈ రాశిలో పుట్టిన వారికి రొమ్ము, జీర్ణకోశం, హృదయ నాళాలు, నీరు పట్టడం, నంజు కేన్సర్, హిస్టీరియా, కఫం, కీళ్ళనొప్పులు, శోష, గొంతులో బాధ, మానసిక, శారీరక బలహీనతలు, కంటికి సంబంధించిన అనారోగ్యాలు, అజీర్ణం వచ్చే అవకాశం ఉంటుంది.
జాగ్రత్తలు: ఎక్కువగా ఆలోచించడం మానుకోవాలి. యోగాసనాలు వేయాలి. తమను గురించి ఇతరులు ఏమనుకుంటున్నారో అనే అనుమానాలు విడనాడితే మంచిది.
ఈ రాశిలో పుట్టిన వారికి వీపు, వెన్నెముక, హృదయం, హృదయ దౌర్బల్యం, గుండెదడ, నడుమునెప్పి, కడుపునెప్పి, పండ్లనెప్పి, ముఖ వ్యాధి, మొదలైనవి కలిగే అవకాశం ఉంది.
జాగ్రత్తలు: తమ మనసులోని భావాలు బహిరంగ పరచడం, సూర్య నమస్కారాలు, ప్రాణాయామం చేస్తుండాలి. తమ పనులు తామే నిర్వహించుకోవాలి.
ఈ రాశి జాతకులు పొట్ట, నాభి ప్రదేశం, వెన్నెముక క్రిందిభాగం, అజీర్ణం, విరోచనాలు, అతిసారం, జీర్ణకోశ వ్యాధులు కలిగే అవకాశం ఉంటుంది.
జాగ్రత్తలు: సమాయానికి మితాహారం తీసుకోవాలి. వ్యాయమం చేయాలి. మొలకలు వచ్చిన పెసలు తీసుకోవాలి. ఆహారంలో కొవ్వు పదార్థాలు తగ్గించుకోవాలి. ఆత్మ విశ్వాసాన్ని పెంచుకోవాలి.
ఈ రాశిలో పుట్టిన వ్యక్తులకు ఆందోళన, మూత్రపిండములకు సంబంధించిన వ్యాధులు, మధుమేహం, మూత్ర సమస్యలు, శోష, కీళ్ళవాతం, పైత్యం, శిరోవ్యాధులు, మలబద్ధకం, రక్తహీనత కలిగే అవకాశాలు ఉంటాయట.
జాగ్రత్తలు: బొబ్బర్లు ఆహారంలో ఎక్కువగా తీసుకోవాలి. యోగా, వ్యాయామం రెగ్యులర్గా చేయాలి. అందరూ మీరు చెప్పినట్లే వినాలి అనే ధోరణి వదిలేయాలి.
ఈ రాశిలో పుట్టిన వారికి తొడలు, అంటువ్యాధులు, చర్మవ్యాధులు, దురద, సుఖవ్యాధులు, భగందరము, హృదయమునకు సంబంధించి వ్యాధులు, కఫము మొదలైనవి కలిగే అవకాశం ఉంటుందట.
జాగ్రత్తలు: కందిపప్పు, పసుపు ఆహారంలో వాడాలి. చల్లని వాతావరణం మంచిది. ఇతరులలో తప్పు పట్టడం మాని ప్రేమానురాగాలను పెంచుకుంటూ.. తప్పు చేయని వారు లోకంలో ఉండరని గుర్తించి సర్దుకోవడం అవసరం.
ఈ రాశిలో పుట్టిన వ్యక్తులు ప్రమాదాలకు గురికావడం, తొడలు, పిరుదులు, నరములకు సంబంధించిన అనారోగ్య సమస్యలు, గాయాలు, రక్తదోషము, చర్మవ్యాధులు, స్థూల శరీరం వలన కలిగే ఇబ్బందులు, ఊపిరితిత్తుల సమస్యలు, మధుమేహం మొదలైనవి కలిగే అవకాశం ఉంటుందట.
జాగ్రత్తలు: వ్యాయామం, ప్రాణాయామం చేస్తుండాలి. తగిన మోతాదులో ఆహరం తీసుకోవాలి. మొలకలొచ్చిన శనగలు రెగ్యులర్ గా తింటుండాలి. ఎక్కువ బాధ్యతలు తీసుకోకుండా ఉండాలి.
ఈ రాశిలో జన్మించిన వ్యక్తులు అజీర్ణం, రక్తదోషాలు, కీళ్ళనొప్పులు, చర్మవ్యాధులు, జలుబు, ఉదర రోగాలు, వాత సంబంధ అనారోగ్యాలు, మల, మూత్ర వ్యాధులు, చలి, చెవుడు, వెన్నెముక వ్యాధి, కాన్సర్, పక్షవాతం లాంటి వ్యాదులు వచ్చే అవకాశం ఉంటుందట.
జాగ్రత్తలు: వంటికి నువ్వుల నూనె పట్టించుకోవటం, నువ్వుల పొడి ఆహారంలో వాడకం, ప్రాణయామం, సూర్య నమస్కారాలు చేస్తుండాలి.
ఈ రాశిలో పుట్టిన వారికి నంజువ్యాధి, కంటి జబ్బు, నరాల జబ్బు, రక్తప్రసార దోషాలు, గుండెజబ్బు, బెణుకు నొప్పులు, కాళ్ళు, సీల మండల వ్యాధులు, అంటువ్యాధులు, జలోదరం, మలేరియా, నిద్రలేమి, రక్తపోటు లాంటి మొదలైన అనారోగ్య సమస్యలు ఏర్పడే అవకాశం ఉంటుందట.
జాగ్రత్తలు: మకరరాశి వలె వీరు కూడా నువ్వుల నూనె మసాజ్, ఆహారంలో నువ్వులపొడి వాడటం లాంటివి చేస్తుండాలి. సూర్య నమస్కారాలు చెయ్యటం. ప్రతి పనిలోను చురుకుదనం అలవర్చుకోవడం ద్వారా శరీరానికి అవసరమైన శక్తిని సమకూర్చుకోగలరు.
ఈ రాశి జాతకులకు భావోద్రేకం, బలహీనత, కీళ్ళ జబ్బులు, పాదములు, కాలివేళ్ళు నీరు పట్టడం. మద్యపానం వల్ల వచ్చే అనారోగ్యం. కణతులు, మలకోశం మొదలైన వాటికి సంబంధించిన అనారోగ్యాలు కలిగే అవకాశం ఉంటుందట.
జాగ్రత్తలు: మొలకలు వచ్చిన శనగలు తీసుకోవాలి. పసుపు ఆహారంలో భాగం చేసుకోవాలి. కవితా రచన భావోద్రేకాలను అదుపు చేస్తుంది.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Suspense Thriller ott : IMDbలో 7.4 రేటింగ్ ఉన్న 2 గంటల 15 నిమిషాల థ్రిల్లర్... 9 నెలల తరువాత ఓటీటీలోకి... నరాలు కట్టయ్యే సస్పెన్స్
Gundeninda GudiGantalu Today episode: మీనాపై శోభా సీరియస్.. రోహిణి తల్లికి యాక్సిడెంట్.. ప్రభావతికి శృతి షాక్..
