Car Buying Guide: కారు కొనడం అనేది వినడానికి చాలా ఈజీ అనిపిస్తుంది. కానీ, షోరూమ్ లో ఫైనల్ బిల్ చూసి చాలా మంది షాకవుతుంటారు. వెహికల్ ధరతో పాటు రకరకాల పేర్లతో బోలెడు అదనపు ఛార్జీలు యాడ్ చేస్తారు. మొదట ఇవి పెద్దగా అనిపించకపోయినా, మొత్తం కలిపితే లక్షల్లో తేడా వచ్చే అవకాశం ఉంటుంది. వీటిలో కొన్ని ప్రభుత్వ పన్నులు, రిజిస్ట్రేషన్ ఖర్చులు కాగా, మరికొన్ని డీలర్ షిప్ లు అదనంగా వసూలు చేసే ఛార్జీలు ఉంటాయి. అందుకే కారు కొనుగోలు సమయంలో ప్రతి లైన్ ను జాగ్రత్తగా పరిశీలించడం చాలా ముఖ్యం.
సాధారణంగా కనిపించే ఛార్జీల్లో డాక్యుమెంటేషన్ ఫీజు మొదటిది. వాహనానికి సంబంధించిన పేపర్ సిద్ధం చేయడం, ప్రాసెస్ చేయడం పేరుతో దీనిని వసూలు చేస్తారు. రాష్ట్రాన్ని బట్టి ఈ మొత్తం మారుతుంది. అలాగే ఫ్యాక్టరీ నుంచి కారును షోరూమ్కు తీసుకురావడానికి ఫ్రైట్ ఛార్జ్ కూడా జోడిస్తారు. ఇది కొత్త కార్లలో సాధారణంగా కనిపిస్తుంది.
అమ్మకపు పన్ను, టైటిల్ ఫీజు, రిజిస్ట్రేషన్ ఫీజు లాంటి ప్రభుత్వ సంబంధిత ఖర్చులు తప్పనిసరిగా చెల్లించాల్సి ఉంటుంది. కొన్ని రాష్ట్రాల్లో వాహనం విలువ ఆధారంగా రిజిస్ట్రేషన్ ఛార్జీలు పెరుగుతాయి.
కొత్త రిజిస్ట్రేషన్ ప్లేట్లు తీసుకుంటే అదనపు రుసుము ఉంటుంది. పాత ప్లేట్లు ట్రాన్స్ ఫర్ చేసినా కూడా కొంత ఖర్చు చెల్లించాల్సి ఉంటుంది. కొన్ని డీలర్లు ఎలక్ట్రానిక్ ఫైలింగ్ ఫీజు పేరుతో పత్రాలను ఆన్ లైన్ లో సమర్పించడానికి కూడా డబ్బు వసూలు చేస్తారు.
డీలర్ సర్వీస్ ఫీజు, డీలర్ ప్రిపరేషన్ ఫీజు లాంటి పేర్లతో కూడా అదనపు ఛార్జీలు జోడిస్తారు. కారును శుభ్రం చేయడం, డెలివరీకి సిద్ధం చేయడం వంటి కారణాలు చెబుతారు.
కొన్ని వాహనాలపై మార్కెట్ సర్దుబాటు లేదంటే మార్కప్ పేరుతో అసలు ధర కంటే ఎక్కువ మొత్తం వసూలు చేస్తారు. ముఖ్యంగా ఎక్కువ డిమాండ్ ఉన్న SUVలు, హైబ్రిడ్, కొత్త మోడళ్లపై ఈ ఫీజు కనిపిస్తుంది. అలాగే వీల్ లాక్స్, టింట్, పెయింట్ ప్రొటెక్షన్ లాంటి యాక్సెసరీలను ముందే అమర్చి వాటికి అధిక ధర వసూలు చేస్తారు.
VIN ఎచింగ్, పెయింట్ ప్రొటెక్షన్, ఇంటీరియర్ ప్రొటెక్షన్ లాంటి ప్యాకేజీలు కూడా చాలాసార్లు తప్పనిసరిగా చూపిస్తారు. కానీ, ఇవన్నీ నిజంగా అవసరమా? అనే విషయం కొనుగోలుదారుడు తెలుసుకోవాలి. టైర్లలో నైట్రోజన్ నింపడం లాంటి చిన్న విషయాలకు కూడా అదనపు ఛార్జీలు తీసుకుంటారు.
⦿ అదనంగా వీల్- టైర్ ప్రొటెక్షన్ ప్లాన్, ఎక్స్ టెండెడ్ వారంటీ, GAP కవరేజ్ లాంటి సర్వీసులను ఫైనాన్స్ సమయంలో సూచిస్తారు. కొన్ని సందర్భాల్లో ఇవి ఉపయోగపడినా, మొత్తం ధరను పెంచే అవకాశం ఉంటుంది.
కారు కొనుగోలు సమయంలో వాహనం ధర మాత్రమే కాకుండా అన్ని అదనపు ఛార్జీలను జాగ్రత్తగా పరిశీలించడం చాలా అవసరం. ప్రతి ఛార్జీ ఎందుకు వసూలు చేస్తున్నారో అడిగి తెలుసుకుంటే అనవసర ఖర్చులను తగ్గించుకోవచ్చు.
Read Also: సెకండ్ హ్యాండ్ కార్లలో ఫేక్ ఎయిర్ బ్యాగ్స్.. అలర్ట్ గా లేకపోతే అంతే సంగతులు!
Share
క్రికెట్ క్రేజ్తో నార్త్ ఇండియాను చుట్టేయబోతున్న ‘పెద్ది’ టీమ్.. అసలు ప్లాన్ ఇదే..
బిగ్ బ్రేకింగ్.. ప్రధాని మోదీ షెడ్యూల్లో మార్పులు
