Best Petrol Mileage Cars: మారుతి To టాటా.. అదిరిపోయే మైలేజ్ ఇచ్చే బెస్ట్ పెట్రోల్ కార్లు ఇవే!

Best Mileage Petrol Cars in India: దేశంలో వీలైనంత వరకు కాలుష్యాన్ని తగ్గించడమే లక్ష్యంగా కేంద్రం కీలక చర్యలు చేపడుతోంది. ఉద్గారాలను తగ్గించడమే లక్ష్యంగా ప్రభుత్వం కఠినమైన చర్యలు తీసుకోబోతోంది. సమీప భవిష్యత్తులో డీజిల్‌ తో నడిచే వాహనాలను దశలవారీగా తొలగించడానికి ప్రయత్నిస్తోంది. ఈ నేపథ్యంలో మంచి మైలేజ్ ఇచ్చే బెస్ట్ పెట్రోల్ కార్ల కోసం వినియోగదారులు ఆరా తీస్తున్నారు. ఈ నేపథ్యంలో మంచి మైలేజ్ ఇచ్చే టాప్ 5 పెట్రో కార్ల గురించి ఇప్పుడు తెలుసుకుందాం..

⦿ మారుతి సుజుకి సెలెరియో

మారుతి సుజుకి అందించే బెస్ట్ మైలేజ్ పెట్రోల్ కారు ఇది. 1.0L K10C మూడు సిలిండర్ల పెట్రోల్ ఇంజిన్‌ తో 67.5 bhp పవర్, 91.1 Nm టార్క్‌ ను ఉత్పత్తి చేస్తుంది. ఇది ఐదు స్పీడ్ మాన్యువల్, ఐదు స్పీడ్ AMT ట్రాన్స్‌ మిషన్‌ తో యాడ్ చేసి ఉంటుంది. మారుతి సుజుకి సెలెరియో ఒక లీటర్ పెట్రోల్ తో 26.69 కి.మీ వరకు మైలేజ్ అందిస్తుంది. మారుతి సుజుకి సెలెరియో ప్రారంభ ధర రూ. 4.69 లక్షలు.

⦿ హోండా అమేజ్

హోండా నుంచి సబ్ 4m సెడాన్గా మార్కెట్ లోకి అడుగు పెట్టింది. ఇది 88 bhp పవర్, 110 Nm టార్క్‌ ను ఉత్పత్తి చేస్తుంది. 1.2L నాలుగు సిలిండర్ల i-VTEC ఇంజిన్‌ తో వస్తుంది. ఇది ఐదు స్పీడ్ మాన్యువల్, ఏడు స్పీడ్ CVT ట్రాన్స్‌ మిషన్‌ తో వస్తుంది. హోండా అమేజ్ 19.46 కి.మీ మైలేజ్ ఇస్తుంది. హోండా అమేజ్ ప్రారంభ ధర రూ. 7.47 లక్షలుగా ఉంటుంది.

⦿ టయోటా గ్లాంజా

టయోటా గ్లాంజా దేశంలోని అత్యంత ఎక్కువ మైలేజ్ ఇచ్చే హ్యాచ్‌ బ్యాక్‌ లలో ఒకటి. టయోటా గ్లాంజా 88 bhp పవర్, 113 Nm టార్క్‌ ను ఉత్పత్తి చేసే 1.2L నాలుగు సిలిండర్ల K12N ఇంజిన్‌ తో వస్తుంది. ఇది ఐదు స్పీడ్ మాన్యువల్, ఐదు స్పీడ్ AMT ట్రాన్స్‌ మిషన్‌ తో ఉంటుంది. టయోటా గ్లాంజా 22.94 కి.మీ మైలేజ్ ఇస్తుంది. దీని ధర రూ. 6.46 లక్షల నుంచి ప్రారంభం అవుతుంది.

⦿ టాటా ఆల్ట్రోజ్

టాటా మోటార్స్ నుంచి విడుదలైన ప్రీమియం హ్యాచ్‌ బ్యాక్, ఆల్ట్రోజ్. ఇది 19.33 కి.మీ మైలేజ్ ఇస్తుంది. ఇది 1.2L మూడు సిలిండర్ రెవోట్రాన్ ఇంజిన్ ద్వారా 86.8 పవర్, 113 Nm టార్క్ ను ఉత్పత్తి చేస్తుంది. ఇది ఐదు స్పీడ్ మాన్యువల్, ఐదు స్పీడ్ AMT ట్రాన్స్‌ మిషన్‌ వస్తుంది. దీని ప్రారంభ ధర రూ. 6.30 లక్షలు.

⦿ హ్యుందాయ్ గ్రాండ్ i10 నియోస్

హ్యుందాయ్ బడ్జెట్ హ్యాచ్‌ బ్యాక్ గా మంచి గుర్తింపు తెచ్చుకుంది. 81.8 పవర్, 113.8 Nm టార్క్‌ ను ఉత్పత్తి చేసే 1.2L నాలుగు సిలిండర్ కప్పా ఇంజిన్ ను కలిగి ఉంటుంది. ఇది ఐదు స్పీడ్ మాన్యువల్, ఐదు స్పీడ్ AMT ట్రాన్స్‌ మిషన్‌ తో వస్తుంది. ఇది 21 కి.మీ మైలేజ్ ఇస్తుంది. ఈ కారు ప్రారంభ ధర రూ. 5.55 లక్షలు.