Ustaad Bhagat Singh: పవన్ కళ్యాణ్ ‘ఉస్తాద్ భగత్ సింగ్’కు డాల్బీ అట్మాస్ మ్యాజిక్.. ఇక థియేటర్లలో పూనకాలే!

Ustaad Bhagat Singh: పవర్ స్టార్ పవన్ కళ్యాణ్, మాస్ డైరెక్టర్ హరీష్ శంకర్ కాంబినేషన్ అంటేనే బాక్సాఫీస్ వద్ద ఒక సెన్సేషన్. గతంలో వీరు అందించిన ‘గబ్బర్ సింగ్’ సృష్టించిన ప్రభంజనం అంతా ఇంతా కాదు. ఇప్పుడు మళ్ళీ అదే మేజిక్‌ను రిపీట్ చేయడానికి ‘ఉస్తాద్ భగత్ సింగ్’ సిద్ధమవుతోంది. తాజాగా ఈ చిత్రం నుంచి వినిపిస్తున్న ఒక వార్త సోషల్ మీడియాను షేక్ చేస్తోంది. ఈ సినిమాను కేవలం థియేటర్లలోనే కాదు, అత్యున్నత సాంకేతిక ప్రమాణాలు కలిగిన డాల్బీ సినిమా (Dolby Cinema) ఫార్మాట్‌లో విడుదల చేయబోతున్నారు నిర్మాతలు. దీంతో ఈ సినిమా మరింత మంచి అనుభవం ఇవ్వనుంది.

విజువల్ పండగ

సాధారణంగా పెద్ద సినిమాలకు డాల్బీ అట్మాస్ ఉండటం సహజమే, కానీ ‘ఉస్తాద్ భగత్ సింగ్’ విషయంలో చిత్ర బృందం ఒక అడుగు ముందుకు వేసింది. డాల్బీ విజన్ (Dolby Vision) డాల్బీ అట్మాస్ (Dolby Atmos) కలయికతో వచ్చే ‘డాల్బీ సినిమా’ అనుభూతిని ఫ్యాన్స్‌కు పంచబోతున్నారు. దీనివల్ల స్క్రీన్ మీద పవన్ కళ్యాణ్ స్వాగ్, యాక్షన్ సీక్వెన్స్ రంగులు అత్యంత సహజంగా, స్పష్టంగా కనిపిస్తాయి. డాల్బీ అట్మాస్ టెక్నాలజీ వల్ల థియేటర్‌లోని ప్రతి మూల నుండి శబ్దం వినిపిస్తుంది. పవన్ కళ్యాణ్ చెప్పే పవర్‌ఫుల్ డైలాగ్స్ ప్రేక్షకుడి చెవి పక్కనే ఎవరో చెబుతున్నట్లుగా గూస్‌బంప్స్ తెప్పిస్తాయి.

డాల్బీ మ్యాజిక్!

ఈ సినిమాకు రాక్‌స్టార్ దేవి శ్రీ ప్రసాద్ (DSP) సంగీతం అందిస్తున్నారు. థమన్ బీజీఎమ్ అందిస్తున్నారు. పవన్ కళ్యాణ్ సినిమాల్లో మ్యూజిక్ ఎంతటి కీలక పాత్ర పోషిస్తుందో అందరికీ తెలిసిందే. ముఖ్యంగా హరీష్ శంకర్ సినిమాల్లో బ్యాక్ గ్రౌండ్ స్కోర్ (BGM) హై-వోల్టేజ్ మాస్‌లో ఉంటుంది. ఇప్పుడు ఈ మ్యూజిక్ డాల్బీ అట్మాస్ సిస్టమ్‌లో ప్లే అయినప్పుడు, థియేటర్లలో ఫ్యాన్స్‌కు నిజమైన పూనకాలు రావడం ఖాయం. “ఈసారి పర్ఫార్మెన్స్ బద్దలైపోద్ది” అని టీజర్‌లో పవన్ చెప్పినట్లుగానే, టెక్నికల్ పరంగా కూడా సినిమాను అంతే స్ట్రాంగ్‌గా నిర్మిస్తున్నారు మైత్రీ మూవీ మేకర్స్. పవన్ కళ్యాణ్ పోలీస్ ఆఫీసర్‌గా తనదైన మాస్ మేనరిజమ్స్‌తో చేసే రచ్చను ఈ అత్యాధునిక సౌండ్ సిస్టమ్‌లో చూడటం అభిమానులకు ఒక పెద్ద పండగ లాంటిదే. ‘ఉస్తాద్ భగత్ సింగ్’ సినిమా డాల్బీ సినిమా ఫార్మాట్‌లోకి రావడం అనేది కేవలం సినిమాటిక్ ఎక్స్‌పీరియన్స్‌ను మాత్రమే కాకుండా, టాలీవుడ్ స్థాయిని మరో మెట్టు పైకి తీసుకెళ్లే ప్రయత్నం. సిద్ధంగా ఉండండి, భగత్ సింగ్ రాకతో థియేటర్లు దద్దరిల్లడం ఖాయం గా అభిమానులు భావిస్తున్నారు.