Car Tyre Maintenance Guide: కామన్ గా కారు టైర్లు సాధారణంగా 40 వేల నుంచి 50 వేల కిలోమీటర్ల వరకు పని చేస్తాయని చాలా మంది భావిస్తారు. కానీ, కాస్త జాగ్రత్తలు, సరైన మెయింటెనెన్స ఉంటే వాటి లైఫ్ టైమ్ డబుల్ చేసుకునే అవకాశం ఉంటుంది. ఇందుకోసం కొన్ని సింపుల్ టిప్స్ పాటిస్తే టైర్లు ఎక్కువ కాలం మన్నికగా ఉంటాయి. డ్రైవింగ్ కూడా సేఫ్ గా ఉంటుంది. ఇంతకీ ఆ చిట్కాలు ఏంటనేది ఇప్పుడు తెలుసుకుందాం..
టైర్ ప్రెషర్‌ అనేది చాలా ముఖ్యం. గాలి తక్కువగా ఉంటే టైర్ల అంచులు త్వరగా అరిగిపోతాయి. మైలేజీ కూడా తగ్గుతుంది. గాలి ఎక్కువగా ఉంటే టైర్ మధ్య భాగం త్వరగా దెబ్బతింటుంది. అందుకే ప్రతి 10–15 రోజులకు ఒకసారి గాలి చెక్ చేయడం మంచిది. తయారీ కంపెనీ సూచించిన ప్రెషర్‌ ను పాటించడం వల్ల టైర్లు సమానంగా అరిగి ఎక్కువకాలం ఉపయోగపడతాయి.
సాధారణంగా ముందు టైర్లు ఎక్కువ ఒత్తిడిని తీసుకుంటాయి. అవి త్వరగా అరిగిపోతాయి. అందుకే, ప్రతి 10,000 కిలోమీటర్లకు ఓసారి టైర్ల ప్లేస్ మార్చడం వల్ల నాలుగు టైర్లు సమానంగా వాడుకలో ఉంటాయి. టైర్ల లైఫ్ పెంచడమే కాకుండా డ్రైవింగ్ లో స్థిరత్వాన్ని ఇస్తుంది.
వీల్ అలైన్‌మెంట్, బ్యాలెన్సింగ్‌ ను ఎట్టిపరిస్థితుల్లోనూ నిర్లక్ష్యం చేయకూడదు. కారు ఒక వైపుకు లాగడం, స్టీరింగ్‌ లో వైబ్రేషన్ అనిపిస్తే వెంటనే చెక్ చేయాలి. సరైన అలై న్‌మెంట్ లేకపోతే టైర్లు అడ్డగోలుగా అరిగిపోతాయి.
Read Also: ఏంటీ.. కార్ల లైట్లకూ ఓ భాష ఉంటుందా? ప్రతీ డ్రైవర్ కచ్చితంగా తెలుసుకోవాలండోయ్!
ఎప్పుడూ మంచి నాణ్యమైన టైర్లను మాత్రమే ఉపయోగించాలి. చౌకగా దొరికే టైర్లు తక్కువ కాలంలోనే పాడవుతాయి. వర్షం, అధిక వేగంలో ఇవి ప్రమాదకరంగా మారే అవకాశం ఉంటుంది. మంచి బ్రాండ్ టైర్లు కొంచెం ఖరీదైనా, భద్రత, దీర్ఘకాల ప్రయోజనం ఇస్తాయి.
టైర్లను శుభ్రంగా ఉంచాలి. మట్టి, ఆయిల్, గ్రీజ్ లాంటి పదార్థాలు టైర్ రబ్బరును నెమ్మదిగా దెబ్బతీస్తాయి. కనీసం నెలకు ఒకసారి టైర్లను శుభ్రం చేయడం అలవాటు చేసుకుంటే బలంగా ఉంటాయి.
డ్రైవింగ్ స్టైల్ కూడా చాలా ప్రభావం చూపుతుంది. అకస్మాత్తుగా బ్రేకులు వేయడం, వేగంగా మలుపులు తిరగడం లాంటి అలవాట్లు టైర్లపై ఎక్కువ ఒత్తిడిని పెంచుతాయి. సాఫ్ట్‌ గా డ్రైవ్ చేయడం వల్ల టైర్లు ఎక్కువకాలం చక్కగా పని చేస్తాయి. ఇంధన వినియోగం కూడా మెరుగుపడుతుంది. చిన్న చిన్న అలవాట్లు మార్చుకుంటే.. టైర్లు ఎక్కువకాలం మన్నడంతో పాటు ఖర్చులను కూడా తగ్గించుకోవచ్చు.
Read Also: రెడ్, బ్లూ, గ్రీన్.. ఏ కలర్ గ్రీజ్ ఎందుకు వాడుతారో తెలుసా?
Share
ఛోళీ కే పీచే.. మళ్ళీ అదే డర్టీ పిక్చర్! తమన్నాకు ఇది అవసరమా?
పెట్రోల్, డీజిల్ కొరత లేదు.. ప్రజలు టెన్షన్ పడొద్దు.. కిషన్ రెడ్డి భరోసా
