How to Remove Bad Smell from Your Car: కారులో దుర్వాసన రావడం కామన్ గా ఎదురయ్యే సమస్యే. ముఖ్యంగా రోజూ ప్రయాణం చేసే వాళ్లకు, చిన్న చిన్న అలవాట్లతో కారులో చెడు వాసన వస్తుంది. అయితే, కొన్ని సింఫుల్ టిప్స్ పాటిస్తే కారు ఎప్పుడూ ఫ్రెష్ గా అనిపిస్తుంది. ఇంతకీ అవేంటో ఇప్పుడు తెలుసుకుందాం..
కారును క్రమం తప్పకుండా శుభ్రం చేయాలి. చాలా మంది కారును బయట నుంచి మాత్రమే వాష్ చేస్తారు. కానీ, లోపల శుభ్రం చేయరు. ప్రతి వారం ఒకసారి వాక్యూమ్ క్లీనర్ తో సీట్లు, కార్పెట్లు శుభ్రం చేయాలి. డాష్ బోర్డ్, డోర్ ప్యానెల్స్ ను శుభ్రంగా తుడవాలి. ముఖ్యంగా మిగిలిపోయిన ఫుడ్, తడి వస్తువులు కారులో ఉంచకూడదు. ఇవే ఎక్కువగా దుర్వాసనకు కారణం అవుతాయి.
కార్లలో సహజమైన ఎయిర్ ఫ్రెషనర్లను ఉపయోగించడం మంచిది. మార్కెట్లో దొరికే కెమికల్ స్ప్రేలు కొంతసేపు వాసన ఇస్తాయి. కానీ. కొన్నిసార్లు తలనొప్పి, అసౌకర్యం కలిగిస్తాయి. దీనికి బదులుగా కోల్ బ్యాగ్స్, సుగంధ నూనెలు లాంటివి ఉపయోగిస్తే అవి వాసనను పీల్చుకుని కారులో సహజమైన సువాసనను ఇస్తాయి. వీటిని సీట్ల కింద లేదంటే కప్ హోల్డర్ దగ్గర ఉంచితే మంచిది.
కారులోని AC సిస్టమ్ ను శుభ్రంగా ఉంచడం చాలా అవసరం. మురికిగా ఉన్న AC వల్ల గాలి నాణ్యత తగ్గిపోతుంది. చెడు వాసనలు వస్తాయి. అప్పుడప్పుడు AC ఫిల్టర్ను శుభ్రం చేయ చేయాలి. అలాగే AC క్లీనర్ స్ప్రేలు ఉపయోగించడం వల్ల బ్యాక్టీరియా తొలగి, గాలి తాజాగా ఉంటుంది.
బేకింగ్ సోడా కూడా మంచి పరిష్కారం. ఇది సహజంగా వాసనను పీల్చుకునే గుణాన్ని కలిగి ఉంటుంది. సీట్లు, కార్పెట్లపై కొద్దిగా చల్లి కొన్ని గంటలు వదిలేయాలి. తరువాత వాక్యూమ్ చేస్తే చెడు వాసన తగ్గిపోతాయి. ఇది సులభమైన, సురక్షితమైన పద్ధతి. ఫ్లోర్ మ్యాట్, కార్పెట్లను తరచూ శుభ్రం చేయాలి. బయట నుంచి వచ్చే దుమ్ము, బురద, తేమ ఇవన్నీ అక్కడే పేరుకుపోయి వాసనకు కారణమవుతాయి. వాటిని తీసి నీటితో కడిగి, బాగా ఆరబెట్టిన తర్వాత వాడుకోవాలి.
కారులో చెత్త పేరుకుపోవడం కూడా ఒక ప్రధాన కారణం. చిన్న చిన్న ఫుడ్ ప్యాకెట్లు, బాటిళ్లు, పేపర్లు ఇలా ఏవైనా ఉండకూడదు. ప్రతిరోజూ కారును ఒకసారి చెక్ చేసి, అవసరం లేని వస్తువులను తీసేయాలి. చివరగా, వాసన ఎక్కడి నుంచి వస్తుందో గుర్తించడం చాలా ముఖ్యం. సీట్ల కింద, మ్యాట్ల కింద, బూట్ స్పేస్ లో ఏదైనా తడి, పాడైన వస్తువులు ఉండవచ్చు. వాటిని తొలగిస్తే సరిపోతుంది.
Read Also: తొలిసారి ఈవీ కారు కొంటున్నారా? ఈ 5 తప్పులు అస్సలు చేయకండి!
Share
ప్రేక్షకులకు సర్పైజ్ ఇచ్చిన రణ్ బీర్ కపూర్... ‘రామాయణ’లో డ్యూయల్ రోల్..
‘లీడర్’గా వచ్చిన శరవరన్ సినిమాను లీడ్ చేయగలిగాడా?.. ఫుల్ రివ్యూ..
