Electric Car Buying Tips: ఈ రోజుల్లో చాలా మంది ఎలక్ట్రిక్ కార్లు కొనగోలు చేస్తున్నారు. పెట్రోల్, డీజీల్ కార్లను కాదని ఎక్కువగా ఛార్జింగ్ వాహనాలను తీసుకుంటున్నారు. అయితు, ఈవీలు కొనే సమయంలో ఈ తప్పులు చేస్తే తర్వాత ఇబ్బందులు ఎదురయ్యే అవకాశం ఉంది. ఇంతకీ ఆ తప్పులు ఏంటి? వాటి నుంచి ఎలా బయటపడాలి? అనే విషయాలను ఇప్పుడు తెలుసుకుందాం..
చాలా మంది కొనుగోలుదారులు కంపెనీలు చెప్పే రేంజ్ ఫైనల్ అనుకుంటారు. కానీ, రేంజ్ అనేది డ్రైవింగ్ స్టైల్, ట్రాఫిక్ పరిస్థితులు, వాతావరణం, AC వాడకం లాంటి విషయాల మీద ఆధారపడి మారుతుంది. అందుకే కేవలం బ్రోచర్‌ లో ఉన్న నెంబర్ ను చూసి నిర్ణయం తీసుకోకూడదు. వినియోగదారుల అనుభవాలు, రివ్యూలు చూడాలి.
చాలా మంది ఛార్జింగ్ సౌకర్యాన్ని పట్టించుకోరు. EV కొనుగోలు చేసే ముందు మీ ఇంటి దగ్గర లేదంటే మీ ప్రయాణ మార్గంలో ఛార్జింగ్ స్టేషన్లు ఉన్నాయా? లేదా? అనేది తెలుసుకోవాలి. ఇంట్లో ఛార్జింగ్ ఏర్పాటు చేయగలరా? అన్నది కూడా పరిశీలించాలి. లేకపోతే, రోజూ ఛార్జింగ్ కోసం ఇబ్బందులు పడాల్సి వస్తుంది.
ఈవీ ఛార్జింగ్ టైమ్‌ను అంచనా వేయకపోవడం మరోతప్పు. పెట్రోల్ బంక్‌ లో ఇంధనం నింపడం కొన్ని నిమిషాల్లో పూర్తవుతుంది. కానీ, EVలో పూర్తి ఛార్జింగ్‌కు ఎక్కువ సమయం పడుతుంది. ఫాస్ట్ ఛార్జర్లు ఉన్నా అవి ఎప్పుడూ అందుబాటులో ఉండకపోవచ్చు. రోజువారీ వినియోగానికి ఎలా సరిపోతుందో ముందే ఆలోచించాలి.
చాలా మందికి బ్యాటరీ గురించి సరైన అవగాహన ఉండదు. EVలో బ్యాటరీనే ప్రధాన భాగం. ఖరీదైనది కూడా. చాలా మంది వారంటీ, బ్యాటరీ లైఫ్ టైమ్ లాంటి విషయాలను పట్టించుకోరు. కానీ ఇది భవిష్యత్తులో ఖర్చుపై తీవ్ర ప్రభావం చూపుతుంది. కాబట్టి కొనుగోలు చేసే ముందు బ్యాటరీ గ్యారంటీ, దాని పనితీరు ఎలా ఉంటుందో తెలుసుకోవాలి.
చాలా మంది ఈవీకి సంబంధించి మొత్తం ఖర్చును పరిగణలోకి తీసుకోరు. EVలు ప్రారంభంలో ఖరీదుగా అనిపించవచ్చు. కానీ. దీర్ఘకాలంలో ఖర్చు తగ్గిస్తుంది. అయినప్పటికీ ఛార్జింగ్ ఖర్చు, సర్వీసింగ్, ఇన్సూరెన్స్, భవిష్యత్తులో బ్యాటరీ మార్పిడి లాంటి అంశాలను కూడా పరిగణనలోకి తీసుకోవాలి. ఇవన్నీ కలిపి చూసినప్పుడు మాత్రమే నిజమైన ఖర్చు తెలుస్తుంది.
చాలా మంది ఈవీ కొనుగోలు చేస్తారు. కానీ, అవసరాలకు అనుకూలంగా ఉంటాయా? లేవా? అనేది ఆలోచించరు. ప్రతి EV ప్రతి ఒక్కరికి సరిపోదు. కొన్ని కార్లు నగర ప్రయాణాలకు బాగుంటే, మరికొన్ని లాంగ్ డ్రైవ్స్‌ కు అనుకూలంగా ఉంటాయి. కేవలం డిజైన్, బ్రాండ్ చూసి కాకుండా, మీ రోజువారీ అవసరాలను దృష్టిలో పెట్టుకుని కొనుగోలు చేయాలి. మంచి సర్వీస్ సపోర్ట్, అప్డేట్ అయ్యే ఫీచర్లు ఉన్న మోడల్ ను ఎంచుకోవడం మంచిది.
Read Also: డ్రైవింగ్ లో కారు విండ్‌ షీల్డ్‌ పగిలిందా? ఈ తప్పులు అస్సలు చేయొద్దు!
Share
Trump: రాతియుగానికి ఇరాన్? ట్రంప్ హెచ్చరికతో వణికిపోతున్న ప్రపంచం!
గ్రూప్-1 అభ్యర్థులకు బిగ్ రిలీఫ్.. సుప్రీంకోర్టు తీర్పుతో క్లియర్ అయిన అడ్డంకులు!
