Automatic vs Manual Cars: సాధారణంగా కారు కొనాలనుకునే వారికి ఫస్ట్ వచ్చే డౌట్, ఆటోమేటిక్ కారు తీసుకోవాలా? మాన్యువల్ కారు తీసుకోవాలా? అని. అయితే, రెండు కార్లలో ఏది బెస్ట్? ఎందుకు అనేది ఇప్పుడు తెలుసుకునే ప్రయత్నం చేద్దాం.
సింఫుల్ గా చెప్పాలంటే.. మాన్యువల్ కారులో డ్రైవర్ క్లచ్ నొక్కి, గేర్ లివర్‌ తో గేర్లు మార్చాలి. కానీ, ఆటోమేటిక్ కారులో ఇలా ఉండదు. ఈ పని కారు ఆటోమేటిక్ గా చేస్తుంది. క్లచ్ ఉండదు. కేవలం యాక్సిలరేటర్, బ్రేక్‌ మీద ఫోకస్ పెడితే సరిపోతుంది. నిజానికి సిటీ డ్రైవింగ్ కు ఆటోమేటిక్ కార్లు చాలా అనుకూలంగా ఉంటాయి. ట్రాఫిక్ ఎక్కువగా ఉన్నప్పుడు మాన్యువల్ కారులో తరచుగా క్లచ్ నొక్కడం, గేర్ మార్చడం ఇబ్బందిగా ఉంటుంది. కానీ, ఆటోమేటిక్ కారులో ఈ సమస్య ఉండదు. అందుకే ప్రస్తుతం నగరాల్లో ఎక్కువ మంది ఆటోమేటిక్ కార్లవైపు మొగ్గు చూపుతున్నారు. కొత్తగా డ్రైవింగ్ నేర్చుకునే వారికి కూడా ఇవి చాలా ఈజీగా ఉంటాయి.
ఇప్పుడు వస్తున్న ఆటోమేటిక్ గేర్ బాక్స్‌లు చాలా అడ్వాన్స్‌ గా మారాయి. పనితీరు కూడా మాన్యువల్ కార్లతో పోలిస్తే చాలా దగ్గరగా ఉంటుంది. ఫ్యూయెల్ ఎఫిషియెన్స్ కూడా గతంతో పోలిస్తే చాలా మెరుగైంది. అయితే, మాన్యువల్ కార్లు ఆటోమేటిక్ కార్ల కంటే సాధారణంగా లక్ష నుంచి రెండు లక్షల వరకు ధర తక్కువగా ఉంటాయి. బడ్జెట్ తక్కువగా ఉన్నవారికి ఇది బెస్ట్ ఆప్షన్ గా చెప్పుకోవచ్చు. మెయింటెనెన్స్ ఖర్చులు కూడా తక్కువగా ఉంటాయి.
మాన్యువల్ కార్లలో గేర్ నియంత్రణ పూర్తిగా డ్రైవర్ చేతిలో ఉంటుంది. ఇది హైవేలు, కొండ ప్రాంతాల్లో డ్రైవ్ చేసే సమయంలో ఉపయోగపడుతుంది. ఎక్కువ అనుభవం ఉన్న డ్రైవర్లు మాన్యువల్ కార్లను ఇష్టపడతారు. ఫ్యూయెల్ ఎఫిషియెన్సీ విషయానికి వస్తే, ఒకప్పుడు మాన్యువల్ కార్లే ఎక్కువ మైలేజ్ ఇస్తాయని భావించేవారు. కానీ, ఇప్పుడు పరిస్థితి మారింది. లేటెస్ట్ ఆటోమేటిక్ కార్లు కూడా దాదాపు అదే స్థాయి మైలేజ్ ఇస్తున్నాయి. కొన్ని సందర్భాల్లో సిటీ డ్రైవింగ్ లో ఇవే మరింత ఇంధన ఆదా ఇస్తాయి.
ఎక్కువగా ట్రాఫిక్ లో డ్రైవ్ చేసే అవకాశం ఉంటే, అలసట తగ్గాలని భావిస్తే, ఒకవేళ మీరు కొత్త డ్రైవర్ అయితే ఆటోమేటిక్ కారు కొనుగోలు చేయడం మంచింది. ఈ కారు డ్రైవింగ్ ను ఈజీగా మార్చుతుంది. ఒకవేళ బడ్జెట్ పరిమితంగా ఉంటే, డ్రైవింగ్ పై పూర్తి కంట్రోల్ కావాలనుకుంటే, ఎక్కువగా హైవేలపై ప్రయాణిస్తే మాన్యువల్ కారు మంచిది. ఏది కొనాలనేది ఆయా వినియోగదారుల అవసరాలను బట్టి ఆధారపడి ఉంటుంది. సౌకర్యం కావాలంటే ఆటోమేటిక్… ఖర్చు తగ్గించుకోవాలంటే మాన్యువల్ బెస్ట్.
Read Also: ఈ బ్యాటరీ సైకిళ్లు ఉంటే.. పెట్రోల్ చింతే ఉండదు, వీటి ధర ఫీచర్స్ తెలిస్తే ఆశ్యరపోతారు!
Share
Mosquito Bat Risks: మస్కిటో బ్యాట్‌ను టీవీ దగ్గర పెడుతున్నారా? అయితే, మీరు కొత్త టీవీ కొనుక్కోవాల్సిందే, ఎందుకంటే?
Jayam Ravi: అసలు నాకు పెళ్లే కాలేదు.. సడన్ ట్విస్ట్ ఇచ్చిన జయం రవి!
