Tata to Launch Safari EV Soon: టాటా మోటార్స్ త్వరలోనే భారతీయ మార్కెట్లో పెద్ద ఎలక్ట్రిక్ కారును తీసుకురానుంది. ఈసారి కంపెనీ పూర్తి కుటుంబానికి సరిపోయే 7-సీటర్ SUVపై ఫోకస్ పెట్టింది. పండుగ సీజన్‌ ను దృష్టిలో పెట్టుకుని టాటా సఫారీ ఈవీని విడుదల చేయాలని ప్లాన్ చేస్తున్నట్లు తెలుస్తోంది. ఈ మోడల్, టాటా నుంచి వచ్చే మొదటి 7-సీటర్ ఎలక్ట్రిక్ SUVగా నిలవబోతోంది.
ఇప్పటికే టాటా ఎలక్ట్రిక్ వాహనాల విభాగంలో మంచి స్థానం సంపాదించుకుంది. నెక్సాన్ EV, టిగోర్ EV లాంటి మోడళ్లతో వినియోగదారుల నమ్మకాన్ని పొందిన ఈ కంపెనీ, ఇప్పుడు మరింత ప్రీమియం సెగ్మెంట్‌ లోకి అడుగుపెడుతోంది. సఫారీ ఈవీ ద్వారా పెద్ద కుటుంబాల కోసం, ఎక్కువ స్పేస్, కంఫర్ట్ కోరుకునే వారికి కొత్త ఆప్షన్ ఇవ్వాలని భావిస్తోంది.
కొత్త సఫారీ ఈవీ.. యాక్టి.ఈవీ+ ప్లాట్‌ఫారమ్‌పై తయారుకానుంది. ఇదే ప్లాట్‌ ఫారమ్ హారియర్ ఈవీకి కూడా ఉపయోగించారు. సో, ఈ రెండు మోడళ్ల మధ్య కొన్ని పోలికలు ఉండే అవకాశం ఉంది. అయితే, సఫారీ పెద్ద వాహనం కావడంతో.. మరింత విశాలమైన క్యాబిన్, మూడు వరుసల సీట్లతో రానుంది.
డిజైన్ పరంగా చూస్తే.. సఫారీ ఈవీ చాలా వరకు దాని పెట్రోల్, డీజిల్ వెర్షన్‌లానే కనిపించే అవకాశం ఉంది. కానీ, ఎలక్ట్రిక్ వాహనాలకు ప్రత్యేకంగా ఉండే కొన్ని మార్పులు ఉంటాయి. ముందు భాగంలో గ్రిల్ అవసరం లేకపోవడం వల్ల అది క్లోజ్ చేసిన డిజైన్ లో ఉండవచ్చు. అలాగే కొత్త బంపర్లు, ఏరోడైనమిక్ అల్లాయ్ వీల్స్ వంటి చిన్న మార్పులతో రావచ్చు.
ఇంటీరియర్ విషయానికి వస్తే, ఇందులో ప్రీమియం ఫీల్‌ ను కొనసాగించేలా డిజైన్ చేచేశారు. పెద్ద టచ్‌ స్క్రీన్, డిజిటల్ ఇన్‌స్ట్రుమెంట్ క్లస్టర్, మల్టీ ఫంక్షన్ స్టీరింగ్ వీల్ లాంటి ఫీచర్లు ఉండే అవకాశం ఉంది. మూడు వరుసల సీటింగ్ ఉండటం వల్ల, కుటుంబ ప్రయాణాలకు మరింత అనుకూలంగా ఉంటుంది.
బ్యాటరీ, పనితీరు పరంగా కూడా సఫారీ ఈవీ మరింత పవర్ ఫుల్ గా ఉండనుంది. హారియర్ ఈవీ మాదిరిగానే 65 kWh, 75 kWh బ్యాటరీ ఆప్షన్లు అందించే అవకాశం ఉంది. ఇందులో పెద్ద బ్యాటరీ ఉన్న వేరియంట్‌ లో డ్యూయల్ మోటార్ సిస్టమ్ ఉండి, ఆల్ వీల్ డ్రైవ్ సపోర్ట్ కూడా ఉండొచ్చు. అయితే, సఫారీ బరువు ఎక్కువగా ఉండటం వల్ల, అదే బ్యాటరీతో వచ్చినా రేంజ్ కొద్దిగా తగ్గే అవకాశం ఉంది.
సఫారీ ఈవీ మార్కెట్లోకి వచ్చిన తర్వాత, మహీంద్రా లాంటి కంపెనీల నుంచి వచ్చే ఎలక్ట్రిక్ SUVలకు గట్టి పోటీ ఇవ్వనుంది. ముఖ్యంగా 7-సీటర్ ఎలక్ట్రిక్ SUV సెగ్మెంట్‌ లో ఇది ఒక కొత్త స్టాండర్డ్‌ ను సెట్ చేసే అవకాశం ఉంది.
Read Also: కార్ల ధరలు పెంచిన మహీంద్రా.. ఏ మోడళ్లపై ఎఫెక్ట్ ఉంటుందంటే?
Share
Narada Gadda: సాక్ష్యాత్తు నారదుడు తపస్సు చేసిన ప్రాంతం - కృష్టానది మధ్యలో దీవి - అద్బుతమైన ఆలయం ఎక్కడో తెలుసా..?
Congress : ఆ ఇద్దరిలో ఒకరి మంత్రి పదవి ఔట్!
