Ethanol-Powered Vehicles: దేశంలో ఫ్లెక్స్ ఫ్యూయల్ టెక్నాలజీపై ఆసక్తి రోజురోజుకు పెరుగుతోంది. ఇప్పటికే పలు ఆటోమొబైల్ కంపెనీలు ఇథనాల్ తో నడిచే కార్లు, బైక్లను అభివృద్ధి చేస్తున్నాయి. అయితే, ఫ్లెక్స్ ఫ్యూయల్ వెహికల్స్ అంటే ఏంటి? సాధారణ పెట్రోల్ వాహనంతో పోల్చితే తేడాలేంటి? అనే డౌట్స్ ఉన్నాయి. ఈ నేపథ్యంలో రెండు వాహనాల మధ్య తేడా ఏంటనేది ఇప్పుడు తెలుసుకుందాం..
ఫ్లెక్స్ ఫ్యూయల్ వాహనాలు పెట్రోల్, స్వచ్ఛమైన ఇథనాల్ మిశ్రమంతో నడిచేలా తయారు చేస్తారు. E20, E50, E85, E100 లాంటి ఇంధన మిశ్రమాలను ఉపయోగించుకుని నడుస్తుంది. సాధారణ పెట్రోల్ వాహనాలు మాత్రం పరిమిత స్థాయి ఇథనాల్ మిశ్రమం కలిగిన ఇంధనాన్ని మాత్రమే ఉపయోగించుకుంటాయి.
ఫ్లెక్స్ ఫ్యూయల్ వాహనాల్లో ప్రత్యేకమైన ఫ్యూయల్ సిస్టమ్ ఉంటుంది. ట్యాంకులో ఎంత శాతం పెట్రోల్, ఎంత శాతం ఇథనాల్ ఉందో గుర్తించే సెన్సార్లు ఇందులో అమర్చబడతాయి. ఈ సమాచారం ఆధారంగా వాహనంలోని ఇంజిన్ కంట్రోల్ యూనిట్ ఇంజిన్ పనితీరును ఆటోమేటిక్ గా అడ్జెస్ట్ చేసుకుంటుంది. ఏ మిశ్రమం ఇంధనం ఉపయోగించినా వాహనం సాఫీగా నడుస్తుంది.
ఇథనాల్ వల్ల కలిగే తుప్పు ప్రభావాన్ని తట్టుకునేలా ఫ్యూయల్ పైపులు, ఇంజెక్టర్లు, రబ్బర్ సీల్స్ వంటి భాగాలను ప్రత్యేకంగా తయారు చేస్తారు. సాధారణ పెట్రోల్ వాహనాల్లో ఈ ప్రొటెక్షన్ ఉండదు. అందుకే అధిక ఇథనాల్ ఇంధనాన్ని సాధారణ వాహనాల్లో ఉపయోగిస్తే ఇంజిన్ భాగాలు దెబ్బతినే ప్రమాదం ఉంటుంది.
మైలేజ్ విషయంలో కూడా కొన్ని తేడాలు ఉంటాయి. ఇథనాల్ లో పెట్రోల్ తో పోలిస్తే శక్తి సాంద్రత తక్కువగా ఉంటుంది. E85, E100 లాంటి అధిక ఇథనాల్ మిశ్రమాలను ఉపయోగించినప్పుడు ఫ్లెక్స్ ఫ్యూయల్ వాహనాల్లో మైలేజ్ కొంత తగ్గవచ్చు. అయితే, పెట్రోల్ తో నడిచే వాహనాలు సాధారణంగా స్థిరమైన ఇంధన సామర్థ్యాన్ని అందిస్తాయి.
పవర్ పరంగా చూస్తే ఫ్లెక్స్ ఫ్యూయల్ వాహనాలకు ఎక్కువ పవర్ ఉంటుంది. ఇథనాల్ కు అధిక ఆక్టేన్ రేటింగ్ ఉండటం వల్ల కొన్ని వాహనాలు అధిక ఇథనాల్ మిశ్రమంతో నడిచేటప్పుడు మరింత శక్తి, టార్క్ ను ఉత్పత్తి చేస్తాయి. సో, పనితీరు పరంగా కూడా కొన్ని సందర్భాల్లో ఫ్లెక్స్ ఫ్యూయల్ వాహనాలు మెరుగ్గా ఉంటాయి.
పర్యావరణ పరిరక్షణలోనూ ఫ్లెక్స్ ఫ్యూయల్ వాహనాలు కీలక పాత్ర పోషిస్తాయి. ఇథనాల్ను చెరకు, మొక్కజొన్నలాంటి వేస్టేజ్ నుంచి నుంచి తయారు చేస్తారు. ఈ ఇంధన వినియోగంతో కార్బన్ ఉద్గారాలు తగ్గే అవకాశం ఉంటుంది. కాలుష్య కారకాలు విడుదల కూడా తగ్గుతుంది. సాధారణ పెట్రోల్ వాహనాలతో పోలిస్తే పర్యావరణానికి మరింత అనుకూలంగా ఉంటుంది.
ఫ్లెక్స్ ఫ్యూయల్ వాహనాలు భవిష్యత్ ఇంధన అవసరాలకు అనుగుణంగా ఉండే సాంకేతికతతో తయారు చేస్తున్నారు. ఇంధన ఖర్చులను తగ్గించడం, దిగుమతి చమురుపై ఆధారాన్ని తగ్గించడం, పర్యావరణాన్ని కాపాడడం లాంటి లక్ష్యాలతో రూపొందిస్తున్న ఈ వాహనాలు భారత ఆటోమొబైల్ రంగంలో కీలక పాత్ర పోషించబోతున్నాయి.
Read Also: హీరో To హోండా.. ఇండియన్ మార్కెట్ లో ఎంట్రీ ఇస్తున్న ఫ్లెక్స్ ఫ్యూయల్ బైక్స్ ఇవే!
Share
పిల్లల చేతికి స్మార్ట్ఫోన్.. సరైన వయసు ఎంతో తెలుసా? క్లారిటీ వచ్చేసింది!
తమిళ రాజకీయాల్లో మరో ట్విస్ట్.. బీజేపీకి అన్నామలై గుడ్ బై? త్వరలో కొత్తపార్టీ!
