హీరో మోటోకార్ప్ వచ్చే ఆర్థిక సంవత్సరానికి సంబంధించి అదిరిపోయే ప్లాన్స్ వేస్తోంది. దేశంలో స్కూటర్లు, ఎలక్ట్రిక్ వాహనాలు, ప్రీమియం బైక్ లకు పెరుగుతున్న డిమాండ్ ను దృష్టిలో పెట్టుకుని కంపెనీ 12కు పైగా కొత్త మోడళ్లను విడుదల చేయాలని భావిస్తోంది. ముఖ్యంగా EV సెగ్మెంట్‌ లో తన స్థానాన్ని మరింత బలోపేతం చేసుకునేందుకు పెద్ద ఎత్తున పెట్టుబడులు పెట్టేందుకు సిద్ధమవుతోంది.
ఇప్పటి వరకు హీరో మోటోకార్ప్ ఎక్కువగా కమ్యూటర్ బైక్ లపై ఎక్కువగా ఫోకస్ పెట్టింది. అయితే, ఇప్పుడు మార్కెట్ మారుతున్న నేపథ్యంలో కంపెనీ ప్రీమియం మోడళ్లతో పాటు స్కూటర్లపై కూడా ప్రత్యేక దృష్టి పెట్టింది. ఇందులో ముఖ్యంగా విడా ఎలక్ట్రిక్ స్కూటర్లకు ప్రాధాన్యత ఇస్తోంది. హీరో ఇప్పటికే హీరో జూమ్ స్కూటర్ ఉత్పత్తి సామర్థ్యాన్ని పెంచింది. అలాగే డెస్టినీ స్కూటర్ తయారీని కూడా మరింత విస్తరించే పనిలో ఉంది. మరోవైపు విడా ఎలక్ట్రిక్ స్కూటర్ల ఉత్పత్తిని కంపెనీ మూడు రెట్లు పెంచాలని లక్ష్యంగా పెట్టుకుంది. 2026 చివరి నాటికి ఈ ఉత్పత్తి గణనీయంగా పెరుగుతుందని అంచనా వేస్తోంది.
కంపెనీ అంచనాల ప్రకారం, 2030 నాటికి హీరో స్కూటర్ అమ్మకాలలో సగానికి పైగా ఎలక్ట్రిక్ స్కూటర్లే ఉండే అవకాశం ఉంది. ప్రస్తుతం నగరాలతో పాటు చిన్న పట్టణాల్లో కూడా EVల వినియోగం క్రమంగా పెరుగుతుండటంతో హీరో ఈ అవకాశాన్ని ఉపయోగించుకోవాలని చూస్తోంది. దేశ వ్యాప్తంగా ఒకేసారి విస్తరించకుండా, ప్రాంతాల వారీగా EV మార్కెట్ ను అభివృద్ధి చేయాలని హీరో భావిస్తోంది. విడా స్కూటర్ల కోసం షోరూమ్‌లు, సర్వీస్ సెంటర్లను పెంచుతోంది. అలాగే, స్థానికంగా విడిభాగాల తయారీ, సరఫరా వ్యవస్థను కూడా బలోపేతం చేస్తోంది. దీంతో ఖర్చులు తగ్గి ఉత్పత్తి సామర్థ్యం పెరుగుతుందని కంపెనీ నమ్ముతోంది.
FY27లో హీరో విడుదల చేయబోయే 12కు పైగా కొత్త మోడళ్లలో పెట్రోల్ బైక్‌లు, స్కూటర్లు, ఎలక్ట్రిక్ వాహనాలు ఉండనున్నాయి. ముఖ్యంగా 125ccకు పైగా సామర్థ్యం కలిగిన ప్రీమియం బైక్‌లపై కంపెనీ ఎక్కువ దృష్టి పెట్టినట్లు తెలుస్తోంది. ప్రస్తుతం వినియోగదారులు ఎక్కువ ఫీచర్లు, మెరుగైన పనితీరు ఉన్న వాహనాల వైపు మొగ్గు చూపుతున్నారని హీరో గుర్తించింది.
గత ఆర్థిక సంవత్సరంలో హీరో దాదాపు 55 లక్షల మోటార్‌ సైకిళ్లు, 5.7 లక్షలకు పైగా స్కూటర్లను అమ్మింది. గ్రామీణ ప్రాంతాల్లో డిమాండ్ పెరగడం, ఎగుమతులు మెరుగుపడటం, ప్రీమియం బైక్‌ల అమ్మకాలు పెరగడం వల్ల కంపెనీ లాభాలు కూడా గణనీయంగా పెరిగాయి. చివరి త్రైమాసికంలో కంపెనీ లాభం సుమారు 30 శాతం పెరిగినట్లు సమాచారం.
Read Also: VF3 To VF8.. భారత్‌ లోకి ఒకేసారి 3 కొత్త విన్‌ ఫాస్ట్ ఎలక్ట్రిక్ కార్లు!
Share
ఒకప్పటి టాలీవుడ్ గ్లామర్ క్వీన్ రంభ ఇంట తీవ్ర విషాదం.. నా ప్రపంచం శూన్యమైందంటూ ఎమోషనల్ పోస్ట్!
పెళ్లి కంటే కుక్కను పెంచుకోవడం బెటర్....టాలీవుడ్ బ్యూటీ బోల్డ్ స్టేట్మెంట్!
